Kurdî  ■  كوردی  ■  عربي
THU, 18 JUL 2019 02:14 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ڕاوێژكاری سەرۆك بارزانی، په‌یوه‌ست به‌ په‌سه‌ندكردنی بودجه‌ بۆ ماڵپه‌ڕی KDP ده‌دوێت
| KDP.info


 

بەغدا-KDP.info- پڕۆژەیاسای بودجەی عێراق لە ئەنجوومەنی نوێنەرانی عێراق پەسەند كرا، ڕاوێژكارێكی سەرۆك بارزانییش دەڵێ، ئەم بەرەوپێشچوون و یەكڕیزییەی فراكسیۆنە كوردستانییەكان، ڕەنگدانەوەی سەردانەكەی بارزانییە بۆ بەغدا و ھەنگاو بە ھەنگا و كێشەی كەركووك و ناوچە كوردستانییەكانیش چارە دەبن.

ئەنجوومەنی نوێنەرانی عێراق، شەوی ڕابردوو بودجەی عێراقی پەسەند كرد و لایەنە سیاسییە كوردستانییەكان بە یەكدەنگ ھاوڕا بوون لەسەر پەسەندكردنی چەند بڕگەیەكی گرینگی بودجه‌ تایبه‌ت به‌ ھەرێمی كوردستان.

پەیوەست بەوپرسه‌ش، ڕاوێژكاری سەرۆك بارزانی، مەسعوود حەیدەر، له‌ لێدوانێكی تایبه‌تدا بە ماڵپەڕی فەرمیی پارتی دیموكراتی كوردستانی ڕاگەیاند: "جێی خۆشحاڵییە فراكسیۆنە كوردستانییەكان لە بابەتە نیشتیمانییەكان یەكدەنگ و ھاوڕان، پێویستیشە ئەوەی پەیوەندی بە مافی خەڵكی ھەرێمی كوردستان و گەلی كوردستانەوە ھەیە، یەكھەڵوێست و یەكدەنگ بن لەسەری و ئەمەیش ئاماژەیەكی باش و گرینگە."

حەیدەر گوتیشی: "پڕۆژەیاسایەكە ئەوەی پەیوەندی بە كوردستانەوە ھەبوو و زۆر جەوھەری و گرینگ بوو، بابەتی مووچەی فەرمانبەرانی ھەرێمی كوردستان بوو، بە پێی ئەو ژمارەیەی كە لە لیستی مووچەخۆرانی عێراقدا ھەیە، ئەو بڕەپارەیەی كە تەرخان كراوە بۆ گشت مووچەخۆرانی ھەرێمی كوردستان نییە، ئێستا لە ھەرێمی كوردستان ١,٢٠٠,٠٠٠ملیۆنێك و دووسەد ھەزار كەس مووچە و شاییستەی دارایی وەردەگرن، ئەمە بۆ ٦٨٢٠٠٠ شەشسەد و ھەشتاودوو ھەزار فەرمانبەرە كە لە وەزارەتی دارایی عێراقدا ھەیە، ئەو پارەیەیش كە مانگانە وەك مووچە بۆ ھەرێمی كوردستان بڕیارە بێت كە لە یاساكەدا ھەیە، ٥٥٤ ملیار دیناری مانگانەیە."

ئەو ڕاوێژكارەی سەرۆك بارزانی دەشڵێت: "ئەم بەرەوپێشچوونە و ئەم پەسەندكردنەی بودجە، ڕەنگدانەوەی چەند فاكتەرێكە، یەكێكیان سەردانی جەنابی سەرۆك بارزانییە بۆ بەغدا و دروستكردنی لێكتێگەیشتنێكە لە نێوان ھەرێم و بەغدا، ئەمەش وای كرد، كە ھێزی پێشمەرگەی كوردستان بە فەرمی ھێزێك بێت سەر بە وەزارەتی بەرگریی عێراق و بودجەی تایبەتی خۆی ھەیە".

مەسعوود حەیدەر دەشڵێ: "لە دوای سەردانەكەی سەرۆك بارزانی بۆ بەغدا، واقیعێكی سیاسی دروست بوو، كە لایەنی ئەرێنیی زۆر باشی ھەبوو، وەك یەكێك لە ئەندامانی شاندەكەیش كە چووینە بەغدا، بەرچاومان ڕوون بوو كە بە قۆناغبەندی كێشەی كەركووك و ناوچەكانی تر چارە دەكرێن، بۆیە چاوەڕوان دەكەین ھەنگاو بە ھەنگاو باری دارایی ھەرێمیش باشتر بكرێ و بووژانەوەی ئابووری لە ھەرێم لەوانەیە زۆر بەپەلە نەبێ، بەڵام دۆخی كوردستان لە ڕووی سیاسی و ئابوورییشەوە بەرەو باشتر دەڕوات."

