Kurdî  ■  كوردی  ■  عربي
THU, 18 JUL 2019 02:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

لیوا عەبدولخالق، ورده‌كاری تەقەكردنه‌كه‌ی شەوی ڕابردوو بۆ ماڵپه‌ڕی KDP ده‌خاته‌ ڕوو
| KDP.info


 
ھەولێر-KDP.info- بەڕێوەبەری پۆلیسی ھەولێر ڕایگەیاند، بۆ نەھێشتنی دیاردەی تەقەكردن و ئەو رووداوانەی بە چەك ئەنجام دەدرێن، پێویستە چەكھەڵگرتن قەدەغە بكرێت. دەشڵێ، ئەوانەی چەكداری حكوومەتن، پێویستە دوای دەوام چەكەكانیان بۆ ماڵەوە نەبەنەوە.
 
لیوا عەبدولخاڵق تەڵعەت، بە ماڵپەڕی فەرمیی پارتی دیموكراتی كوردستانی ڕاگەیاند: "كێشەی شەوی ڕابردووی تەقەكردن لە گەڕەكی ھەولێری نوێ، لە نێوان دوو بنەماڵەدا بوو، لەسەر ئەوەی یەكێك لەوانە پەرتووكێكی لەسەر ھۆزێك دەركردووە و ناوی ئەوانیشی تێنەكردووە، بۆیە ئەوانەی دیكەش ناڕەزایەتییان دەربڕیوە، هەر لەبەر ئەوە شەڕەتەقە ڕووی داوە و ئێمەش ئەو كەسانەمان دەستگیر كردووە".
 
تەڵعەت گوتیشی: "لەو شەڕەتەقەیەدا ھیچ كەسێك زیانی بەرنەكەوتووە و ئێمەش رێگە نادەین ھیچ كەسێك ئارامیی شار تێك بدات، چونكە ئەو تەقەكردنە دەبێتە ھۆی بێزاركردنی خەڵكی ھەولێر، ئەمەش لای ئێمە قبووڵكراو نییە".
 
بەڕێوەبەری پۆلیسی ھەولێر، هەروەها باسی لەوەش كرد، ھۆكاری ئەو رووداوانە بۆ ئەوە دەگەڕێتەوە، كە نزیكەی ٦٠ھەزار چەكدار لە سنووری شاری ھەولێر ھەیە، بۆیە پێویستە دیاردەی چەكھەڵگرتن نەمێنێت.
 
دەشڵێ: "پێویستە ئەو كەسانەی چەكداری حكوومەتن و دەوام دەكەن، دوای دەوام چەكەكانیان لەگەڵ خۆیاندا نەبەنەوە ماڵەوە، ئەمەش دەبێتە ھەنگاوێكی گرینگ بۆ بنبڕكردنی دیاردەی چەكھەڵگرتن، چونكە گەڕان لە ماڵان بە دوای چەكدا، زۆر زەحمەتە".
 
بڵند ئیبراھیم
 
 



دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP