Kurdî  ■  كوردی  ■  عربي
THU, 18 JUL 2019 02:12 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕێگای ڕاست!
| KDP.info


 
هاودەنگ فاروق
 
سەرکردایەتیی سیاسیی کوردستان لەبەردەم چەندین تەحەدیی گەورە و تاقیکردنەوەی مێژوویی و بەرپرسیاریتییەکی مەزندایە، دەشێ بەپێی لۆژیکی سیاسەت و دۆخی نێوخۆ و ئیقلیمی و نێودەوڵەتیدا ژیرانە مامەڵە بکات و هەموو هەوڵێکی بۆ ئەوە بێت کوردستان بەرەو پێگەیەکی بەهێز و سەردەمێکی نوێ بگەیەنێت.
 
پارتی و یەكێتی جارێکی دی لە قۆناغێكی چارەنوسساز و هەستیاردا، بە فۆرمێکی دیکەی پێكەوەیی، شانیان دایەوە بەر مەسئولیەتە ئەخلاقی و نەتەوەییە مێژوویەکان، گەڕانەوە بۆ ئەو پرەنسیپە هاوبەش و ئەرک و کارە سیاسی و پێشمەرگایەتیانەی کە لە سیاقی مێژووی ڕۆژانی سەخت و وێستگە چارەنوسسازەکانی بزووتنەوەی رزگاری نیشتمانی کوردستاندا لە شاخ و شاردا پێکەوە تەواویان کرد، تا گەیاندیانە ئەمڕۆی کوردستان..
 
ئەم دوو حزبە، دیسان توانیان تەعبیر لە یەكدەنگی و یەكگرتوویی و ڕێكخستنەوەی نێو ماڵی كوردستانیان بكەن و پەیامی ئەو یەكڕیزییەش بە گوێی دۆست و نەیارانی کوردستاندا بدەن.
 
لە ڕاستیدا گەلی کوردستان لە دواین هەلبژاردندا لە پشت حزب و سەرکردایەتییە ڕاستەقینەکەی خۆی ڕاوەستاوبەرپرسیاریەتی گەورەتری خستەوە سەر ئەستۆی ئەم دوو حزبە.
 
بەرپرسیارێتیی سەرکردایەتی ڕاستەقینەش لە ئانی تەنگانەدا دەردەكەوێت، گەورەیی سەرکردەو حزبەکان لە بەرگەگرتنی سەردەمی نەهامەتییەکان و بەرپرسیارێتیی كێشەکاندایە، حزبی ڕەسەن و بە ئەزموونەکان، دەبێ خزمەتكاری گەل بن و تا دواساتەكانی بەرگەگرتنی سەختییەكان شان بدەنە بەر هەورازەكان و لە سەنگەردا بمێننەوە. هەوڵ بۆ چارەسەرو دەربازبوونی قەیرانەكان بدەن و پشت لە گەلی خۆیان ناکەن، قوربانی بۆ بدەن!
 
ئەو كێشە و ناكۆكیانەی لە ماوەی ڕابردوودا لە کوردستان ڕوویاندا هەمووان لێی بەرپرسن و، هەمووانیش لێی زەرەرمەند بوون لە پێشیاندا خەلکی ماندووی کوردستان، مادام كەس بێ هەڵە نەژیاوە، كەواتە هەر كەسە و بە قەد پێگەی خۆیشی باری بەرپرسیاریەتێی لەسەر شانە، پێویستە پەند لە هەڵەی ڕابردوو وەربگیرێ و دامەزراوەكانی هەرێمی كوردستان بە وزە و توانایەكی نوێوە جارێكی دی لە سەر بنەمای متمانەی سیاسی و میساقی شەرەف و پێكهاتەی تازە دابڕێژرێنەوە.
 
گۆڕانكارییەكانی ناوچەكە و چارەنووسی هەرێمی كوردستان، سەختی گوزەرانی خەڵك، پێویستی بە گیانی پێكەوەیی و یەكگوتاریی وهەستی بەرپرسیارێتی پارتی و یەكێتی و بزووتنەوەی گۆڕان و حزبەکانی مەیل دەستەڵات ومەیل ئۆپۆزسیۆن هەیە.
 
نزیکبوونەوە و ڕێککەوتنی نوێی پارتی و یەکێتی، خاڵی ئیجابی و بەرژەوەندیی هاوبەشی هەموو حزبەكان و تەواوی گەلی كوردستانە، گەرەنتی بوژانەوەی هەموو سێکتەرەکانی ژیان وکاروپڕۆژەکانی ئاوەدانی و سیاسیی و ستراتیژی تێدایە.
 
بۆیە ئەم چركەساتەش زۆر گرنگن لە لە لایەن هەردوو سەرکردایەتی پارتی ویەکێتی، هەموو ئەم قەناعەتانە دروست بوون کە کوردستان تەنیا ئاشتی و یەکڕیزی لەم دوو حزبە دەوێ، چونکە باشترین هەستیارترین چركەساتە بۆ ئەوەی پارتی ویەكێتی پێكەوە ببنە فریادڕەسی ئەم قۆناغە سەختە مێژووییەو گەلی کوردستان بەرەو ئارامیی و خۆشگوزەرانی و سەقامگیری سیاسی و ئابووری وئاشتەوایی کۆمەڵایەتی بەرن.
 



دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP