Kurdî  ■  كوردی  ■  عربي
THU, 21 MAR 2019 09:25 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"لە مەخموور داعش ھێرشی کردە سەر گوندێک"
| KDP.info


مەخموور-KDP.info-  چەکدارانی داعش لە سنووری قەزای مەخموور ھێرشیان کردە سەر دانیشووانی گوندێکی ناوچەکە و بەرپرسێکی پارتییش لە مەخموور ئاشکرای کرد، بڕیارە پێشمەرگە بگەڕێتەوە ئەو شوێنانەی مەترسییان لەسەرە تا داعش کەڵک لەو بۆشاییە ئەمنییە وەرنەگرێت کە سوپای عێراق توانای کۆنتڕۆڵکردنی نییە.

ئەمڕۆ لە سنووری قەزای مەخموور چەکدارانی داعش ھێرشیان کردە سەر ژمارەیەک ھاووڵاتیی سڤیل کە خەریکی کۆکردنەوەی گیای بەھارە بوون و دواتر لە لایەن دانیشتووانی گوندی عەلیەڕەشەوە وەڵامی تەقەکانی داعش درایەوە و بەو ھۆیەوە داعش نەیتوانی ئامانجەکەی بپێکێت لە ڕفاندن و شەھیدکردنی ھاووڵاتیانی گوندەکە.

کرمانج عەبدوڵڵا، بەرپرسی لقی ٢٣ی مەخمووری پارتی دیموکراتی کوردستان ئاشکرای کرد: "ھێرشەکەی داعش بۆسەر گوندی عەلیەڕەش لە کاتێکدایە کە ئەو ناوچەیە دەکەوێتە ژێر دەسەڵاتی ھێزەکانی عێراق، بەڵام لە دوای داگیرکرانی مەخموورەوە ھێزەکانی عێراق تەنیا لە شەقامە سەرەکییەکان و سەنتەری شارەکاندا ھەن و توانای پاراستنی ناوچەکەیان نییە."

بەرپرسی لقی مەخموور بە ماڵپەڕی فەرمیی پارتی پارتی دیموکراتی کوردستانی ڕاگەیاند: "جووڵەی چەکدارانی داعش ماوەیەکە زیادی کردووە، بەتایبەتی لە سنووری چیای قەرەچۆغ، چەندین جار لە لایەن پێشمەرگە و ھاوپەیمانانەوە ئۆپەڕاسیۆن ئەنجام دراوە و لە ڕۆژانی ڕابردووشدا ھێزەکانی عێراق پێگەی داعشیان لە قەرەچۆغ بەئامانج گرتووە، بەڵام  خۆیان لەو شوێنە سەختەدا حەشار داوە."

پەیوەست بە پڕکردنەوەی بۆشاییی نێوان ھێزی پێشمەرگە و سوپای عێراق، کرمانج عەبدوڵڵا دەڵێت: "ئێستا لیژنەیەک ھاوبەشی وەزارەتی پێشمەرگە و بەرگریی عێراق خەریکی دانانی پلانێک بۆ ئەوەی خاڵی ھاوبەش دیاری بکرێت و ھەموو ئەو شوێنانەی لە نێوان ھەردوولادا بە بۆشایی ماونەتەوە، پڕ بکرێنەوە، تا چیتر داعش کەڵک لەو بۆشاییە ئەمنییە وەرنەگرێت."

قائید میرۆ

 




دوایین هەواڵەکان

سەردانی چینوتوێژەكانی كوردستان بۆ سەر مەزاری نەمران بەردەوامە

WEDNESDAY, 20 MARCH 2019 19:03:45

بارزان-KDP-info- سەردانی چینوتوێژەكانی كوردستان و پارچەكانی دیكە بۆ سەر مەزاری نەمران لە بارزان بەردەوامە.

 
هاووڵاتییان لە هەڵەبجە بە گەرمی بەپیر نه‌ورۆزەوە دەچن

WEDNESDAY, 20 MARCH 2019 19:03:15

هه‌ڵه‌بجه‌-KDP.info- له‌ پارێزگای هه‌ڵه‌بجه‌ وه‌ك ته‌واوی شاره‌كانی تری كوردستان هاووڵاتییان به‌گه‌رمییه‌وه‌ پێشوازییان له‌ جه‌ژنی نه‌ورۆز كرد و به‌شداری له‌ ڕێوڕەسمی كردنه‌وه‌ی ئاگر و ئاهەنگه‌كان ده‌كه‌ن.

 
''ڕەوشی شنگال لە خراپەوە بەرەو خراپتر ڕۆیشتووە''

WEDNESDAY, 20 MARCH 2019 19:03:49

شنگال-KDP.info- دوای هاتی حەشدی شەعبی و هێزەکانی سەر بە پەکەکە بۆ شنگال ڕۆژانە لە شنگال شەڕ و پێکدادان لە نێوان هێز و لایەنەکاندا ڕوو دەدات و شارەزایانیش دەڵێن، لە ترسی زۆریی هێزەکان خەڵکی شارەکە ناگەڕێنەوە.

 
نێچیرڤان بارزانی: چاوەڕوانی ئەو رۆژەین چەوسانەوەی گەلی کورد بە تەواوەتی بووەستێت

WEDNESDAY, 20 MARCH 2019 18:03:03

هەولێر-KDP.info-  نێچیرڤان بارزانی، سەرۆكی ئەنجوومەنی وەزیرانی ھەرێمی كوردستان لە پەیامێكدا بەبۆنەی ھاتنەوەی جەژنی نەورۆز و سەرساڵی كوردی رایدەگەیەنێت: "هیوادارم گەشی و خۆشی بەسەر ناخی یەک بە یەکی هاووڵاتیانی کوردستانیشدا بێت، بەسەر دۆزە سیاسییەکەمان و باری ئابووری و کۆمەڵایەتی و هەموو رووێکی دیکەی ژیانی ئێوەی خۆشەویستدا رەنگبداتەوە".

مه‌سروور بارزانی داوای وه‌لاوه‌نانی بەرژەوەندییە لاوەکییەکان و په‌ره‌دان به‌ دەسکەوتەکان ده‌كات

WEDNESDAY, 20 MARCH 2019 18:03:28

هەولێر-KDP.info-  مه‌سروور بارزانی راوێژكاری ئه‌نجوومه‌نی ئاسایشی هه‌رێمی كوردستان له‌ په‌یامێكدا به‌بۆنه‌ی جه‌ژنی نه‌ته‌وه‌یی نه‌ورۆز، داوای وه‌لاوه‌نانی بەرژەوەندییە لاوەکییەکان و په‌ره‌دان به‌ دەسکەوتەکان ده‌كات و ده‌ڵێت: "یادە نیشتمانی و نەتەوەییەکان فاکتەری کاریگەری پرۆسەی بنیاتنانی نیشتمان و نەتەوەن".



 
© 2018 Kurdistan Democratic Party, KDP