Kurdî  ■  كوردی  ■  عربي
SAT, 21 SEP 2019 20:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەشعان جبووری: بارزانی و پارتەكەی هەمیشە لە لووتكەدان
| KDP.info


دهۆك-KDP.info- مەشعان جبووری، سیاسەتمەداری عێراق دەڵێ، بارزانی و پارتەكەی، سەلماندیان كە لە پرۆسەی سیاسیی عێراق و كوردستاندا، هەمیشە لە لوتكەدان. دەشڵێ، هەڵوێستی سەرۆكوەزیرانی عێراق سەبارەت بە مافەكانی گەلی كورد ئەرێنییە.

مەشعان جبووری، سیاسەتمەداری عێراق، تایبه‌ت  بۆ ماڵپه‌ڕى فه‌رمیى پارتى دیموكراتى كوردستان گوتى: "بەهێزبوونی پەیوەندییەكانی بەغدا و هەولێر، بۆ حیكمەتی سەرۆك بارزانی دەگێڕێتەوە و دەشڵێت: "دوای ساڵی ٢٠٠٦، یەكەم جارە پەیوەندییەكانی بەغدا و هەولێر لە ئاستێكی وەها باشدان، بە تایبەت نێوان سەرۆك بارزانی و سەرۆك عادل عەبدولمەهدی، هەڵوێستی سەرۆكوەزیرانی عێراقیش سەبارەت بە مافەكانی گەلی كورد، ئەرێنییە و لەگەڵ ئەوەدایە كێشەكان بە گفتوگۆ چارە بكرێن".

ئەو كەسایەتییە سیاسییە پێشی وایە، سەرۆك بارزانی و پارتەكەی سەلماندیان كە لە پرۆسەی سیاسیی عێراق و كوردستاندا هەمیشە لە لوتكەدان، بێگومان پرۆسەی سیاسییش لە عێراق و كوردستاندا بەبێ سەرۆك بارزانی و پارتی بەڕێوە ناچێت و كەسیش ناتوانێت خۆی بەسەر گەلی كورددا بسەپێنێت.

جبووری دەڵێت: "بارزانی توانیی گۆڕانگارییە سیاسییەكانی عێراق لە بەرژەوەندیی گەل و هەرێمەكەی بەكار بهێنێت، بینییشمان لە دەنگدانی بوودجەدا توانییان پشكەكەی خۆیان بچەسپێنن، جگە لەوە، سەرۆك بارزانی توانیویەتی پەیوەندییەكی بەهێزى لەگەڵ تەواوی وڵاتان هەبێت، هەروەها توانی مەیلی وڵاتانی یەكێتیی ئەورووپاش بۆ كوردستان ڕابكێشێت."

ئەو، سەبارەت بە بیرۆكەی دامەزراندنی هەرێمی سوننەیش دەڵێت: "دوای ئاوارەبوونی عەرەبە سوننەكان بۆ هەرێمی كوردستان، بیرۆكەی دامەزراندنی هەرێم لایان دروست بوو و هەروەها ناوچە سوننەنشینەكانیش لەگەڵ ئەوەن هەرێمێكی هاوشێوەی كوردستانیان هەبێت، ئێستاش سوننەكان ستایشی سەرۆك بارزانی و هەرێمی كوردستان دەكەن، كە توانییان هەرێمێكی وەك كوردستان لە ناوچەكەدا بۆ خۆیان دروست بكەن."

كـــاروان بـــاعەدری




دوایین هەواڵەکان

پەیامی پیرۆزبایی مەكتەبی سیاسی پارتی دیموكراتی كوردستان بەبۆنەی (49)هەمین ساڵیادی دامەزراندنی یەكێتی زانایانی ئایینی ئیسلامی كوردستان

SATURDAY, 21 SEPTEMBER 2019 20:09:56

هەولێر-KDP.info- مەكتەبی سیاسی پارتی دیموكراتی كوردستان بەبۆنەی (49)هەمین ساڵیادی دامەزراندنی یەكێتی زانایانی ئایینی ئیسلامی كوردستان پەیامێكى پیرۆزبایی ئاراسته‌ى سەرۆك و ئەندامانی مەكتەبی تەنفیزی یەكێتیه‌كه‌ ده‌كات كه‌ ئه‌مه‌ش ده‌قه‌كه‌یه‌تى:

 
پەیامی سەرۆکی هەرێمی کوردستان بۆ یادى دامەزراندنی یەکێتیی زانایانی ئایینی ئیسلامیی کوردستان

SATURDAY, 21 SEPTEMBER 2019 20:09:07

هەولێر-KDP.info- بە بۆنەی چل و نۆهەمین ساڵیادی دامەزراندنی یەکێتیی زانایانی ئایینی ئیسلامیی کوردستانەوە، به‌ گه‌رمى پیرۆزبایی له‌ به‌ڕێزان سەرۆک و ئەندامانی مەکتەبی تەنفیزی و ئەنجومەنی ناوەندیی یەکێتیی زانایانی ئایینی ئیسلامیی کوردستان و سەرجەم مامۆستایان و زانایانی بەڕێزی ئایینی ئیسلامیی کوردستان دەکەین کە ڕۆڵی کاریگەریان هەیە لە پتەوکردنی بنەماکانی پێکەوەژیان و کولتووری لێبوردەیی و ئاشتیی کۆمەڵایەتی و ڕێگریکردن لە گەشەکردنی بیری توندڕەوی لە کوردستان. بە چاوی ڕێز و پێزانینەوە له‌ ڕۆڵ و ئەرکى پڕ بەهایان ده‌ڕوانین.

 
سەرۆك بارزانی پێشوازی لە سەرۆكی دیوانی سەرۆكایەتیی كۆماری عێراق دەكات

SATURDAY, 21 SEPTEMBER 2019 17:09:40

هەولێر-KDP.info-  ڕۆژی شەممە 21ـی 9ـی 2019 لە سەلاحەددین سەرۆك مەسعود بارزانی پێشوازی لە نەسیر ئەلعانی سەرۆكی دیوانی سەرۆكایەتیی كۆماری عێراق كرد.

 

ڕێبوار تاڵەبانی: پارێزگاری سەپێندراوی کەرکووک بەردەوامە لە ھێنانی عەرەبی ھاوردە

SATURDAY, 21 SEPTEMBER 2019 16:09:28

کەرکووک-KDP.info- سەرۆکی ئەنجومەنی پارێزگای کەرکووک ئاماژەی بۆ ئەوە کرد، دانوستانەکانی ھەرێم و بەغدا بۆ ئاساییکردنەوەی ڕەوشی کەرکووک بەردەوامن. دەشڵێ، ئەوەی لە کەرکووک ڕوو دەدات پێچەوانەی دەستوورە و پارێزگاری سەپێندراو ناسنامە بە عەرەبی ھاوردە دەدات.

 
بروسكەی پیرۆزبایی سەرۆك بارزانی بۆ ساڵیادی دامەزراندنی یەكێتیی زانایانی ئایینی ئیسلامیی كوردستان

SATURDAY, 21 SEPTEMBER 2019 13:09:34

هەولێر-KDP.info- سەرۆك بارزانی، په‌یامێكی پیرۆزبایی ئاراسته‌ی یه‌كێتی زانایانی ئاینی ئیسلامی كوردستان ده‌كات به‌ بۆنه‌ی ساڵیادی دامه‌زراندنیانه‌وه‌. 

 


 
© 2018 Kurdistan Democratic Party, KDP