بەپێی پڕۆژەكە، بودجەی گشتیی عێراق بۆ ساڵی ٢٠١٩، ١٣٣ تریلیۆن و ١١٢ ملیار دینار دەبێت ‌و تێیدا مووچەی فەرمانبەرانی ھەرێمی كوردستان‌ و ھێزی پێشمەرگە، بە ٥٥٤ ملیار دیناری مانگانە دیاری كراوە.

لە بەرانبەردا، دەبێ ھەرێمی كوردستان رۆژانە ٢٥٠ ھەزار بەرمیل نەوت ھەناردە بكات ‌و داھاتەكەی ڕادەستی بەغدا بكات، كە ئەمە نەبەسراوەتەوە بە ناردنی مووچەی فەرمانبەران‌ و پێشمەرگەی ھەرێم.

 

فایزە كۆیی

 

 

 




دوایین هەواڵەکان

سه‌رۆكی هه‌رێمی كوردستان له‌گه‌ڵ باڵیۆزى ئه‌مه‌ریكا كۆده‌بێته‌وه‌

WEDNESDAY, 17 JULY 2019 22:07:13

هەولێر-KDP.info- له‌ كۆبوونه‌وه‌یه‌كی به‌ڕێز نێچیرڤان بارزانی سه‌رۆكی هه‌رێمی كوردستاندا له‌گه‌ڵ به‌ڕێز ماتیۆ توله‌ر باڵیۆزی ئه‌مه‌ریكا له‌ عێراق و شاندی یاوه‌ری، به‌ڕێز توله‌ر پیرۆزبایی دامه‌زراندنی كابینه‌ی نوێی حكوومه‌تی هه‌رێمی كوردستانی له‌ به‌ڕێز سه‌رۆكی هه‌رێم كرد.

ڕاگه‌یه‌نراوێک له‌ سه‌رۆکایه‌تیی هه‌رێمی کوردستانه‌وه‌

WEDNESDAY, 17 JULY 2019 18:07:30

هەولێر-KDP.info-  به‌ توندی ئه‌و تاوانکارییه‌ ترسنۆکه‌ سه‌رکۆنه‌ ده‌که‌ین که‌ نیوه‌ڕۆی ئه‌مڕۆ له‌ هه‌ولێر کارمه‌ندێکی کونسولخانه‌ی تورکیا و هاووڵاتییه‌کی هه‌رێمی کوردستانی کردۆته‌ ئامانج و له‌ ئه‌نجامدا هه‌ردووکیان گیانیان له‌ده‌ست داوه و هاووڵاتییه‌کی دیکه‌ش بریندار بووه‌.

راگەیەندراوێک لە حکوومەتى هەرێمى کوردستانەوە

WEDNESDAY, 17 JULY 2019 18:07:48

هەولێر-KDP.info-  حكوومه‌تی هه‌رێمی كوردستان له‌ راگه‌یه‌ندراوێكدا ئیدانه‌ی رووداوی ته‌قه‌كردنه‌كه‌ی هه‌ولێری كرد، كه‌ له‌ ئه‌نجامیدا كارمه‌ندێكی كونسوڵخانه‌ی توركیا گیانی له‌ده‌ستدا و رایگه‌یاند، هەموو لایەک دڵنیا دەکەینەوە کە لایەنە پەیوەندارەکانى هەرێمى کوردستان خەریکى لێکۆڵینە و بەدواداچوونى جددین بۆ دۆزینەوەى ئەنجامدەران و بەسزاگەیاندنى یاسایییان.

په‌یامێك له‌سه‌رۆكایه‌تی په‌رله‌مانی كوردستانه‌وه‌

WEDNESDAY, 17 JULY 2019 18:07:00

هەولێر-KDP.info-  بە توندی ئیدانەی کوژرانی دیبلۆماتکارێكی تورکیا دەکەین، کە لە ئەنجامی رووداوێکی تەقەکردن لە ریستوڕانتێکی هەولێر کوژران، به‌م بۆنه‌یه‌وه‌ پرسه‌و سه‌ره‌خۆشی خۆمان ئاڕاسته‌ی كونسولخانه‌ی توركیا و حكوومه‌تی توركیا ده‌كه‌ین و داواکارین لە دامەزراوە ئەمنییەکان بە پەلە تاوانکاران دەستگیربکەن و بە سزای یاساییان بگەێنن.

ئاسایشی هه‌ولێر راگه‌یه‌ندراوێكی بڵاوكرده‌وه‌

WEDNESDAY, 17 JULY 2019 16:07:39

هه‌ولێر-KDP.info-  ئاسایشی هه‌ولێر له‌ باره‌ی رووداوی ته‌قه‌كردن له‌ چێشتخانه‌یه‌كی هه‌ولێر راگه‌یه‌ندراوێكی بڵاوكرده‌وه‌.

 



 
© 2018 Kurdistan Democratic Party, KDP