Kurdî  ■  كوردی  ■  عربي
TUE, 20 AUG 2019 09:16 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"
| KDP.info


کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

سەرچاوەیەکی ئەمنی لە شاری کەرکووک بە ماڵپەڕی فەرمیی پارتی دیموکراتی کوردستانی ڕاگەیاند: "ڕەوشی ئەمنیی شاری کەرکووک ھەروەک پێشوو ناجێگیرە و بەردەوام شەڕ و ڕووداوی تیرۆر و کوشتن تۆمار دەکرێن، تەنیا لە ساڵی ڕابردوودا زیاتر لە پێنج ھەزار ڕووداوی جۆراوجۆری ئەمنی لە شاری کەرکووک ڕوویان داوە و بە بەردەوامی ڕۆژانە زیاتر لە دوو ڕووداو تۆمار دەکرێن، ئەوەش ئاماژەیەکی ڕوونە بۆ ئەوەی ڕەوشی ئەمنی سەقامگیر نییە و لە دوای ڕووداوەکانی ١٦ی ئۆکتۆبەر بە تەواوی ئاڵۆز بووە."

سەرچاوەکەی ماڵپەڕی فەرمیی پارتی کە نەیویست ناوی بهێنرێت، ئاشکرای کرد: "دوێنێ بە ھۆی تەقینەوەی بۆمبێک ھێزەکانی حەشدی شەعبی بریندارێکیان ھێناوەتە نەخۆشخانەی کەرکووک و دواتر شەڕ و پێکدادان لە نێوان چەکدارانی حەشدی شەعبی و ھێزی دژەتیرۆری عێراق لەبەردەم نەخۆشخانەی کەرکووک ڕووی داوە و لە ئەنجامدا سێ چەکداری سەر بە حەشدی شەعبی بریندار بوونە، ھەر دوای شەڕەکەش ھێزەکەی دژەتیرۆر چەکدارانی حەشدی چەک کردووە، بەڵام بە ناوبژیوانیی بەغدا دژەتیرۆر چەکەکانی ڕادەستی حەشد کردووەتەوە."

لەبارەی تیرۆرکردنی کادیرەکەی پارتی کە شەوی ڕابردوو شەھید کرا، سەرچاوەکە گوتی: "شەوی ڕابردوو چەکدارانی نەناسراو تەقەیان لە جەبار کاکەیی، کادیری پارتی دیموکراتی کوردستان کردووە، کە بەرپرسی ڕێکخراوی موسەلای سەر بە ناوچەی سێی پارتی بووە و دوای گەیاندنی بۆ نەخۆشخانە گیانی لەدەست داوە، ھێشتا ئەنجامدەرانی تاوانەکە دەستگیر نەکراون،  کاکەیی لە کاتی بەڕێوەچوونی پڕۆسەی ڕیفڕاندۆمی سەربەخۆیی ڕۆڵێکی بەرچاوی ھەبووە."

قائید میرۆ




دوایین هەواڵەکان

راگەیەندراوێک لە حکومەتی هەرێمی کوردستانەوە

MONDAY, 19 AUGUST 2019 19:08:18

هەولێر-KDP.info-  گوتەبێژی حکومەتی هەرێمی کوردستان له‌ راگه‌یه‌ندراوێكدا، داوا لە حکومەتی تورکیا و چەکدارانی پەکەکە دەکات نەبنە هۆی زیانگەیاندن بە هاووڵاتیانی هەرێمی کوردستان.

ڕێکخەری ڕاسپاردە نێودەوڵەتییەکان: لە هەرێم چەندین هاووڵاتیی بیانی بە تۆمەتی پەیوەندیکردنیان بە تیرۆرەوە دەستگیر کراون

MONDAY, 19 AUGUST 2019 16:08:11

هه‌ولێر-KDP.info- لە ئەنجامی هێرشی تیرۆریستانی داعش بۆ سەر چەند ناوچەیەکی کوردستان سەدان هەزار کەس لەو ناوچانە کە کەوتبوونە ژێردەسەڵاتی داعش ڕوویان لە هەرێمی کوردستان کرد، لەو کاتەدا جیاکردنەوەی هاووڵاتیانی ئاسایی و ئەوانەی پەیوەندییان بە داعشەوە هەیە کارێکی ئاسان نەبوو و ئاستەنگی زۆری بۆ لایەنە ئەمنییەکان دروست دەکرد. بۆیە ڕێوشوێنی ئەمنی گیراوەتە بەر بۆ پاراستنی سەلامەتیی هاووڵاتیان و خودی ئاوارەکان و ڕێگانەدان بە دزەکردنی تیرۆریستان بۆ نێو هاووڵاتیان بۆ پاراستنی سەروماڵی هاووڵاتیانی هەرێم بە ئاوارەکانیشەوە، لە میانەی ئەم ڕێوشوێنانەدا لە لایەن دەزگا ئەمنییەکانی حکوومەتی هەرێمی کوردستانەوە چەندین کەس بە تۆمەتی پەیوەندییان بە داعشەوە دەستگیر کران.

 

مەیادە نەجاڕ: بەبێ جێگیرکردنی داخوازییەکانی ھەرێم ڕێگە نادەین بودجە تێپەڕێت

MONDAY, 19 AUGUST 2019 16:08:14

بەغدا -KDP.info- پەرلەمانتارێکی پارتی لە بەغدا پێی وایە دەنگدان لەسەر پڕۆژەیاسای بودجە پێویستی بە ڕێککەوتن لە نێوان ھەرێم و بەغدادا ھەیە. دەشڵێ، بەبێ جێگیرکردنی داخوازییەکانی ھەرێمی کوردستان ڕێگە نادەن پڕۆژەیاسای بودجەی عێراق تێپەڕێت.

 

تۆماركردنی سكاڵا له‌ هه‌رێمی كوردستان ده‌كرێته‌ ئه‌لكترۆنی

MONDAY, 19 AUGUST 2019 13:08:25

هه‌ولێر-KDP.info-  گوته‌بێژی ده‌سته‌ی سه‌ربه‌خۆی مافی مرۆڤ له‌ هه‌رێمی كوردستان دەڵێ، له‌مه‌ودوا هاووڵاتیانی هه‌رێمی كوردستان له‌ هه‌ر شوێنێك بن، ده‌توانن له ‌رێگه‌ی ئه‌لكترۆنی و ‌سایتی ده‌سته‌ی سه‌ربه‌خۆی مافی مرۆڤ سكاڵا تۆمار بكه‌ن، دواتریش هه‌ر له‌رێگه‌ی ئه‌لكترۆنی ئه‌نجامی سكاڵاكه‌یان بۆ ره‌وانه‌ ده‌كرێتە‌وه. 

 
پەرلەمانتارێکی پارتی"سبەی پەرلەمانی کوردستان لەبارەی پڕۆژە یاسای خانووی زێدەڕۆ کۆدەبێتەوە"

MONDAY, 19 AUGUST 2019 12:08:46

ھەولێر-KDP.info-بڕیارە سبەی لیژنەی شارەوانییەکان لە پەرلەمانی کوردستان سەبارەت بە پڕۆژە یاسای خانووە زێدەڕۆکان کۆببێتەوە و پەرلەمانتارێکی پارتیش دەڵێ، پێداچوونەوە بە نرخی تاپۆکردنی خانووەکان دەکەین بەشێوەیەک رەوشی ئابووری خەڵکی ھەژار لەبەربەرچاو بگیرێت.

 



 
© 2018 Kurdistan Democratic Party, KDP