Kurdî  ■  كوردی  ■  عربي
MON, 17 JUN 2019 18:32 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

بۆچی فۆکسی دنیا لەسەر ڕۆژهەڵاتی فوڕاتە؟
| KDP.info


دهۆک-KDP.info- ڕۆژهەڵاتی فورات ناوچەیەکی ستراتیژی و جیۆسیاسییەکی گرنگی ململانێ نێودەوڵەتییەکانە لەنێو خاکی سووریادا و بووەتە تەسفیەی حساباتی وڵاتانی جیهانی. پسپۆرانیش دەڵێن، پرسی ڕۆژهەڵاتی فورات بووەتە کێشەیەکی گەورە و تاقیکردنەوەیەکی گەورە لە بەرامبەر پەیەدە و هیچ لایەک ناتوانێت بە ئاسانی دەستبەرداری ئەو ناوچەیە بیت.

ئێستا کاربەدەستانی ئەمەریکا دەربارەی کشانەوەی هێزەکانیان چەندین لێدوانی جیاوازیان هەیە، هەندیك جار دەڵێن، دەبێ بەپەلە بکشێنەوە، هەندێک جاریش دەڵێن، کشانەوەمان کتوپڕ نابێت و قۆناغ  بە قۆناغ دەبێت، جاری واشە دەڵێن، کورد لەو پارچەیە دەپارێزین، ئەمە بووەتە بابەتێکی ڕۆژەڤ و کاردانەوەی میدیاییی جیهانیی لێ کەوتووەتەوە. لەبارەی ئەوە کە ڕۆژهەڵاتی فورات بۆ کامە لایەن یەکلایی دەبێتەوە، تاریق خەرکی، جێگری سکرتێری پارتی ئازادیی کوردستان لە سووریا، پێی وایە، ئەو کردەوانەی ئەمەریکا لە ڕۆژئاوا نەمانی کارە لەو پارچەیە، چونکە ئەمەریکا سەرەتا گوتوویەتی ئەو کاتەی داعش تەواو دەبێ بکشێنەوە، کەواتە لە سووریا ئەمریکا بەدەلی سیاسیی نییە، بەڵکو ڕاسپێڕدراوی سەربازییان هەیە.


دەستبەرداربوونی ڕۆژهەڵاتی فورات بۆ هیچ لایەک ئاسان نییە

خەرکی، بە ماڵپەڕی فەرمیی پارتی دیموکراتی کوردستانی گوت: "پەیەدە بەو ڕووبەڕە فراوانەی ڕۆژهەڵاتی فورات و چەندین ناوچەی تر، لەوانەش منبج و دیرەزۆر و ڕەققە کاری خۆی زەحمەتتر کردووە. پەیەدە دەیەوێت لەو ڕووبەرە فراوانەدا لایەنێک هاوشانی بێت، بۆیە سووریای هێناوەتە ناو هاوکێشەی سیاسییەوە، چونکە ڕۆژهەڵاتی فورات ناوچەی یەکلاکردنەوەی وڵاتانی زلهێز و ئیقلیمییە و هیچ وڵاتێک بە ئاسانی دەستبەرداری نابیت." شرۆڤەکارێکی سیاسیش پێێ وایە، ٩٠%ی سەرچاوەی داراییی سووریا لە ڕۆژهەڵاتی فورات و باکووری سووریایە، بۆیە دەستبەرداربوون لەو ناوچەیە بە ئاسانی نابیت. سامی ڕیکانی دەڵێت: "یەکلابوونەوەی تەواو لەو ناوچەیە بۆ هیچ وڵاتیک نابێت، دەبێ کوردیش لەم ناوچەیەدا خۆی بگونجێنێت.


سیناریۆ نێودەوڵەتییەکان
ت
ورکیا دەربارەی ئۆپەراسیۆنی هێرشکردنە سەر ڕۆژهەڵاتی فورات پێداگری دەکات و ئەردۆغان چاوپێکەوتنی لەگەڵ جۆن بۆڵتن ڕەت کردووە، دوای ئەوەی بۆڵتن گوتی، ئەمەریکا لە باکووری ڕۆژهەڵاتی سووریا ناکشێتەوە تاکو گەرەنتی لە تورکیا وەرنەگرێت کە هێرش نەکاتە سەر کوردانی سووریا. تورکیا دڵی بەوە خۆشە هێزەکانی ئەمەریکا لە سووریا بکشێنەوە، چونکە تورکیا چاوی لە منبج و ڕۆژهەلاتی فوراتە و وەک سەرکردەکانیان دەڵێن تا هێزەکانی کورد لەو ناوچەیە هەبن ئەوان مەترسییان لەسەر هەیە و بۆ ئەوەی سیناریۆی عەفرین دووبارە نەبێتەوە، بە ئاسانی دەستبەردانی منبج و ڕۆژهەڵاتی فورات نابێت، هێزەکانی سووریاشی کردووە بە هاوشانی خۆی.

کـــاروان بــاعەدری

 




دوایین هەواڵەکان

"جاری سێیەمە فەرمانی گرتن بۆ پارێزگاری سەپێندراوی کەرکووک دەردەچێت"

MONDAY, 17 JUNE 2019 17:06:22

کەرکووک -KDP.info- ئەمە بۆ جاری سێیەمە  فەرمانی گرتن بۆ پارێزگاری سەپێندراوی کەرکووک دەردەچێت، بەڵام ھێشتا دەستگیر نەکراوە. بەرپرسێکی پارتییش دەڵێ، ھەرجارێک فەرمانی گرتنی بۆ دەربچێت، دەچێتە بەغدا و چاوپۆشی لە دەستگیرکردنەکەی دەکرێت.

 

لیژنەی یاسایی: پشووی پەرلەمان کاریگەریی لەسەر دەنگدان بە کابینەی نوێی حکوومەت نابێت

MONDAY, 17 JUNE 2019 17:06:00

ھەولێر -KDP.info- سەرۆکی لیژنەی یاساییی پەرلەمانی کوردستان گوتی، بڕیارە سەرەتای مانگی داھاتوو پەرلەمان بکەوێتە پشووی ھاوینە، بەڵام کاریگەریی لەسەر  دەنگدان لەسەر حکوومەتی نوێ نابێت و ھەرکاتێک کابینە ئامادە بوو، پەرلەمان دەتوانێ کۆ بێتەوە و دەنگی لەسەر بدات و پەسەندی بکات.

 

مە‌سروور بارزانی: هاوڵاتیان له‌ چاوه‌ڕوانی پێكهێنانی حكوومه‌ت ناهێڵینه‌وه‌

MONDAY, 17 JUNE 2019 17:06:52

سلێمانی-KDP.info - دووای كۆبوونه‌وه‌ی مه‌سروور بارزانی ڕاسپێردراو بۆ پێكهێنانی حكوومه‌ت، له‌ كۆنگره‌یه‌كی ڕۆژنامه‌وانیدا ڕایگه‌یاند:"هاوڵاتییان له‌ چاوه‌ڕوانی پێكهێنانی حكوومه‌ت ناهێڵینه‌وه‌..هاوکات جه‌لال جه‌وهه‌ر ئه‌ندامی خانه‌ی ڕاپه‌ڕاندنی گۆڕان ڕایگه‌یاند، له‌كاتی خۆیدا ناوی كاندیدانمان ڕاده‌ستی مه‌سروور بارزانی ده‌كه‌ین.

سەرۆك بارزانی پێشوازی لە نەجمەدین كەریم دەكات

MONDAY, 17 JUNE 2019 16:06:29

هەولێر-KDP.info-  ڕۆژی دووشەممە 17ـی 6ـی 2019 لە سەلاحەددین سەرۆك مەسعود بارزانی پێشوازی لە كەسایەتی و سیاسەتمەداری كورد نەجمەدین كەریم كرد.

مه‌سروور بارزانی: له‌ كاتی یاساییی خۆیدا حكوومه‌ت پێك ده‌هێنین

MONDAY, 17 JUNE 2019 15:06:07

سلێمانی-KDP.info - كۆبوونه‌وه‌ی مه‌سروور بارزانی له‌گه‌ڵ حزبی سۆسیالیست كۆتایی هات و ڕایگه‌یاند، هیوایان وایه‌ له‌ پێش 30ی 6 حكوومه‌تی نوێ هه‌رێم ڕابگه‌یه‌نن.



 
© 2018 Kurdistan Democratic Party, KDP