Kurdî  ■  كوردی  ■  عربي
SAT, 25 MAY 2019 10:56 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

میرانی: ئەوەی لەبن زمان بوو خرایه‌ سەر زمان.. خواستەكانی یەكێتیمان وەرگرتووە
| KDP.info


ھەولێر-KDP.info- سكرتێری مەكتەبی سیاسیی پارتی دیموكراتی كوردستان، لە لێدوانێكیدا بۆ راگەیاندنەكان، گوتی: "كۆبوونەوەی دوێنێمان لەگەڵ برادەرانی یەكێتی، ئەوەی لە بن زمانمان بوو، هێنامانە سەر زمان، كاتی ئەوە هاتووە بەرژەوەندیی خۆمان نەخەینە سەروو بەرژەوەندیی میللەت و وڵاتەوە".

فازڵ میرانی، بۆ مێدیاكان رایگەیاند، كە دوێنێ لە میانەی كۆبوونەوەیان لەگەڵ یەكێتیی نیشتمانیی كوردستان، رێككەوتوون كۆبوونەوەكانیان بەردەوام بێت، هاوكات كۆبوونەوەكەشی بە راشكاوانەتر ناو برد، ئەوەی لە بن زمانی یەكتر بووە، خراوەتە سەر زمان و خواستەكانی یەكێتییشیان وەرگرتووە، وەك خۆی ئاماژەی پێدا ئەوەی پێیان بكرێت دەیكەن و بۆیان جێبەجێ دەكەن.

ناوبراو نەیشاردەوە، لە ئێستادا بارودۆخەكە بە جۆرێكی دیكەیە و یەكێتی وا هەست دەكەن، كە وەكو پارتی پێشتر لەگەڵ بزووتنەوەی گۆڕان رێككەوتوون، ئەوەش لە كاتێدایە بارودۆخەكان هەندێ جار وا دەخوازن بەسەر بابەتێكی دیكەدا باز بدەیت، لە پێناو زووتر راییكردنی پرسەكان، چونكە گرینگە پرۆسەی سیاسی لە هەرێم بەردەوام بێت.

سكرتێری مەكتەبی سیاسی پارتی دیموكراتی كوردستان، جەختی لە هاوبەشیی یەكێتیی نیشتیمانیی كوردستان كردەوە، هاوكات بە شەریكی مێژوو و جوگرافیی خۆیانی ناو بردن، گوتیشی: "ئەوانەی وا چاوەڕێ دەكەن، لەسەر پۆستی وەزارەتێك، یا وەكیل وەزیرێك ئەم شەراكەتە لە بن بچێ، ئەوە لە بیر و باوەڕی پارتیدا بوونی نییە، سەرۆك بارزانی هەست بە مەسئولییەت دەكات لە بەرانبەر ئەو شەراكەتە".

نموونەیشی بە ساڵی ٢٠٠٣ هێنایەوە، كە یاسای دەوڵەت نووسراوەتەوە و مەجلیسی حوكم دامەزرا، لە سەرۆك بارزانییان پرسیوە: ئێوە وەكو كورد چیتان لە یاسای ٥٨ی برێمەر دەست كەوت؟ سەرۆك بارزانییش گوتی: ئەوانەی پێكهاتەی سیاسی و نەتەوەیی لە عێراق بووین، هیچكام لە ئێمە ئەوەی ویستی بە دەستی نەكەوت، بەڵام هەر یەك لە ئێمە شتێكمان بە دەست كەوت.

بۆیە فازڵ میرانی پێیوابوو پرۆسەی سیاسی بەو شێوەیەیە، هیچ لایەنێك ناتوانێت ئەوەی دەیەوێت، دەستی بكەوێت، نە ئێمە، نە برادەرانی یەكێتی، نە برادەرانی گۆڕان، بەڵكوو هەر یەكە و شتێكمان دەست دەكەوێت، بۆیە كاتی ئەوە هاتووە، چیتر بەرژەوەندییەكانی خۆمان نەخەینە سەروو بەرژەوەندیی میللەت و وڵاتمانەوە، گوتیشی: "هەركاتێ ئێمە ئەمەمان پەیڕەو كرد، لەو بڕوایەدام میللەتی ئێمە لە ئاشتی و ئارامیدا دەژین".

 

خێڵان بەختیار

 

 

 

 

 




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP