Kurdî  ■  كوردی  ■  عربي
MON, 17 JUN 2019 18:30 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەسروور بارزانی و باڵیۆزی سریلانكا، رەوشی ناوچەكەیان تاوتوێ كرد
| KDP.info


 

هەولێر-KDP.info- مەسروور بارزانی، راوێژكاری ئەنجوومەنی ئاسایشی هەرێمی كوردستان، ئەمڕۆ 6/2/2019، پێشوازیی لە نرانجان ئاران سینگا، باڵیۆزی سریلانكا لە عێراق و شاندی یاوەری كرد. لەم دیدارەدا كە كۆنسووڵی فەخریی سریلانكا لە هەولێر ئامادەی بوو، پەیوەندییە دووقۆڵییەكان و پەرەسەندنی رەوشی ناوچەكە تاوتوێ كران.

مەسروور بارزانی، جەختی لە پەرەپێدان و پتەوتركردنی پەیوەندییە دووقۆڵییەكان كردەوە و رایگەیاند، هەرێمی كوردستان خوازیارە بە مەبەستی گۆڕینەوەی ئەزموون و تێكەڵاویی كلتوور و فەرهەنگ، پەرە بە پەیوەندییەكانی لەگەڵ گشت وڵاتانی جیهان بدات.

لەم دیدارەدا، باڵیۆزی سریلانكا باسی لەوە كرد، كە وڵاتەكەی بە گرینگییەوە دەڕوانێتە پێگەی هەرێمی كوردستان لە ناوچەكەدا و پشتگیری لە فراوانتركردنی پەیوەندییەكان لە بوارە جیاجیاكان دەكات و رایگەیاند، ئەو رۆڵ و پێگە و ئاسایشەی بەرقەرارە، هۆكارن وڵاتەكەمان بە بایەخەوە بڕوانێتە هەرێمی كوردستان.

تاوتوێكردنی رەوشی گشتیی ناوچەكە و پێكهێنانی كابینەی نوێی حكوومەتی هەرێمی كوردستان، تەوەرێكی دیكەی دیدارەكە بوو.




دوایین هەواڵەکان

"جاری سێیەمە فەرمانی گرتن بۆ پارێزگاری سەپێندراوی کەرکووک دەردەچێت"

MONDAY, 17 JUNE 2019 17:06:22

کەرکووک -KDP.info- ئەمە بۆ جاری سێیەمە  فەرمانی گرتن بۆ پارێزگاری سەپێندراوی کەرکووک دەردەچێت، بەڵام ھێشتا دەستگیر نەکراوە. بەرپرسێکی پارتییش دەڵێ، ھەرجارێک فەرمانی گرتنی بۆ دەربچێت، دەچێتە بەغدا و چاوپۆشی لە دەستگیرکردنەکەی دەکرێت.

 

لیژنەی یاسایی: پشووی پەرلەمان کاریگەریی لەسەر دەنگدان بە کابینەی نوێی حکوومەت نابێت

MONDAY, 17 JUNE 2019 17:06:00

ھەولێر -KDP.info- سەرۆکی لیژنەی یاساییی پەرلەمانی کوردستان گوتی، بڕیارە سەرەتای مانگی داھاتوو پەرلەمان بکەوێتە پشووی ھاوینە، بەڵام کاریگەریی لەسەر  دەنگدان لەسەر حکوومەتی نوێ نابێت و ھەرکاتێک کابینە ئامادە بوو، پەرلەمان دەتوانێ کۆ بێتەوە و دەنگی لەسەر بدات و پەسەندی بکات.

 

مە‌سروور بارزانی: هاوڵاتیان له‌ چاوه‌ڕوانی پێكهێنانی حكوومه‌ت ناهێڵینه‌وه‌

MONDAY, 17 JUNE 2019 17:06:52

سلێمانی-KDP.info - دووای كۆبوونه‌وه‌ی مه‌سروور بارزانی ڕاسپێردراو بۆ پێكهێنانی حكوومه‌ت، له‌ كۆنگره‌یه‌كی ڕۆژنامه‌وانیدا ڕایگه‌یاند:"هاوڵاتییان له‌ چاوه‌ڕوانی پێكهێنانی حكوومه‌ت ناهێڵینه‌وه‌..هاوکات جه‌لال جه‌وهه‌ر ئه‌ندامی خانه‌ی ڕاپه‌ڕاندنی گۆڕان ڕایگه‌یاند، له‌كاتی خۆیدا ناوی كاندیدانمان ڕاده‌ستی مه‌سروور بارزانی ده‌كه‌ین.

سەرۆك بارزانی پێشوازی لە نەجمەدین كەریم دەكات

MONDAY, 17 JUNE 2019 16:06:29

هەولێر-KDP.info-  ڕۆژی دووشەممە 17ـی 6ـی 2019 لە سەلاحەددین سەرۆك مەسعود بارزانی پێشوازی لە كەسایەتی و سیاسەتمەداری كورد نەجمەدین كەریم كرد.

مه‌سروور بارزانی: له‌ كاتی یاساییی خۆیدا حكوومه‌ت پێك ده‌هێنین

MONDAY, 17 JUNE 2019 15:06:07

سلێمانی-KDP.info - كۆبوونه‌وه‌ی مه‌سروور بارزانی له‌گه‌ڵ حزبی سۆسیالیست كۆتایی هات و ڕایگه‌یاند، هیوایان وایه‌ له‌ پێش 30ی 6 حكوومه‌تی نوێ هه‌رێم ڕابگه‌یه‌نن.



 
© 2018 Kurdistan Democratic Party, KDP