Kurdî  ■  كوردی  ■  عربي
SAT, 25 MAY 2019 10:55 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"خانووی زێدەڕۆ لە عێراق تاپۆ دەكرێن"
| KDP.info


بەغدا-KDP.info- پڕۆژەیاسایەك لە پەرلەمانی عێراق ئامادە كراوە بۆ تاپۆكردنی خانووی زێدەڕۆ لە عێراق و بەپێی پڕۆژەكەش ھەموو ئەو خانووانەی تا ساڵی ٢٠١٧ لەسەر زەویی حكوومەت دروست كراون، لەسەر ھاووڵاتیان تاپۆ دەكرێن، نوێنەرێكی كوردیش باوەڕی وایە بڕیارەكە لە بەرژەوەندیی كورددا دەبێت و دەڵێت، كورد سوودمەندی یەكەمە.

دوای پڕۆسەی ئازادیی عێراق، ژمارەیەكی زۆری كورد گەڕانەوە سەر ناوچەكانیان لە كەركووك و خانەقین و دەشتی نەینەوا و مەخموور، بەشێك لەو ھاووڵاتیانە بە ھۆی نەبوونی شوێنی نیشتەجێبوونەوە خانووی زێدەڕۆیان لەسەر زەویی حكوومەت دروست كرد، تەنانەت لە كەركووك چەند گەڕەكێك بە زێدەڕۆ دروست كراون.

بڕیارە لە كۆبوونەوەكانی داھاتووی پەرلەمانی عێراقدا پڕۆژەیاسای تاپۆكردنی زەویی زێدەڕۆ خوێندنەوەی بۆ بكرێت و پەسەند بكرێت، لەوبارەیەوە ڕێبوار ھادی، پەرلەمانتاری فراكسیۆنی پارتی لە پەرلەمانی عێراق ڕایگەیاند: "پڕۆژەی تاپۆكردنی خانووی زێدەڕۆ لە لایەن ژمارەیەك پەرلەمانتار و لیژنەی پەیوەندیدارەوە ئامادە كراوە و بڕیار بوو خوێندنەوەی یەكەم و دووەمی بۆ بكرێت و پەسەند بكرێت، بەڵام پڕۆژەكە بۆچوونی جیاوازی لەسەر دروست بوو و بۆ كۆبوونەوەكانی داھاتووی پەرلەمانی عێراق دوا خرا. ئێمە پێمان وایە پڕۆژەیەكی باش و گونجاوە و پێویستە دەنگی لەسەر بدرێت بۆ جێبەجێكردنی".

پەرلەمانتارەكەی پارتی لە بەغدا، بۆ ماڵپەڕی فەرمیی پارتی دیموكراتی كوردستان گوتی: "پەسەندكردنی پڕۆژەیاسای تاپۆكردنی ئەو خانووانەی بە زێدەڕۆیی دروست كراون، ناڵێم سەداسەد، بەڵام بە شێوەیەكی گشتی لە بەرژەوەندیی كورددایە، چونكە لە كەركووك و ناوچەكانی سنووری ماددەی ١٤٠ی دەستووری عێراق، كورد دوای پڕۆسەی ئازادیی عێراق بێجێگەوڕێگە بوون و ناچار پەنایان بۆ دروستكردنی خانووی زێدەڕۆ برد، بەو پێیەش ھەموو خانووە بێتاپۆكان لەسەر ھاووڵاتیانی كورد تۆمار دەكرێن".

لەبارەی ئەو خانووانەی دوای ڕووداوەكانی ١٦ی ئۆكتۆبەر لەسەر زەویی كورد و حكوومەت دروست كراون، ئەو پەرلەمانتارەی فراكسیۆنی پارتی دەڵێت: "ناوەڕۆكی پڕۆژەیاساكە، ئەو خانووانە دەگرێتەوە كە تا ٣١/١٢/٢٠١٦ دروست كراون، واتە ئەوانەی دوای ئەو ڕێکەوتە و سەروبەندی ڕووداوەكانی ١٦ی ئۆكتۆبەر دروست كراون، نایانگرێتەوە".

ڕێبوار ھادی ئاماژەی بۆ ئەوە كرد: "سەرەتا بۆچوونێكی وا ھەبوو ئەو خانووانە بۆ ماوەی ٢٥ ساڵ بەكرێ بدرێنە ئەو ھاووڵاتیانەی دروستیان كردووە و دوای ٢٥ ساڵ لەسەریان تاپۆ بكرێت، بەڵام ئەوە شكستی ھێنا و ئەگەر پەسەند كرا یەكسەر لەسەریان تاپۆ دەكرێت، ھەر ھاووڵاتییەكیش تا پێش ساڵی ٢٠١٧ خانووی لەسەر زەویی حكوومەت و گشتی دروست كردبێت و بەڵگەی سەلمێنەری ھەبێت، لەسەری تاپۆ دەكرێت".

قائید میرۆ

 




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP