Kurdî  ■  كوردی  ■  عربي
SAT, 25 MAY 2019 10:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

شاندێكی پارتە سیاسییەكانی یۆنان سەردانی مەکتەبی پێوەندییەکانی دەرەوەی پارتیی کرد
| KDP.info


هەولێر-KDP.info-  سەرۆكی شاندەکە بە ناوی شاندەوە سوپاسی بەرپرسی پەیوەندییەكانی دەرەوەی كرد بۆ ئەم پێشوازییە و ڕایگەیاند كە گەلی یۆنان و هەردوو پارتی گەل و نیودیموكراتی یۆنان ڕێز لە خەبات و داخوازییەكانی گەلی كوردستان دەگرن.

پێشنیوەڕۆی ئەمڕۆ هۆشیار سیوەلی، بەرپرسی پەیوەندییەكانی دەرەوەی پارتی، پێشوازیی لە شاندێكی هەردوو پارتی گەلی یۆنان و پارتی نیودیموكراتی یۆنان بە سەرۆكایەتیی بەڕێز خاتوو ئڤدۆكیا ماگانا، بەرپرسی پەیوەندییەكانی پارتی گەلی یۆنان و پێردۆس نیكیتاس لە پارتی نیودیموكرات و چەند ئەكادیمییەكی ئەندامی سەنتەری كوردستان-یۆنان، لە نێوشیاندا یورگوس نیكیتای سەرۆكی شارەوانیی پێرەس كرد. سەرەتا هۆشیار سیوەلی بەخێرهاتنی شاندی میوانی بۆ كوردستان كرد, سوپاسی گەل و حكوومەتی یۆنانی كرد كە پاڵپشتی هەرێمی كوردستانیان كرد لە ماوەی شەڕی تیرۆردا. لە میانەی ئەو دانیشتنەدا بەڕێز سیوەیلی باسی پەیوەندیی لەمێژینەی هەردوو گەلی كوردستان و یۆنانی كرد.

هۆشیار سیوەیلی باسی لە دواین پێشهاتە سیاسی و ئابوورییەکانی ناوچەكەی بۆ شاندی میوان كرد و هیوای خواست كە ئەم سەردانە ببێتە سەرەتایەكی نوێ بۆ بەهێزكردنی پەیوەندیی نێوان پارتی دیموكراتی كوردستان و پارتە سیاسییەكانی یۆنان. بەڕێزیان هەڵوێستی جەنابی سەرۆك بارزانی و پارتی دیموكراتی كوردستانی دووپات كردەوە بۆ بەهێزكردنی پەیوەندییەكان لەگەڵ گەلانی دیكە لەسەر بنەمای بەرژەوەندیی هاوبەش و ڕێزگرتن لە مێژوو و خەبات و داخوازییەكانیان.

خاتوو ئڤدۆكیا ماگانا، سەرۆكی شاند بە ناوی شاندەوە سوپاسی بەرپرسی پەیوەندییەكانی دەرەوەی كرد بۆ ئەم پێشوازییە و ڕایگەیاند، گەلی یۆنان و هەردوو پارتی گەل و نیودیموكراتی یۆنان ڕێز لە خەبات و داخوازییەكانی گەلی كوردستان دەگرن. بەڕێز خاتوو ماگانا مەبەستی سەردانەكەیانی بۆ كوردستان ڕوون كردەوە كە بۆ بەهێزكردنی پەیوەندیی نێوان پارتەكانیان و پارتی دیموكراتی كوردستان كە هەردوولا خاوەنی ڕوئیایەكی هاوبەشن بۆ داهاتووی میلەتی خۆیان، ئەمەش واتە هەردوولا پەیوەندییەكانیان بەهێز بكەن و كاری هاوبەش بكەن كە لە بەرژەوەندیی هەردوو وڵاتدایە. لە كوتاییی ئەو دیدارەدا هەردوولا جەختیان لە بەردەوامی و گرنگیی پەیوەندییەكانیان كردەوە.




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP