Kurdî  ■  كوردی  ■  عربي
SAT, 25 MAY 2019 10:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ترەمپ: لە 24 کاتژمێری داهاتوودا راگەیێندراوێک لەبارەی سووریا بڵاودەکەمەوە
| KDP.info


 
ئەمریکا-KDP.info-  سەرۆکی ئەمریکا رایگەیاند، فەرمانی راگەیاندنی باری نائاسایی واژۆ دەکات و لە 24 کاتژمێری داهاتووشدا راگەیێندراوێک لەبارەی جەنگی داعش لە سووریا بڵاودەکاتەوە.
 
دۆناڵد ترەمپ، سەرۆکی ئەمریکا لە گوتارێکدا لە کۆشکی سپی رایگەیاند، یاسای باری نائاسایی نیشتمانیی کارادەکات بۆ دروستکردنی دیوارێک لەسەر سنووری باشووری ئەمریکا لەگەڵ مەکسیک.
 
باسی لەوەشکرد، کە دەیەوێت ئاسایش لەسەر سنووری باشووری ئەمریکا دروستبکات و رووبەڕووی تەحەدا ئەمنییەکان ببێتەوە.
 
سەرۆکی ئەمریکا لە بەشێکی دیکەی قسەکانیدا رایگەیاند، دەیەوێت ''بەقاچاخبردنی ماددەی هۆشبەر و مرۆڤ" رابگرێت.
 
سەرۆکی ئەمریکا باسی سووریای کرد و گوتی: "ئێمە چەندین راگەیێندراوی گرنگمان هەن کە رایانبگەێنین سەبارەت بە سووریا و هەروەها سەرکەوتنەکانمان لە کۆتایی هێنان بە داعش کە لە ماوەی 24 کاتژمێری داهاتوودا رادەگەیێندرێت".
 
رۆژی هەینی ئەنجوومەنی نوێنەرانی ئەمریکا، پرۆژەیاسایەکی لەبارەی ئاسایشی سنوورەوە پەسەندکرد کە هەردوو پارتی ئەمریکا، کۆماریی و دیموکرات، پشتگیرییان کرد، بۆ ئەوەی حکوومەت دووبارە رووبەڕووی داخستن نەبێتەوە. یاساکەش بۆ سەرۆکی ئەمریکا نێردرا بۆ ئەوەی واژۆی بکات و بچێتە بواری جێبەجێکردنەوە.
 
پرۆژەیاسایەک کە پارە بۆ دروستکردنی بەربەستی نوێ لە بەشێک لە سنووری ئەمریکا و مەکسیک دابیندەکات. بەڵام ئەو پارەیە لەخۆناگرێت کە ترەمپ داوای دەکات و بڕەکەی 5.7 ملیار دۆلارە.
 
ئەنجوومەنی نوێنەران کە زۆرینەی کورسییەکانی دیموکراتەکانن، بە کۆی 300 دەنگ بەرامبەر بە 128 دەنگ پرۆژەیاساکەی پەسەندکرد.
 
ئەمە لە کاتێکدایە کە هاوپەیمانە ئەوروپییەکانی ئەمریکا و رووسیا چاوەڕێی ئەوە دەکەن بزانن ئەمریکا چۆن بڕیاری کشانەوەی هێزەکانی لە سووریا جێبەجێدەکات.
 
لەبارەی گفتوگۆکانیش لەگەڵ چین، ترەمپ ئاماژە بەوەکرد دانوستاندنەکان بەشێوەیەکی "زۆر باش" بەڕێوەدەچن و ئەمریکا لە هەموو کاتێک زیاتر لە گەیشتن بە رێککەوتنێکی بازرگانیی "راستەقینە" لەگەڵ پەکین نزیکە "کە دەرفەتی یەکسان بە کۆمپانیا ئەمریکییەکان دەدات".
 
ئاماژەی بەوەشکرد، کە پێشبینی بەرزبوونەوەی ئاڵوگۆڕی بازرگانیی نێوان ئەمریکا و بەریتانیا دەکات پاش دەرچوونی بەریتانیا لە یەکێتیی ئەوروپا.
 
ترەمپ لەوبارەیەوە گوتی: "ئێوە ئەو رەوشە دەزانن کە پەیوەندی بە برێکزیت و کێشەکانەوە هەیە، بەڵام ئێمە پەیوەندییەکی بازرگانیی زۆر باشمان لەگەڵ شانشینی یەکگرتوودا هەیە و بەشێوەیەکی باش پەرەمان پێداوە، ئێمە بەردەوامین لە بازرگانییەکەمان و لەگەڵ کاتدا بەشێوەیەکی گەورە فراوانی دەکەین".



دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP