دهۆك-KDP.info- بەرپرسێ نڤیسینگەها رزگاركرنا ڕەڤاندیان ل پارێزگەها دهۆكێ راگەهاند، ئەوان شیایە كچەكا دی یا كوردا ئێزدی ژ دەستی رێكخراوا تیرۆریستی یا داعش رزگار بكەن.
ئەڤرۆ پێنج شەمبی (١٧-١-٢٠١٩)، حسێن قائیدی، بۆ ماڵپەرێ فەرمیی یێ پارتی دیموكراتی كوردستان گۆت، نڤیسینگەها وان شیا كچەكا كوردا ئێزدی كو ئەڤە بۆ ماوەیێ ٤ ساڵان زێدەتر ددەستێ داعشی دابوو، رزگار بكەن. دیار ژی كر، ئەو كچە ب ناڤێ (ف، خ)ـە، د ژیێ ١٨ ساڵیێ دایە و خەلكا كۆمەلگەها سیبا شێخدرێ یا سەر ب قەزا شنگالێ ڤەیە.
هەروەسا راگەهاند، نڤیسینگەها وان دی بەردەوام بیت ل سەر رزگاركرنا هەموو كەسێن مایی ددەستێ داعشێ دا كو سەرجەمێ وان پتر ژ ٣ هەزار كەسی یە.
كــاروان بـــاعەدری