Kurdî  ■  كوردی  ■  عربي
SAT, 25 MAY 2019 10:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی ڕاستگۆترین حزب لە كاركردن بۆ بەدیهێنانی ئامانجەكانی ڕاپەرین
| KDP.info


 
محەمەد عەلی
 
لە چەند هەفتەی ڕابردوودا لەگەڵ نزیكبوونەوەی یادی راپەڕینە مەزنەكەی ئادار، گۆڕەپانی سیاسیی كوردستان گەرموگوڕ و پێشهاتی جۆراوجۆری بەخۆیەوە بینی، لە هەمووان گرینگتر ڕێككەوتنی نێوان پارتی لەگەڵ یەكێتی و گۆڕان بوو، ئەم هەنگاوەش سەلمێنەری ئەو ڕاستییە بوو، كە تاكو ئێستا پارتی و سەرۆك بارزانی پەیوەستن بە هێنانەدیی ئامانجەكانی ڕاپەڕین.
 
تەوەری سەرەكیی هەردوو ڕێككەوتنەكە، پرسی چاكسازییە لە هەرێمی كوردستان، دەكرێ بڵێین بوونی ئەم بەشە لە بەرنامەی كاری حكوومەتی داهاتوودا، بەشێكی زۆری پەیوەندی هەیە بە ئیرادەی پارتی بۆ چاكسازی لەلایەك و كۆدەنگی لەگەڵ گۆڕان و هاتنەژێرباری یەكێتی بۆ ئەم مەبەستە، بە دڵنیاییشەوە لە داهاتوودا كاریگەرییەكانی لە بەرژەوەندیی هاووڵاتیانی كوردستاندا دەردەكەون، ئەمەش ئەو ڕاستییە دووپات دەكاتەوە، كە پارتی بەردەوام كار بۆ بەدیهێنانی ئامانجەكانی ڕاپەرین دەكات.
 
هاوكات دەكرێ دروستكردنی ئەم كۆدەنگییەی نێوان حزبەكان وەك ئامادەكارییەك هەژمار بكرێت بۆ ئەو پێشهات و گۆڕانكاریانەی ناوچەكە و عێراق بە خۆیەوە دەبینێت، باشترین ئامادەكارییش بۆ ئەم مەبەستە، دروستكردنی كۆدەنگیی نێوان هێزە سیاسییە جیاوازەكانی هەرێم و پێكهێنانی حكوومەتێكی بەهێزە، بۆ ئەوەی بتوانین بە باشترین شێوە كیانی هەرێم بپارێزین كە سەرەكیترین دەستكەوتی راپەڕینە.
 
خاڵێكی تری ئەرێنیی لێكگەیشتنی نێوان پارتی و لایەنەكانی تر، كاراكردنەوەی دامەزراوەی سەرۆكایەتیی هەرێم و دروستكردنی دەستەیەكی تایبەتە بە پەیوەندییەكان لەگەڵ بەغدا، ئەمەش دیدگای حزبی براوە نیشان دەدا كە مەبەستیەتی ئەم پرسانە بەدامەزراوەیی بكات، ئەمە لە كاتێكدایە ئامانجی سەرەكیی ڕاپەڕین، دروستكردنی كوردستانێكی خاوەن دامەزراوەی تایبەت بە خۆی بوو.
 
ئەوەشمان بیر نەچێت، بنەمای سەرەكیی ڕێككەوتنی پارتی لەگەڵ لایەنەكاندا، دەرەنجامی هەڵبژاردنی 30/9 یە، ئەمەش هەنگاوێكی ترە بۆ بەدیموكراسیكردنی پڕۆسەی سیاسیی هەرێم و پێكهێنانی كابینەی داهاتوو لەسەر بنەمای بەركەوتەی هەڵبژاردن، لە ڕاستیشدا بەدیهێنانی كوردستانێكی دیموكرات، ئاواتی گشت شۆڕشگێران و ڕاپەڕیوان بوو. 
 
ناكرێ ئەم بۆچوونەش نادیدە بگرین، كە پارتی دیموكراتی كوردستان مەبەستیەتی چوار ساڵی ئارامی بۆ حكوومەتی داهاتوو دابین بكات بۆ ئەوەی بتوانێ ئامانجەكانی بەدی بهێنێت لە چاككردنی بژێویی خەڵك و دابینكردنی خزمەتگوزارییە سەرەكییەكان، باشترین بژاردەش بۆ ئەو مەبەستە، بەشداریكردنی زۆرینەی حزبە كوردستانییەكانی براوەی هەڵبژاردنە لە كابینەی داهاتووی حكوومەتدا، هەر ئەم ئامانجانەش هاندەر بوون بۆ ڕاپەڕینی كوردستانیان دژی ڕژێم.
 



دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP