Kurdî  ■  كوردی  ■  عربي
SAT, 19 OCT 2019 15:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"ئەمساڵ داواکارییەکی یەکجار زۆر بۆ وەبەرھێنان هەیە"
| KDP.info


ھەولێر-KDP.info- بەڕێوەبەری گشتیی وەبەرھێنان لە ھەولێر گوتی، ئەمساڵ بەراورد بە ساڵی ڕابردوو ژمارەیەکی یەکجار زۆری کۆمپانیای ناوخۆیی و عەرەبی و ئەورووپی داواکارییان پێشکەش کردووە بۆ ئەوەی پڕۆژەی وەبەرھێنان لە ھەولێر جێبەجێ بکەن و ئەوانیش داواکارییەکانیان قبووڵ کردوون و ھەموو ئاسانکاریەکیشیان بۆ کردوون و پڕۆژەکانیش لە بواری ١١ سێکەتەردان.

سامان عارەب، بەڕێوەبەری گشتیی وەبەرھێنانی ھەولێر، بە ماڵپەڕی فەرمیی پارتی دیموکراتی کوردستانی ڕاگەیاند: "بە ھۆی باشبوونی دۆخی ئابووریی ھەرێمی کوردستانەوە لەمساڵدا داواکارییەکی یەکجار زۆرمان لە لایەن کۆمپانیاکانەوە بۆ ھاتووە و دەیانەوێت پڕۆژەی وەبەرھێنان لە ھەولێر جێبەجێ بکەن. ئێمەش بەپێی یاسا مامەڵەیان لەگەڵ دەکەین و پڕۆژەکانیان وەردەگرین و ھەموو ئاسانکارییەکیان بۆ دەکەین."

سامان عارەب گوتی: "ئەو کۆمپانیایانەی داواکارییان پێشکەش کردووە، ناوخۆیی و عەرەبی و ئەورووپین، چونکە دەزانن ئێستا دۆخی ھەرێمی کوردستان بۆ وەبەرھێنان زۆر گونجاوە و دەتوانن بەبێ کێشە کاری خۆیان بکەن."

عارب باسی لەوەش کرد: "ئەو داواکاریانەی پێشکەش کراون بۆ جێبەجێکردنی پڕۆژە لە بواری ١١سێکتەردان، لەوانە تەندروستی و بازرگانی و گەشتوگوزار و پیشەسازی و چەند سیکتەری دیکە، کە ژمارەیەک لەو پڕۆژانە زۆر گەورەن."

بڵند ئیبراھیم 

 




دوایین هەواڵەکان

عەلی خەلیل: گەڕاندنەوەی داعشەکان مەترسیی بۆ ڕەوشی ئەمنیی عێراق ھەیە

SATURDAY, 19 OCTOBER 2019 15:10:20

دهۆك -KDP.info- لەگەل تێکچوونی ڕەوشی ڕۆژئاوای کوردستان وڵاتان لە ھەوڵدان بۆ ئەوەی ئەو داعشە عێراقیانەی لە زیندانەکانی ڕۆژئاوای کوردستانن، بگەڕێندرێنەوە بۆ عێراق و بەرپرسێکی کوردیش ھۆشداری لەبارەی گەڕانەوەی داعشە عێراقیەکانەوە دەدات.

 

د. محەمەد شوكری: یاسای وەبەرهێنان هەموار دەكرێتەوە

SATURDAY, 19 OCTOBER 2019 13:10:00

هەولێر-info.KDP- سەرۆكی دەستەی وەبەرهێنان لە هەرێمی كوردستان، ئاماژە بەو رێكارانە دەكات كە گرتوویانەتە بەر بۆ ئەوەی وەبەرهێنان لە كوردستان بەهێز بكرێت و دەشڵێ، یەكێك لە رێكارەكان، پرسی هەمواری یاسای وەبەرهێنان دەبێت.

 
تا ئێستا 3 هەزار و 56 پەنابەری رۆژئاوا هاتوونەتە هەرێمی كوردستان

SATURDAY, 19 OCTOBER 2019 12:10:38

هەولێر-KDP.info- بەڕێوەبەری داتا و زانیاریەكان لە فەرمانگەی هەماهەنگی و قەیرانەكان دەڵێ، بەپێی دوایین ئامار، لە 9ی ئەم مانگەوە تاوەكو ئێستا، 3 هەزار و 56 پەنابەری رۆژئاوای كوردستان هاتوونەتە هەرێمی كوردستان و تەنیا شەوی ڕابردووش زیاتر لە 700 پەنابەر هاتوون، كە پێداویستیی سەرەكییان بۆ دابین كراوە و پێشوازییان لێ كراوە.

 
فارس عیسا: بڕیارە دوای بۆنەكانی موحەڕەم، شاندی هەرێم سەردانی بەغدا بكات

SATURDAY, 19 OCTOBER 2019 10:10:27

هەولێر-KDP.info- نوێنەری حكوومەتی هەرێم لە بەغدا رایگەیاند، ئەو دەنگۆیانەی لەبارەی ڕەتكردنەوەی داواكاریی هەرێم لەلایەن بەغداوە سەبارەت بە بودجە بڵاو كراونەتەوە، راست نین و گفتوگۆكانی هەردوولا بەردەوامن و لێكنزیكبوونەوەی باش هەیە بۆ ئەوەی بگەنە رێككەوتن، بڕیاریشە دوای بۆنەكانی موحەڕەم، شاندی هەرێم سەردانی بەغدا بكات.

 
ھەدار: بەپێی بەڵگەکانی لایەنی ئەمنیی عێراق، وڵاتان لە پشت خۆپیشاندانی ھاووڵاتیانەوەن

SATURDAY, 19 OCTOBER 2019 10:10:11

بەغدا-KDP.info- پێشبینیی دەستپێكردنەوەی خۆپیشاندانەكانی عێراق دەكرێت و پەرلەمانتارێكیش ئاماژە بۆ ئەوە دەكات، هەفتەی دابێ پەرلەمانی عێراق كۆدەبێتەوە و بەپێی ئەو بەڵگانەی دەست لایەنی ئەمنیی عێراق كەوتوون، وڵاتان لە پشت خۆپیشاندانی ھاووڵاتیانەوەن.

 


 
© 2018 Kurdistan Democratic Party, KDP