Kurdî  ■  كوردی  ■  عربي
SUN, 21 APR 2019 20:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

محەمەدی حاجی مەحموود: پێگەی بارزانی لە هەموو كاتێك بەهێزترە
| KDP.info


 

هەولێر-KDP.info- محەمەدی حاجی مەحموود رایدەگەیەنێت، سەرەڕای نەمانی لە پۆستی سەرۆكی هەرێم، بارزانی پێگەی لە هەموو كاتێك بەهێزترە، سەبارەت بە كابینەی داهاتووش، پێیوایە دەبێت سیاسەتێكی نوێی ئابووری بۆ هەرێم دابڕێژرێتەوە.

محەمەدی حاجی مەحموود، سكرتێری گشتیی حزبی سۆشیالیست دیموكراتی كوردستان، لە میانەی دیمانەیەكی رۆژنامەوانیدا لەگەڵ رۆژنامەی هەولێر، سەبارەت بە گۆڕانكارییەكانی ناوچەكە، رایدەگەیەنێت، كە دەبێ كورد زۆر وریا بێت و ئەو كێشانەی لە نێوان پێكهاتەكانی عێراق و ناوچەكەدا هەن، لە پێناو بەرژەوەندیی خۆی و ئامانجەكانیدا بیقۆزێتەوە، پێیشی وایە نابێ ئەو كێشانەی كە هەن، بە ئاسایی وەربگیردرێن.

سكرتێری گشتیی حزبی سۆشیالیست دیموكراتی كوردستان، رۆڵی سەرۆك مەسعوود بارزانی بە بەهێز ناو بردووە و گوتوویەتی: "ڕۆژ بە ڕۆژ لە چاوی دنیا و وڵاتانی عەرەبیدا پێگەی بارزانی زۆر بەهێزتر بووە، ئێستا كوردستان بووەتە سەنتەرێكی دیار، كە هەموو لایەك ڕووی تێدەكەن و دێنەوە لای سەرۆك بارزانی بۆ ڕاوێژكردن، ئەوەیان جێگای دڵخۆشییە كە نەك هەر بێگانەكان، بەڵكوو ئێران و وڵاتانی عەرەبییش دێنەوە كوردستان، ئەوەش بەڵگەی ئەوەیە كە ڕۆڵی سەرۆك بارزانی بە كۆتا نایەت".

محەمەدی حاجی مەحموود هیواخوازیشە، كابینەی دابێت، كە بە سەرۆكایەتیی مەسروور بارزانی پێك دەهێندرێت، بتوانێت ئەركە قورسەكانی خۆی جێبەجێ بكات، ئەو تیشكیش دەخاتە سەر گرینگیی ئەركەكانی كابینەكە، وەك داڕشتنی سیاسەتی نوێی ئابووری و بایەخدان بە سێكتەرە گرینگەكانی تەندروستی و پەروەردە و كشتوكاڵ و وەگەڕخستنەوەی كارگەكان، بەو پێیەی كاریگەرییان لەسەر بووژاندنەوەی ئابووریی كوردستان هەیە.




دوایین هەواڵەکان

گۆڕان: لە ماوەیەکی نزیکدا حکوومەت پێک دەهێنرێت..پابەندی رێککەوتنەکەمانین لەگەڵ پارتی

SUNDAY, 21 APRIL 2019 18:04:52

هەولێر-KDP.info-  ئەندامێکی شاندی دانوستانکاری پێکهێنانی حکوومەت لە بزووتنەوەی گۆڕان ڕایگەیاند، ئەوان لەگەڵ پارتی لە گفتوگۆدان بۆ گەیشتن بە قۆناغی دواییی پێکهێنانی حکوومەتی نوێی هەرێمی کوردستان.

 
راگەیاندنی پارتی پەیامێکی پیرۆزبایی بەبۆنەی ساڵیادی رۆژنامەگەری کوردی راگەیاند

SUNDAY, 21 APRIL 2019 18:04:02

هەولێر-KDP.info-   دەزگای رۆشنبیریی و راگەیاندنی پارتی دیموكراتی كوردستان بەبۆنەی (121)یەمین ساڵیادی رۆژنامەگەریی كوردی پەیامێکی پیرۆزبایی راگەیاند کە ئەمە دەقەکەیەتی:

"کۆمەڵێک بازرگانی کورد یاوەری عادل عەبدولمەهدی بوون بۆ سعوودیە"

SUNDAY, 21 APRIL 2019 17:04:44

بەغدا-KDP.info-  ئەندامێکی ئەنجوومەنی نوێنەرانی عێراق لە فراکسیۆنی پارتی دەڵێ، کۆمەڵێک بازرگانی کوردیش لەگەڵ سەرۆکوەزیرانی عێراقی فیدراڵ سەردانی سعوودیایان کردبوو.

 
"ژاپۆن دەیەوێ ئەزموونی خۆی بگوازێتەوە ھەرێمی کوردستان"

SUNDAY, 21 APRIL 2019 17:04:00

هەولێر-KDP.info-  سەرۆکی ڕێکخراوی کوردی_ژاپۆنی، ئاماژەی بۆ ئەوە کرد، بڕیارە ژمارەیەک کۆمپانیای ژاپۆنی بۆ کارکردن بێنە ھەرێمی کوردستان و دەشڵێت، ژاپۆن دەیەوێ ھەرێمی کوردستان سوود لە ئەزموونە پێشکەوتووەکەیان وەربگرێت.

 
شاندێکی پەرلەمانی کوردستان لە بەغدا لەگەڵ نوێنەری پەرلەمانی وڵاتانی دراوسێ کۆوونەوە

SUNDAY, 21 APRIL 2019 17:04:40

هەولێر-KDP.info-  سه‌رۆكی لێژنه‌ی په‌یوه‌ندییه‌كانی ده‌ره‌وه‌ و ڕه‌وه‌ندی كورد له‌ په‌رله‌مانی كوردستان ئاماژه‌ به‌وه‌ ده‌كات كه‌ شاندێكی په‌رله‌مانی كوردستان له‌ به‌غدا به‌شداریی له‌ كۆڕبه‌ندێكی گه‌وره‌ی ناوچه‌كەدا‌ كردووه‌ و له‌وێش دیداری گرنگ ئه‌نجام دراوه‌.

 


 
© 2018 Kurdistan Democratic Party, KDP