Kurdî  ■  كوردی  ■  عربي
THU, 18 JUL 2019 02:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بەشێكی دیكەی شەقامی 120 مەتریی شاری هەولێر دەكرێتەوە
| KDP.info


هەولێر-KDP.info- وەزیری شارەوانی و گەشتوگوزار دەڵێ, كارەكانی بەشی دووەمی پڕۆژەی شەقامی بازنەیی 120 مەتریی شاری هەولێر كە لە شەقامی كەسنەزانەوە بۆ شەقامی كەركووكە بە تەواوی كۆتاییی پێ هاتووە و لە دوو هەفتەی داهاتوودا شەقامەكە لە خزمەتی شۆفێراندا دەبێت.

نەورۆز مەولوود، وەزیری شارەوانی و گەشتوگوزاری حكوومەتی هەرێمی كوردستان, بە ‌ماڵپەڕی فەرمیی پارتی دیموكراتی كوردستانی ڕاگەیاند: "كارەكانی بەشی دووەمی پڕۆژەی شەقامی بازنەییی 120 مەتریی شاری هەولێر كە لە شەقامی كەسنەزانەوە بۆ شەقامی كەركووكە بە تەواوی كۆتاییی پێ هاتووە و تەنیا ماوە مەڕاسیمێكی بۆ ڕێك بخەین و لە دوو هەفتەی داهاتوودا شەقامەكە لە خزمەتی شۆفێراندا دەبێت."

پێوەست بۆ كۆتا قۆناخی پڕۆژەكە، نەورۆز مەولود ئاشكرای كرد: "كاركردن لە قۆناخی كۆتاییی شەقامی 120 مەتریی شاری هەولێر دەستی پێ كردووە كە لە شەقامی كەركووكەوە بۆ شەقامی مووسڵە. ئەویش بۆ سەرەتای مانگی پێنجی ئەمساڵ تەواو دەكرێت و، كۆتایی بە پرۆژەی شەقامی 120 مەتریی شاری هەولێر دێت كە پڕۆژەیەكی ستراتیژیی شارەكەیە."

دەربارەی كارەكانی شەقامی بازنەییی 150 مەتریی شاری هەولێر، وەزیری شارەوانیی حكوومەتی هەرێم ئاشكرای كرد: "كاركردن لە پرۆژەی شەقامی 150 مەتریی شاری هەولێر دەستی پێ كردووە و ئامێرەكان لەسەر كارن و لە چەند شوێنێك خەریكی ڕاستكردنی زەویەكەین. تەنیا ماوە پێداچوونەوەی كۆتایی بە نەخشەی شەقامەكەدا بكرێت و بە تەواوی پەسەند بكرێت و دەست بە دروستكردنی شەقامەكە بكرێت."

شەقامی 120 مەتریی هەولێر، سێ‌ قۆناخە، بەشی چەماوەییی شەقامی كەركووك، تاوەكو شەقامی مووسڵ كە 11 كیلۆمەترە، دوو بەشە چەماوەكەی دیكەیشی، یەكێكیان 16 كیلۆمەترە و لە ڕێگەی مووسڵەوە تاوەكو ڕێگەی سەرەكیی شەقڵاوەیە، لەوێشەوە 11 كیلۆمەترەكەی كۆتایی تاوەكو ڕێگەی كەركووكە."

سەرباز واحید




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP