Kurdî  ■  كوردی  ■  عربي
TUE, 19 MAR 2019 13:49 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وڵاتان بە گرینگ سەیری پێگەی هەرێم لە ڕۆژهەڵاتی ناویندا دەکەن
| KDP.info


ھەولێر-KDP.info- ماموستایەکی زانستە سیاسییەکان لە زانکۆی سەڵاحەدین دەڵێ، ھەرێمی کوردستان بۆ وڵاتانی دنیا بووەتە پایتەختێکی گرنگ، بۆیە سەرکردەی ھەموو وڵاتان سەردانی ھەرێمی کوردستان دەکەن، ئەمەش بەھێزیی پێگە و قورساییی ھەرێمی کوردستان دەگەیەنێت.

د. ساڵح مەلا عومەر، چاودێری سیاسی و ماموستای زانستە سیاسییەکان لە زانکۆی سەڵاحەدین، بە ماڵپەڕی فەرمیی پارتی دیموکراتی کوردستانی ڕاگەیاند: "سەردانی وەزیری دەرەوەی ئەمەریکا بۆ ڕۆژھەڵاتی ناوین و عێراق و ھەرێمی کوردستان مەبەستی تایبەتی ھەیە، لەوانە ڕووبەڕووبونەوەی گرووپە تیرۆریستییەکان و پێکهێنانی ھاوپەیمانییەک بۆ سنووردارکردنی ڕۆڵی ئێران لە ڕۆژھەڵاتی ناوین و سەردانی بۆ ھەرێمی کوردستانیش ئەوە دەگەیەنێت کە خەڵکێک لە دوای ڕووداوەکانی ١٦ی ئۆکتۆبەر باسیان لەوە دەکرد ھەرێمی کوردستان ڕۆڵی نەماوە، بەڵام ڕۆڵی ھەرێمی کوردستان لە ئاستی نێودەوڵەتیدا بە سەرکردایەتیی سەرۆک بارزانی بەردەوام لە بەھێزبووندایە، چونکە سەرۆک بارزانی سەرەڕای ئەوەی پۆستی سەرۆکی ھەرێمیشی نییە، بەڵام کەسایەتییەکی نێودەوڵەتییە و پێگەیەکی بەھێزی ھەیە."

د. ساڵح مەلا عومەر گوتیشی: :ھەولێر بووەتە پایتەختێکی گرنگ و بووەتە شوێنی گەمەیەکی سیاسیی گرنگ کە نەک تەنیا کاریگەریی لەسەر عێراق ھەیە، بەڵکو کاریگەریی لەسەر ھەموو گەمەکانی ڕۆژھەڵاتی ناوین ھەیە، بۆیە تەنیا وەزیری دەرەوەی ئەمەریکا نییە و وەزیری دەەروەی ئێران و فەرەنساش دێنە ھەرێمی کوردستان، بۆیە پێگەی ھەرێمی کوردستان زۆر گرنگیی تایبەتی ھەیە، دروستکردنی پەیوەندی بە تەنیا لەگەڵ بەغدا بەبێ ھەرێمی کوردستان سەرکەوتوو نابێت."

د. ساڵح مەلا عومەر ئاماژەیشی دا: "وەزیری دەرەوەی ئەمەریکا بۆ عێراق و ھەرێمی کوردستان مەسجێکی  پێیە، ئەویش ئەوەیە کە پێش چەند ڕۆژێک سەرۆکی ئەمەریکا ھاتە عێراق و لەگەڵ ھیچ سەرکردەیەکی عێراق دیداری نەکرد و ڕەخنەی لێ گیرا کە ئەمەریکا ئیدی گرنگی بە عێراق نادات، بەڵام ھاتنی وەزیری دەرەوەی ئەمەریکا ئەوە بۆ عێراق دووپات دەکاتەوە کە ئەمەریکا لە سیاسەتی خۆیدا گرنگیی تایبەت بە عێراق دەدات و بۆ ھەرێمی کوردستانیش پەیامی ھەیە، ئەویش ئەوەیە کە ھەرێمی کوردستان چەند بەھێز بێت بۆ ئەمەریکا زیاتر گرنگ دەبێت و ئەوە ڕاست نییە کە ھەرێم گرنگی لەدەست دابێت، بۆیە سەردانی وەزیری دەرەوەی ئەمەریکا بۆ ھەرێم لە ڕووی دیپلۆماسییەوە گرنگیی تایبەتی ھەیە، چونکە سەردانی ھەر وڵاتێکی کردبێت تەنیا چووەتە پایتەختی وڵاتەکە، لەوانە ئوردن، بەڵام بۆ عێراق سەردانی ھەرێم و بەغدای کردووە، ئەمەش ئەوە دەگەیەنێت، وەکو وڵاتێک ھەرێمی کوردستان دەبینن و ھەرێمیش بە قورساییەکی زۆرەوە لە ڕۆژھەڵاتی ناویندا تەماشا دەکرێت."

بڵند ئیبراھیم 


 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP