Kurdî  ■  كوردی  ■  عربي
THU, 18 JUL 2019 02:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

توركمانەكان: پارتی رازیبوونی خۆی پیشان دا لەسەر داواكەی ئێمە
| KDP.info


 

هەولێر-KDP.info- ئەمڕۆ شاندی باڵای دانوستانكاری پارتی سەردانی لایەنە سیاسییەكانی توركمانی كرد، سەركردەیەكی توركمانیش دەڵێ، داخوازیی توركمان خرایە بەردەم شاندی باڵای پارتییەوە و ئەوانیش رەزامەند بوون لەسەر داواكارییەكان. دەشڵێ، تا رادەیەك پۆستی جێگری سەرۆكی پەرلەمان بۆ توركمان یەكلا بووەتەوە.

محەمەد سەعدەدین، سەرۆكی پارتی گەشەپێدانی توركمان، بە ماڵپەڕی فەرمیی پارتی دیموكراتی كوردستانی راگەیاند: "ئەمڕۆ شاندی باڵای دانوستانكاری پارتی دیموكراتی كوردستان سەردانی ھێز و لایەنە توركمانییەكانی كرد و، لەبارەی پڕۆسەی پێكھێنانی كابینەی نوێی حكوومەت و رۆڵی پێكھاتەی توركمان دانوستان كرا، لایەنە توركمانییەكانیش پێشنیازی خۆیان خستە بەردەم شاندی باڵای پارتی دیموكراتی كوردستان، كە چەند خاڵێك لە خۆ دەگرێت، ئەوانەی گرینگن، جێگری یەكێك لە سێ سەرۆكایەتییەكەی ھەرێمی كوردستان بە پێكھاتەی توركمان بدرێت لەگەڵ وەزارەتێكی خزمەتگوزاری".

سەرۆكی پارتی گەشەپێدانی توركمان، زیاتر لەبارەی كۆبونەوەی نێوان شاندێ باڵای پارتی و لایەنە توركمانییەكان دوا و گوتی: "وەڵامی شاندی باڵای پارتی دیموكراتی كوردستان زۆر ئەرێنی بوو، داواشیان كرد لایەنە توركمانییەكان لە كۆبوونەوەی رۆژی ١٨ی شوبات بەشداری بكەن بۆ سەرخستنی پڕۆسەكە و ھەڵبژاردنی دەستەی سەرۆكایەتیی پەرلەمانی كوردستان، ئێمەیش وەك لایەنە توركمانییەكان بەڵێنمان دا بە تێكڕا بەشداری كۆبوونەوەی پەرلەمان دەكەین".

لەبارەی وەرگرتنی پۆستی جێگیری سەرۆكی پەرلەمانەوە، سەعدەدین ئاشكرای كرد: "جێگری دووەمی سەرۆكوەزیران پێویستی بە دەركردنی یاسا ھەیە، لەبەر ئەوەش چارەسەری گونجاو بۆ ئێمە وەرگرتنی پۆستی جێگری سەرۆكی پەرلەمانی كوردستانە، پارتییش رازیبوونی خۆی پیشان دا لەسەر داواكەی ئێمە بۆ وەرگرتنی ئەو پۆستە گرینگە، لەبەر ئەوە چاوەڕێ دەكەین پۆستی جێگری سەرۆكی پەرلەمان بۆ توركمان یەكلا ببێتەوە".

 

قائید میرۆ

 

 




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP