Kurdî  ■  كوردی  ■  عربي
WED, 13 NOV 2019 14:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

مەسروور بارزانی: پێویستە رێککەوتنێکی نوێ لە نێوان هێز و لایەنە سیاسییەکانی رۆژئاوا بکرێت
| KDP.info


هەولێر-KDP.info-  مه‌سروور بارزانی راوێژکاری ئەنجوومەنی ئاسایشی هەرێمی کوردستان و فه‌رمانده‌ی گشتیی تیمی هاوبه‌شی ئۆپه‌راسیۆنه‌ تایبه‌تیه‌كان له‌ عێراق و سووریا كۆبوونە‌وه‌ و لە دیدارەکەدا مه‌سروور بارزانی رایگەیاند، کە بە پێویست دەزانرێت رێککەوتنێکی نوێ لە نێوان هێز و لایەنە سیاسییەکانی رۆژئاوا بکرێت بۆئەوەی مافی گەلەکەیان لە گۆڕانکارییەکاندا جێگیر بکەن.

ئه‌مڕۆ چوارشەممە 16/1/2019 مه‌سروور بارزانی راوێژكاری ئه‌نجوومه‌نی ئاسایشی هه‌رێمی كوردستان پێشوازی له‌ (جه‌نه‌ڕاڵ پاتریك رۆبه‌رسۆن) فه‌رمانده‌ی گشتیی تیمی هاوبه‌شی ئۆپه‌راسیۆنه‌ تایبه‌تییه‌كان له‌ عێراق و سووریا و شاندی یاوەری كرد. له‌م دیدارەدا دوا پێشهات و ئەگەرەکانی ناوچه‌كه‌ به‌گشتی و قۆناغه‌كانی شه‌ڕی تیرۆریستان تاوتوێكرا، هەرەوەها بیروڕا له‌باره‌ی دوا په‌ره‌سه‌ندنه‌‌كانی تایبه‌ت به‌ رەوشی رۆژهەڵاتی فوڕات لە سووریا ئالوگۆڕ كرا، پەیوەست بەوە مه‌سروور بارزانی ئاماژەی بەوەدا، کە بە پێویست دەزانرێت رێککەوتنێکی نوێ لە نێوان هێز و لایەنە سیاسییەکانی رۆژئاوا بکرێت بۆئەوەی مافی گەلەکەیان لە گۆڕانکارییەکاندا جێگیر بکەن.
هەر لەو دیداره‌ باس لە جموجۆڵ و پەرەسەندنەکانی داعش لە هەندێ ناوچەی عێراق و رۆڵ و هەماهەنگیی نێوان هێزەکانی ئەمریکا و عێراق و هەرێمی کوردستان کرا بۆ رێگەگرتن لە سەرهەڵدانەوە و گەشەکردنی زیاتری گرووپە تیرۆریستیەکان و سەقامگیرکردنەوەی عێراق بە گشتی و ناوچە رزگاربووەکان بە تایبەتی.




دوایین هەواڵەکان

ناوەڕۆكی كۆبوونەوەی نێچیرڤان بارزانی و بەرھەم ساڵح ئاشكرا دەكرێت

WEDNESDAY, 13 NOVEMBER 2019 13:11:43

به‌غدا-KDP.info- دوای كۆبوونەوەی نێچیرڤان بارزانی سەرۆكی ھەرێمی كوردستان و بەرھەم ساڵح سەرۆككۆماری عێراق ناوەڕۆكی كۆبوونەوەكە ئاشكرا كرا.

 
بارەگای بارزانی سەرەخۆشی لە حاجی عومەر هێرۆیی دەكات

WEDNESDAY, 13 NOVEMBER 2019 13:11:19

بە ناوی خودای بەخشندە و میهرەبان

بەڕێز حاجی عومەر هێرۆیی

بە دڵگرانییەكی زۆرەوە هەواڵی كۆچی دوایی كەسایەتیی دیاری كۆمەڵایەتیی دەڤەری راپەڕین (حاجی مەحمود هێرۆیی) برای بەڕێزتانمان پێگەیشت.

ماڵپەڕی KDP مه‌رجی دروستكردنی دوو خانوو لەسەر یەك پارچەزەوی بڵاوده‌كاته‌وه‌

WEDNESDAY, 13 NOVEMBER 2019 13:11:26

هەولێر-KDP.info- بەڕێوەبەری شارەوانیی شەشی هەولێر ڕایگەیاند، پێشتر بە بڕیارێكی وەزارەت دروستكردنی دوو خانوو لە سەر یەك پارچەزەوی بە هیچ جۆرێك رێگاپێدراو نەبوو، بەڵام ئێستا لە هەندێك گەڕەك و بە گوێرەی هەندێك رێنمایی، لە سنووری هەر شەش شارەوانیی هەولێر رێگا بە دروستكردنی دوو خانوو لە سەر یەك پارچەزەوی دەدرێت.

 
وەزارەتی گواستنەوە: هەفتەی داهاتوو سیستمی نوێ جێبەجێ دەكرێت.. رەنگی تاكسییەكان ناگۆڕێ

WEDNESDAY, 13 NOVEMBER 2019 12:11:07

هەولێر-KDP.info- بەڕێوەبەری گشتیی وەزارەتی گواستنەوەی حكوومەتی هەرێمی كوردستان رایگەیاند، بڕیارە هەفتەی داهاتوو سیستمی نوێی تاكسی لە هەرێمی كوردستان جێبەجێ بكرێت، بەمەش دەتواندرێت كاری تاكسی رێك بخرێتەوە و كۆنتڕۆڵ بكرێت.

 
حكوومەت 3 ملیار و 450 ملیۆن دیناری بۆ پڕۆژەكانی دهۆك تەرخان كردووه‌

WEDNESDAY, 13 NOVEMBER 2019 12:11:14

دهۆك-KDP.info- سەرۆكی ئەنجومەنی پارێزگای دهۆك ڕایدەگەیەنێت، لە چەند ڕۆژی رابردوودا حكوومەتی هەرێم چەندین ملیار دیناری بۆ پڕۆژەكانی سەرجەم شار و شارۆچكەكانی كوردستان تەرخان كرد، بۆ شاری دهۆكیش بە گشتی، 3 ملیار و 450 ملیۆن دینار تەرخان كراوە.

 


 
© 2018 Kurdistan Democratic Party, KDP