Kurdî  ■  كوردی  ■  عربي
TUE, 22 JAN 2019 00:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بەڵێن دراوە مووچەی كەسوكاری شەھیدان و ئەنفالكراوان ھاوتای عێراق بكرێت
| KDP.info


بەغدا-KDP.info- ئەندامێكی لیژنەی شەھیدان لە ئەنجوومەنی نوێنەرانی عێراق گوتی، حكوومەتی عێراق بەڵێنی داوە لەمساڵدا مووچەی كەسوكاری شەھیدان و ئەنفالكراوان ھاوتای مووچەی بەغدا بكرێت و لە پڕۆژەیاسای بودجەیش پارەیان بۆ دیاری دەكرێت.

ھەدار بارزانی، بە ماڵپەڕی فەرمیی پارتی دیموكراتی كوردستانی ڕاگەیاند: "ئێمە لە ھەوڵی بەردەوامداین بۆ ئەوەی مووچەی كەسوكاری شەھیدان و ئەنفالكراوان ھاوتای بەغدا بكرێت و دوای ئەوەی لیژنەیەك دروست كرا، داواكاریی خۆی پێشكەش كردووە، لەوانە پێویستە ئەو یاسایانەی تایبەت بە كەسوكاری شەھیدان و ئەنفالكراوانن لە ھەرێمی كوردستان، لە پەرلەمانی كوردستان ھەموار بكرێنەوە، بەڵام تا ئێستا پەرلەمانی كوردستان دەستبەكار نەبووە، بۆیە سەردانی پەرلەمانی كوردستانمان كردووە و باسیان لەوە كرد كە لە كاتی دەستبەكاربوونی پەرلەماندا، یەكەم پڕۆژەیاسا، ھەمواركردنەوەی یاسای كەسوكاری شەھیدان و ئەنفالكراوان دەبێت".

ھەدار بارزانی گوتیشی: "حكوومەتی عێراق بەڵێنی داوە لەمساڵدا مووچەی كەسوكاری شەھیدان و ئەنفالكراوانی ھەرێمی كوردستان ھاوتای بەغدا بكرێت و لە پڕۆژەیاسای بودجەشدا پارەی بۆ دابین دەكرێت، ئێمەیش داوامان كردووە ١٠٨ملیار دابین بكرێت، كە ئەمەیش لە كۆبوونەوەی فڕاكسیۆنە كوردییەكان لەگەڵ بەرپرسی دەزگای شەھیدان لە بەغدا داوا كراوە، بۆیە ھەوڵی جیددی بۆ ھاوتاكردنی مووچە دراوە و ئەمجارە دڵنیاین ھەوڵەكانمان سەركەوتوو دەبن".

بڵند ئیبراھیم




دوایین هەواڵەکان

فراكسیۆنە كوردستانییەكان: هەموو هەوڵێك بۆ بەدەستهێنانی مافەكانی خەڵكی كوردستان دەخەینە ‌گەڕ

MONDAY, 21 JANUARY 2019 23:01:19

بەغدا-KDP.info- فراكسیۆنە كوردستانییەكان لە ئەنجوومەنی نوێنەران، راگەیەندراوێكیان بڵاو كردەوە و رایانگەیاند، هەموو هەوڵێكی خۆیان بۆ بەدەستهێنانی مافەكانی خەڵكی هەرێمی كوردستان و ناوچە كوردستانییەكان، دەخەنە ‌گەڕ.

 
فراکسیۆنەکانی کورد لەبارەی بودجەوە یەکهەڵوێست دەبن

MONDAY, 21 JANUARY 2019 19:01:40

بەغدا-KDP.info- پەرلەمانتارێکی فراکسیۆنی پارتی دیموکراتی کوردستان گوتی، ئەمڕۆ فراکسیۆنەکانی کورد کۆبوونەوەیەکیان ساز کرد و تێیدا بڕیاریان دا لەبارەی پڕۆژەیاسای بودجەوە یەکھەڵوێست بن.

 
جموجۆڵی بازرگانی ٢٠% زیادی کردووە

MONDAY, 21 JANUARY 2019 16:01:43

ھەولێر-KDP.info- بەڕێوەبەری گشتیی وەزارەتی بازرگانیی حکوومەتی ھەرێمی کوردستان دەڵێ، جموجووڵی بازرگانی لە ھەرێمی کوردستان بەردەوام لەزیادبووندایە و بەراورد بە ڕابردوو ٢٠% زیادی کردووە.

 
سه‌رۆك بارزانی پێشوازی له‌ سكرتێری گشتیی حزبی سۆسیالیست دیموكراتی كوردستان کرد

MONDAY, 21 JANUARY 2019 16:01:40

هەولێر-KDP.info-  سه‌رۆك بارزانی پێشوازی له‌ سكرتێری گشتیی حزبی سۆسیالیست دیموكراتی كوردستان کرد و لە دیدارەکەدا بارودۆخی سیاسیی هەرێمی كوردستان و عێراق و ناوچەكە و دوایین پێشهاتەكان و گۆڕانكاری و هاوكێشەكان لە ئاستی عێراق و ناوچەكە تاوتوێ كرا.

پارتی سەرەخۆشیی لە خانه‌واده‌ی ئه‌حمه‌د عه‌بدوڵڵا ئاغا دەکات

MONDAY, 21 JANUARY 2019 15:01:29

به‌ڕێزان خانه‌واده‌ی ئه‌حمه‌د عه‌بدوڵڵا ئاغا



 
© 2018 Kurdistan Democratic Party, KDP