Kurdî  ■  كوردی  ■  عربي
TUE, 19 MAR 2019 13:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خۆشەوی مەلا ئیبراهیم: پەیوەندییەكانی هەرێم و رووسیا بەهێزتر بوون
| KDP.info


 

رووسیا-KDP.info- نوێنەری پارتی لە رووسیا دەڵی، پەیوەندییەكانی حكوومەتی هەرێم و ڕووسیا، بە بەراورد لەگەڵ رابردوو تەشەنەیان سەندووە و لە ئاستی باڵادان، برەودانیش بەو پەیوەندیانە، پەیوەستە بە بەهێزیی هەرێمی كوردستانەوە.

خۆشەوی مەلا ئیبراهیم، بە ماڵپەڕی فەرمیی پارتی دیموكراتی كوردستانی راگەیاند، ئەو و هۆشیار سیوەیلی وەك بەرپرسی پەیوەندییەكانی دەرەوەی حزب، لەگەڵ میخایل بەگدانۆڤ، نوێنەری پۆتن بۆ رۆژهەڵاتی ناوەڕاست و باكووری ئەفریقا، كۆ بوونەتەوە و باس لە پەرەپێدانی پەیوەندییەكانی هەرێمی كوردستان و رووسیا كراوە، كە باشتر و فراوانتر بكرێن.

ناوبراو ئەوەش ئاشكرا دەكات، كە وەك نوێنەری پارتی دیموكراتی كورستان لە رووسیا، داوایان لەو وڵاتە كردووە، كە بەشێكی تایبەت بە كورد لە وەزارەتی دەرەوەیاندا بكرێتەوە، تا پەیوەندییەكانیان توندوتۆڵتر بن، لە هەوڵیشدان بۆ دامەزراندنی چەندین رێكخراوی دیكەی كوردی لەو وڵاتە.

خۆشەوی مەلا ئیبراهیم، بەو پێیەی ئەزموونێكی زۆری لەو وڵاتەدا هەیە، جەخت لەوە دەكاتەوە، بە بەراورد لەگەڵ ساڵانی پێشتر، ئێستا پەیوەندییەكانی نێوان هەرێم و ئەو وڵاتە بەهێزتر بوون، بەو پێیەی لە ئاستی باڵا و كەسانی كاربەدەست و خاوەن بڕیار، پەیوەندییەكان رێك خراون.

 

خێڵان بەختیار

 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP