Kurdî  ■  كوردی  ■  عربي
THU, 18 JUL 2019 02:14 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئه‌مشه‌و ھێزێكی سوپای عێراق گەیشته‌ شارۆچكەی مەخموور
| KDP.info


مەخموور-KDP.info- شەوی رابردوو، ھێزێكی سوپای عێراق گەیشتووەتە شارۆچكەی مەخموور و قایمقامی مەخمووریش دەڵێ، جێگیركردنی ئەو ھێزەی فیرقەی چواردەی سوپای عێراق، بۆ جێگرتنەوەی ھێزەكانی پێشووە، كە بڕیارە رەوشی مەخمووریش ئاسایی بكرێتەوە.

شارۆچكەی مەخموور، لە ساڵی ١٩٩٦ بە بڕیارێكی رژێمی بەعس لە ڕووی ئیدارییەوە خراوەتە سەر پارێزگای نەینەوا، كە پێشتر سەر بە پارێزگای ھەولێر بوو و، یەكێكیشە لەو ناوچانەی دەكەونە چوارچێوەی ماددەی ١٤٠ی دەستووری عێراقەوە.

رزگار محەمەد، قایمقامی مەخموور، بە ماڵپەڕی فەرمیی پارتی دیموكراتی كوردستانی راگەیاند: "شارۆچكەی مەخموور دەكەوێتە چوارچێوەی ئەو ناوچانەی پێشتر بەر پڕۆسەی داگیركاریی ١٦ی ئۆكتۆبەر كەوتوون، بڕیاریشە لەگەڵ ئاساییكردنەوەی رەوشی ناوچە كوردستانییەكانی دەرەوەی ئیدارەی حكوومەتی ھەرێمی كوردستان، رەوشی مەخمووریش ئاسایی بكرێتەوە".

لەبارەی ئەو ھێزانەی ئێستا لە مەخموورن، قایمقام ئاماژەی بۆ ئەوە كرد: "ئاڵوگۆڕی ھێز لە سنووری شارۆچكەی مەخموور نەكراوە، بەڵام لە درەنگانی شەوی رابردووەوە ھێزێكی نوێی سوپای عێراق گەیشتووەتە مەخموور و بەپێی زانیارییەكانی ئێمە، ئەو ھێزە سەر بە فیرقەی ١٤ی سوپای عێراقە و دەبێتە جێگرەوەی ئەو ھێزانەی لە مانگی ١١ی ساڵی ٢٠١٧ بەدواوە لە شارۆچكەی مەخموور جێگیر كراون".

 

قائید میرۆ




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP