Kurdî  ■  كوردی  ■  عربي
TUE, 20 AUG 2019 09:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لە کۆتایی ئەم مانگەدا یاسای بودجە کاری پێدەکرێ
| KDP.info


بەغدا-KDP.info- سەرۆکی لیژنەی داراییی ئەنجومەنی نوێنەرانی عێراق گوتی، یاسای بوودجە بە جۆرێک پەسەندکراوە کە حکوومەتی ھەرێم نەوت ڕادەستی بەغدا بکات، یان نا، لە کاتی جێبەجێکردنیدا دەتوانێ بێپاشەکەوت و لە کاتی خۆیدا مووچە دابین بکات .

ئەمڕۆ، دووشەممە، وەزارەتی دادی عێراق بڵاوبوونەوەی ژمارە (٤٥٢٩)ی ڕۆژنامەی وەقایعی عێراقی ڕاگەیاند کە تایبەتە بە بڵاوبوونەوەی بوودجەی ٢٠١٩ی عێراق کە دوای پەسندکردنی لە لایەن پەرلەمانەوە، سەرۆککۆماریش واژۆی لەسەر کردووە.

سەرۆکی لیژنەی داراییی ئەنجومەنی نوێنەرانی عێراق، د. ئەحمەد سەفار، بە ماڵپەڕی فەرمیی پارتی دیموکراتی کوردستانی ڕاگەیاند: "دوای ئەوەی پڕۆژەیاسای بوودجە لە لایەن سەرۆککۆمار پەسەند کرا و لە ڕۆژنامە بڵاو بکرێتەوە دەست بە جێبەجێکردنی دەکرێت."

د. ئەحمەد سەفار گوتیشی: "حکوومەتی ھەرێمی کوردستان ئەگەر نەوتی خۆشی ڕادەستی بەغدا نەکات بەو پارەیەی بۆی دێت دەتوانێ مووچەی تەواو بدات و ئەگەریش نەوتیان ڕادەست بکات مانگانە ٢٥٠ ھەزار بەرمیل بەغدا ١٠ ترلیۆن و٨٠٠ ملیار دینار بۆ ھەرێم ڕەوانە دەکات، بۆیە ھەرچۆنێک بێت حکوومەتی ھەرێم دەتوانێ ئیدارەی خۆی پێ بکات و بە ھەردوو ڕێگا دەتوانێ مووچە بێپاشەکەوت و لە کاتی خۆیدا دابین بکات."

د. بەشیر خەلیل حەداد، جێگری سەرۆکی ئەنجومەنی نوێنەرانی عێراقیش، بە ماڵپەڕی فەرمیی پارتی دیموکراتی کوردستانی ڕاگەیاند: "ھەرکاتێک پڕۆژەیاساکە لە ڕۆژنامەی وەقایعدا بڵاو بکرێتەوە، ئیمزای لەسەر دەکرێت و ڕەوانەی وەزارەتی دارایی دەکرێت بۆ خەرجکردنی بوودجە، بۆیە چاوەڕێ دەکەین تا کۆتاییی مانگ تەواو بێت و لە سەرەتای مانگی داھاتووەوە دەست بە خەرجکردنی بکرێت."

بڵند ئیبراھیم  




دوایین هەواڵەکان

راگەیەندراوێک لە حکومەتی هەرێمی کوردستانەوە

MONDAY, 19 AUGUST 2019 19:08:18

هەولێر-KDP.info-  گوتەبێژی حکومەتی هەرێمی کوردستان له‌ راگه‌یه‌ندراوێكدا، داوا لە حکومەتی تورکیا و چەکدارانی پەکەکە دەکات نەبنە هۆی زیانگەیاندن بە هاووڵاتیانی هەرێمی کوردستان.

ڕێکخەری ڕاسپاردە نێودەوڵەتییەکان: لە هەرێم چەندین هاووڵاتیی بیانی بە تۆمەتی پەیوەندیکردنیان بە تیرۆرەوە دەستگیر کراون

MONDAY, 19 AUGUST 2019 16:08:11

هه‌ولێر-KDP.info- لە ئەنجامی هێرشی تیرۆریستانی داعش بۆ سەر چەند ناوچەیەکی کوردستان سەدان هەزار کەس لەو ناوچانە کە کەوتبوونە ژێردەسەڵاتی داعش ڕوویان لە هەرێمی کوردستان کرد، لەو کاتەدا جیاکردنەوەی هاووڵاتیانی ئاسایی و ئەوانەی پەیوەندییان بە داعشەوە هەیە کارێکی ئاسان نەبوو و ئاستەنگی زۆری بۆ لایەنە ئەمنییەکان دروست دەکرد. بۆیە ڕێوشوێنی ئەمنی گیراوەتە بەر بۆ پاراستنی سەلامەتیی هاووڵاتیان و خودی ئاوارەکان و ڕێگانەدان بە دزەکردنی تیرۆریستان بۆ نێو هاووڵاتیان بۆ پاراستنی سەروماڵی هاووڵاتیانی هەرێم بە ئاوارەکانیشەوە، لە میانەی ئەم ڕێوشوێنانەدا لە لایەن دەزگا ئەمنییەکانی حکوومەتی هەرێمی کوردستانەوە چەندین کەس بە تۆمەتی پەیوەندییان بە داعشەوە دەستگیر کران.

 

مەیادە نەجاڕ: بەبێ جێگیرکردنی داخوازییەکانی ھەرێم ڕێگە نادەین بودجە تێپەڕێت

MONDAY, 19 AUGUST 2019 16:08:14

بەغدا -KDP.info- پەرلەمانتارێکی پارتی لە بەغدا پێی وایە دەنگدان لەسەر پڕۆژەیاسای بودجە پێویستی بە ڕێککەوتن لە نێوان ھەرێم و بەغدادا ھەیە. دەشڵێ، بەبێ جێگیرکردنی داخوازییەکانی ھەرێمی کوردستان ڕێگە نادەن پڕۆژەیاسای بودجەی عێراق تێپەڕێت.

 

تۆماركردنی سكاڵا له‌ هه‌رێمی كوردستان ده‌كرێته‌ ئه‌لكترۆنی

MONDAY, 19 AUGUST 2019 13:08:25

هه‌ولێر-KDP.info-  گوته‌بێژی ده‌سته‌ی سه‌ربه‌خۆی مافی مرۆڤ له‌ هه‌رێمی كوردستان دەڵێ، له‌مه‌ودوا هاووڵاتیانی هه‌رێمی كوردستان له‌ هه‌ر شوێنێك بن، ده‌توانن له ‌رێگه‌ی ئه‌لكترۆنی و ‌سایتی ده‌سته‌ی سه‌ربه‌خۆی مافی مرۆڤ سكاڵا تۆمار بكه‌ن، دواتریش هه‌ر له‌رێگه‌ی ئه‌لكترۆنی ئه‌نجامی سكاڵاكه‌یان بۆ ره‌وانه‌ ده‌كرێتە‌وه. 

 
پەرلەمانتارێکی پارتی"سبەی پەرلەمانی کوردستان لەبارەی پڕۆژە یاسای خانووی زێدەڕۆ کۆدەبێتەوە"

MONDAY, 19 AUGUST 2019 12:08:46

ھەولێر-KDP.info-بڕیارە سبەی لیژنەی شارەوانییەکان لە پەرلەمانی کوردستان سەبارەت بە پڕۆژە یاسای خانووە زێدەڕۆکان کۆببێتەوە و پەرلەمانتارێکی پارتیش دەڵێ، پێداچوونەوە بە نرخی تاپۆکردنی خانووەکان دەکەین بەشێوەیەک رەوشی ئابووری خەڵکی ھەژار لەبەربەرچاو بگیرێت.

 



 
© 2018 Kurdistan Democratic Party, KDP