Kurdî  ■  كوردی  ■  عربي
SAT, 21 SEP 2019 00:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆكەكانی پارتە كوردییەكان بۆ KDP: پێویستە سەركردەكان لە رێبازی مەلا مستەفا لانەدەن
| KDP.info


 

هەولێر-KDP.info- سەرۆكەكانی پارتە كوردییەكان دەڵێن، رێبەری گەلی كورد مەلا مستەفای بارزانی، تەنیا موڵكی پارچەیەكی كوردستان نەبوو، بگرە قوتابخانەیەكی كوردایەتی و نیشتیمانپەروەریی هەموو پارچەكانی تری كوردستان بوو.

دوێنێ هەینی (١ـی ئاداری ٢٠١٩)، ٤٠ ساڵ بەسەر كۆچی دوایی سەكردەی نەتەوەیی و رێبەری گەلی كورد مەلا مستەفا بارزانی، تێپەڕ بوو.

مستەفا ئۆزجەلیك، سەرۆكی گشتیی پارتی ئازادیی كوردستان لە باكووری كوردستان، گوتی: "خەبات و تێكۆشان و كەسایەتیی مەلا مستەفای بارزانی، ئەمڕۆ بۆ تەواوی گەلی كوردستان بووەتە هیوایەك، ئەو هەم پێشمەرگە و هەم رێبەر و دڵسۆزی گەلی خۆی بوو، هەروەها لە كۆمەڵگای نێودەوڵەتییشدا پێگەیەكی گرنگی هەبوو".

ئۆزجەلیك، بە ماڵپەڕی فەرمیی پارتی دیموكراتی كوردستانی راگەیاند: "مەلا مستەفا تەنیا سەرۆكی پارتێك نەبوو، بگرە سەرۆكی نەتەوەیەك بوو و توانی لەنێو خەڵكدا هەستی نیشتیمانپەروەری و دڵسۆزی و خۆڕاگری و ئیرادە دروست بكات".

هاوكات، سارتاج بوجاك، سەرۆكی گشتیی پارتی دیموكراتی كوردستان- باكوور، بە ماڵپەڕی فەرمیی پارتی دیموكراتی كوردستانی گوت: "مەلا مستەفا توانی رێچكەیەكی كورادیەتی لە زهنییەتی هەموو كوردێكدا دروست بكات، بۆیە دەتوانین بە سەربڵندییەوە بڵێین سەرۆكێكمان هەیە ئەویش بارزانییە".

ئەو گوتیشی: "مەلا مستەفای بارزانی بە جەستە لای ئێمە نەماوە، بەڵام توانی وانەی كوردایەتی و قارەمانی بۆ گەلەكەمان جێبهێڵَت و تاهەتایەش هەر بە گەورەیی دەمێنێتەوە".

لە لایەكی دیكەوە، مەهمەت ئەمین كارداش، سەرۆكی پارتی دیموكراتی كوردستان- توركیا، بە ماڵپەڕی فەرمیی پارتی دیموكراتی كوردستانی ڕایگەیاند: "مەلا مستەفای بارزانی پاڵەوان و وڵاتپارێزی چەرخی خۆی بوو و ناویشی هەر بە زیندوویی دەمێنێتەوە".

ئەوەیشی خستە روو، ژیانی مەلا مستەفا هەموو لە شاخ بووە و بۆ خەبات لە پێناو دۆزی ڕەوای گەلەكەیدا تەرخانی كردووە، بۆیە پێویستە سەرۆك و سەركردەكانی كورد لە رێبازی مەلا مستەفا لانەدەن و رێگای راستەقینەی كوردایەتی بگرنە بەر.

هەر لەوبارەیەوە، سلێمان ئۆسۆ، سكرتێری پارتی كوردستان- سووریا، بە ماڵپەڕی فەرمیی پارتی دیموكراتی كوردستانی گوت: "بزاڤی رزگاریخوازی گەلی كورد بە رابەرایەتیی بارزانیی نەمر، لەسەر بناغەی شۆڕشگێڕی و قوربانیدان دەستی پێكرد و سنوورەكانی باشووریشی بەزاند بۆ هەموو پارچەكانی كوردستان".

گوتیشی: "ئێمە لە رۆژئاوای كوردستان لەسەر ئەو رێبازە درێژە بە خەباتی سیاسیی خۆمان دەدەین، چونكە ئەم رێبازە، رێبازی كوردایەتی و پێكەوەژیان و خۆنەچەماندنە بۆ هیچ دوژمنێك".

 

كــاروان بــاعەدری




دوایین هەواڵەکان

سەرۆکی حکومەتی هەرێمی کوردستان ئیدانەی تەقینەوەکەی شاری کەربەلا دەکات .

FRIDAY, 20 SEPTEMBER 2019 23:09:58

هەولێر-KDP.info- مەسروور بارزانی سەرۆکی حکومەتی هەرێمی کوردستان لە پەیامێکدا بە تووندی ئیدانەی ئەو تەقینەوەیەی کرد کە ئێوارەی ئەمڕۆ هەینی 2019/9/20 بە هۆی بۆمبێکی چێنراو بە ئوتومبێلێکی گواستنەوەی گشتی لە دەروازەی شاری کەربەلا ئەنجامدرا و بووە هۆی گیان لەدەستدانی دوازدە هاووڵاتی و برینداربوونی پێنجی دیکەش .

 
نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THURSDAY, 19 SEPTEMBER 2019 22:09:01

دهۆك -KDP.info- ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 
سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THURSDAY, 19 SEPTEMBER 2019 22:09:52

دهۆك-KDP.info- مه‌سروور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 
مەسروور بارزانی: ئێک ژ کارنامەیێن کابینا ٩ـێ گرنگیدانە ب خوێندن و پەروەردێ

THURSDAY, 19 SEPTEMBER 2019 19:09:29

دهۆک-KDP.info-سەرۆکێ حکومەتا هەرێما کوردستانێ د رێورسمێن دەرچوویێن گەرا ئێکی یا زانکۆیا ئەمریکی یا کوردستانێ ل دهۆکێ پەیڤەک پێشکێشکر.

 
ڕیوڕسمێن دەرچوویێن زانینگەها ئەمریکی ل کوردستانێ-دهۆک بڕیڤەدچن‎

THURSDAY, 19 SEPTEMBER 2019 19:09:29

دهۆک-KDP.info- ئەڤرۆ پێنچ شەمبیێ(١٩-٩-٢٠١٩)ـێ رێورسمێن گەرا ئێکی یا دەرچوویێن زانینگەها ئەمریکی ل کوردستان-دهۆک بڕێڤەدچن.

 



 
© 2018 Kurdistan Democratic Party, KDP