Kurdî  ■  كوردی  ■  عربي
SUN, 17 FEB 2019 19:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پڕۆژیەک بۆ نەهێشنی زێدەڕۆیی سەر کارەبای نیشتمانی، جێبەجێ دەکرێت
| KDP.info


هەولێر-KDP.info- وەزارەتی کارەبای حکوومەتی ھەرێمی کوردستان خەریکی جێبەجێکردنی سیستەمێکی نوێی کۆنتڕۆڵکردنی کارەبای نیشتمانییە و گوتەبێژی وەزارەتەکەش دەڵێ، کارەبا دەگەیەنینە ٢٤ کاتژمێر و لەمەودوا سیستەمێکی وا دانراوە ھیچ کەسێک ناتوانێ کارەبای زیاد و نایاسایی بەکار بێنێ، چونکە کۆنتڕۆڵی کارەبای نێو ماڵان بەدەست فەرمانگەی کارەباوە دەبێت.

حەمەدەمین ھەورامانی، گوتەبێژی وەزارەتای حکوومەتی ھەرێمی کوردستان ئاشکرای کرد: "پێوەر بۆ ھەموو بەشدارانی کارەبای نیشتمانی دادەنرێت و پێوەرەکان بە ھەموو پێداویستییەکانییەوە گەیشتوونەتە کۆگاکانی وەزارەتی کارەبا، دەست بە پڕۆسەی گرێدانی پێوەری نوێی کارەبا کراوە، بەڵام بە ھۆی ئەوەی کارەبای نیشتمانی کڕیارێکی زۆری ھەیە جێبەجێکردنی پڕۆژەکە کاتی دەوێت و ھەنگاوەکان دەستیان پێ کردووە و پێوەرەکان بەسەر بەڕێوەبەرایەتیی کارەبای پارێزگاکاندا دابەش کراون بۆ ئەوەی پڕۆسەکە بەڕێوە بچێت."

گوتەبێژی وەزارەتی کارەبا بە ماڵپەڕی فەرمیی پارتی دیموکراتی کوردستانی ڕاگەیاند: "ھیچ بەشدارێکی کارەبا بەدەر نابێت لە گرێدانی پێوەری نوێ، پڕۆژەیەکی گەورەی ستراتیژییە، ڕێژەیەکی زۆری تەزووی کارەبا بەفیڕۆ دەدرێت و بەشێکیشی دەدزرێت، بەڵام لەگەڵ جێبەجێکردنی پڕۆژەکە تا ڕادەیەکی زۆر کۆنتڕۆڵی ھاوبەشانی کارەبا دەکرێت و ئیدی ئەو کارەبایەی ئێستا خەڵکێک بە زیادەڕۆیی بەکاری دێنن، کۆتاییی دێت."

ھەورامانی دەڵێت: "بە پێی سیستەمی نوێی پێوەری کارەبا ھەموو ھاوبەشەکان لەنێو تۆڕێکدا کۆ دەکرێنەوە، ھەتا وەرگرتنی کرێی کارەباش دەبێتە ئۆتۆماتیکی، واتە عەداد نامێنێ و لەمەودوا ژمێریاری کارەبا ناچێتە ماڵان بۆ وەرگرتنی پارەی کارەبا و خوێندنەوەی پێوەر، ھەمووی لەنێو کۆمپیۆتەردا تۆمار دەکرێت و ھەر ھاوبەشێکی کارەبا زێدەڕۆیی بکات، ئەوە لە کۆنتڕۆڵەوە کارەبای لەسەر دەبڕدرێت."

بە گوتەی حەمەدەمین ھەورامانی لە کاتی جێبەجێکردنی پڕۆژەکەدا کارەبایەکی زۆر دەگەڕێتەوە نێو تۆڕی گشتی و بە شێوەیەک کاتژمێرەکانی کارەبای نیشتمانی زیاد دەبن و ھاووڵاتییان پێویستیان بە کارەبای ئەھلی نابێت. ڕوونیشی کردەوە: "سیستەمێکی زۆر پێشکەوتووی ئەلیکترۆنیی ھەمەلایەنەیە، بێگومان حکوومەت مەبەستیەتی بەو پڕۆژەیە دوو ئامانج بپێکێت، یەکەم کارەبا کۆنتڕۆڵ بکرێت و ھیچ کەسێک بۆی نەبێت بەبێ یاسا کارەبا بەکار بێنێت، دووەمیش کارەبایەکی زۆر دەگەڕێتەوە بۆ تۆڕی گشتی و ڕەوشی کارەبا زۆر لەوەی ئێستا باشتر دەبێت، نرخی کارەبای نیشتمانی زۆر ھەرزانترە لە کارەبای ئەھلی و بەکورتی دەمانەوێ کارەبا ببێت بە ٢٤ کاتژمێر، ئەگەر پڕۆژەکە وەک خۆی جێبەجێ بکرێت."

قائید میرۆ

 




دوایین هەواڵەکان

پارتی پیرۆزبایی لە یەکێتیی لاوانی دیموکراتی کوردستان دەکات

SUNDAY, 17 FEBRUARY 2019 17:02:25

بەڕێزان/ سكرتێروئەندامانی مەكتەبی سكرتاریەت و هەڤاڵانی ئەنجوومەنی سەركردایەتی یەكێتی لاوانی كوردستان..

پارتی پیرۆزبایی لە یەکێتیی قوتابیانی کوردستان دەکات

SUNDAY, 17 FEBRUARY 2019 17:02:50

بەڕێزان/ سكرتێرو ئەندامانی مەكتەبی سكرتاریەت و هەڤاڵانی لیژنەی راپەڕاندنی یەكێتی قوتابیانی كوردستان

مەسروور بارزانی ساڵیادی دامەزراندن لە هەردوو رێکخراوی یەکێتی قوتابیانی کوردستان و یەکێتی لاوانی دیموکراتی کوردستان پیرۆز دەکات

SUNDAY, 17 FEBRUARY 2019 17:02:41

سکرتێر و ئەندامانی مەکتەبی سکرتاریەتی یەکێتی قوتابیانی کوردستان

پەیامی سەرۆك بارزانی بەبۆنەی شەست و شەش ساڵەی دامەزراندنی یەكێتیی قوتابیانی كوردستان و یەكێتیی لاوانی دیموكراتی كوردستان

SUNDAY, 17 FEBRUARY 2019 16:02:01

بە ناوی خودای بەخشندە و میهرەبان

فراکسیۆنی کۆمەڵی ئیسلامیی: سبەی لە کۆبوونەوەی پەرلەمانی کوردستاندا بەشداری دەکەین

SUNDAY, 17 FEBRUARY 2019 15:02:33

ھەولێر-KDP.info- سەرۆکی فراکسیۆنی کۆمەڵی ئیسلامیی کوردستان گوتی، وەک فراکسیۆنی کۆمەڵی ئیسلامیی کوردستان بەشداری لە کۆبوونەوەی سبەی پەرلەمانی کوردستان دەکەن و لەگەڵ شاندی دانوستانکاری پارتییش بۆ بەشداریکردن لە کابینەی نوێدا لە گفتوگۆی بەردەوامدان.

 


 
© 2018 Kurdistan Democratic Party, KDP