Kurdî  ■  كوردی  ■  عربي
TUE, 26 MAR 2019 06:10 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حكوومەتی عێراق داوای لیستی مووچەی فەرمانبەران و پێشمەرگە دەكات
| KDP.info


بەغدا-KDP.info- ئەندامێكی لیژنەی دارایی ڕایگەیاند، بەندێك لە پڕۆژەیاسای بودجەدا دانراوە، ئەگەر حكوومەتی ھەرێم و بەغدایش پابەندی رێككەوتنی نێوانیان سەبارەت بە بودجە نەبن، حكوومەتی عێراق مووچەی فەرمانبەران و پێشمەرگە رەوانە دەكات، بۆیە داوای لیستی مووچەی فەرمانبەران و پێشمەرگەی كردووە.

ئەندامی لیژنەی دارایی لە ئەنجوومەنی نوێنەرانی عێراق، د. ئەحمەد سەفار، بە ماڵپەڕی فەرمیی پارتی دیموكراتی كوردستانی گوت: "ئێمە وەك لیژنەی دارایی، بەردەوامین لە گفتوگۆكان لەبارەی پڕۆژەیاسای بودجە و رۆژانە لە بەیانییەوە تا ئێوارە گفتوگۆی لەسەر دەكەین و وەزارەتەكان بانگھێشت دەكەین، بۆیە رەنگە تا ١٠ رۆژی دیكە بتوانین بودجە ئامادە بكەین بۆ پەسەندكردن".

سەفار گوتیشی،  لە پڕۆژەیاسای بودجەی گشتیی عێراقدا بۆ ئەمساڵ، بەندێك زیاد كراوە، ئەگەر حكوومەتی ھەرێمی كوردستانیش پابەند نەبێت بەوەی رۆژانە ٢٥٠ھەزار بەرمیل نەوت رادەستی حكوومەتی عێراق بكات، یاخود حكوومەتی عێراق پابەندی رێككەوتنی نێوان ھەرێم و بەغدا نەبێت، رێككەوتنەكە ھەڵدەوەشێتەوە، بەڵام مووچەی فەرمانبەران و پێشمەرگە رەوانە دەكات، وەلێ تا ئێستا بڕەكەی دیاری نەكراوە.

دەشڵێ، پێویستە شاندێكی حكوومەتی ھەرێمی كوردستان سەردانی بەغدا بكات، چونكە داوای لیستی مووچەی  فەرمانبەر و پێشمەرگەی كوردستان كراوە، بۆیە پێویستە شاندی ھەرێم بێتە بەغدا و لیستی مووچەی فەرمانبەران و پێشمەرگەیش بۆ بەغدا رەوانە بكرێت.

بڵند ئیبراھیم
 




دوایین هەواڵەکان

بەڕێوەبەرایەتییەکی کاتی بۆ مووسڵ دانرا

MONDAY, 25 MARCH 2019 18:03:45

مووسڵ-KDP.info- ئەندامێکی ئەنجومەنی پاریزگای مووسڵ ڕایگەیاند، بە بڕیاری سەرۆکوەزیرانی عێراقی فیدراڵ، بەڕێوەبەرایەتییەکی کاتی و هاوبەش بۆ مووسڵ دانرا.

 
ئەنجومەنی پارێزگای ھەولێر جارێکی دیکە پڕۆژەی دانەوەی پاشکەوتی مووچەی فەرمانبەران ئاراستەی حکوومەت دەکاتەوە

MONDAY, 25 MARCH 2019 16:03:43

ھەولێر -KDP.info- جێگری سەرۆکی لیژنەی داراییی ئەنجومەنی پارێزگای ھەولێر گوتی، دوای ئەوەی لە ماوەی  ڕابردوودا بەھۆی قەیرانی داراییەوە پڕۆژەی دانەوەی پاشکەوتی مووچەی فەرمانبەران لە لایەن حکوومەت ڕەت کرایەوە، ئێستا دۆخی ئابووریی ھەرێمی کوردستان باشتر بووە، بۆیە سبەی دووبارە پڕۆژەکە بەکۆمەڵێک گۆڕانکارییەوە ئاراستەی حکوومەت دەکەنەوە.

 
شاندێكی پەیمانگەی دیپلۆماسی و ئەكادیمیی ڤیەننا سەردانی پەرلەمان دەكات

MONDAY, 25 MARCH 2019 16:03:27

هەولێر-KDP.info-  پاشنیوەڕۆی ئەمڕۆ ٢٠١٩/٣/٢٥، د. ڤالا فەرید ئیبراهیم، سەرۆكی پەرلەمانی كوردستان، بە ئامادەبوونی هێمن هەورامی، جێگرى سەرۆكی پەرلەمان و مونا نەبی قەهوەچی، سكرتێری پەرلەمان، لە تەلاری پەرلەمان پێشوازیی كرد لە شاندێكی پەیمانگەی دیپلۆماسی و ئەكادیمیی ڤیەننا، بە سەرۆكایەتیی تۆماس ڕۆ، پرۆفیسۆر و سەرۆكی بەشی مێژوو لە پەیمانگەكە و شاندی یاوەرى.

 
جێگری پێشووی پارێزگاری مووسڵ: لادانی من سیاسی بوو

MONDAY, 25 MARCH 2019 16:03:54

مووسڵ -KDP.info- دوێنێ پەرلەمانی عێراق دەنگی لەسەر لادانی پارێزگاری نەینەوا و ھەردوو جێگرەکەی دا. جێگری یەکەمی پارێزگاری نەینەوا کە کوردە پشتڕاستی کردەوە، بابەتی لادانەکەی لەوەوە ھاتووە ئەگەر متمانە لە پارێزگار وەرگیرابایەوە ئەوە بەپێی یاسا دەبووە پارێزگار و دەشڵێ: "تەحەدای ھەموو عێراق دەکەم یەک بەڵگەی گەندەڵی لەسەر من ھەبێت."

 
ھاوتاکردنی مووچەی کەسوکاری شەھیدان ئاراستەی ئەنجوومەنی وەزیران کراوە

MONDAY, 25 MARCH 2019 15:03:37

ھەولێر-KDP.info- گوتەبێژی وەزاەرتی شەھیدان و ئەنفالکراوانی حکوومەتی ھەرێمی کوردستان گوتی، ڕێکارەکانی ھاوتاکردنی مووچەی کەسوکاری شەھیدان و ئەنفالکراوانی حکوومەتی ھەرێمی کوردستان تەواو بووە و ئاراستەی ئەنجومەنی وەزیران کراوە و ھەرکاتێک بڕیاری لێ درا دەست بە جێبەجێکردنی دەکریت.

 


 
© 2018 Kurdistan Democratic Party, KDP