Kurdî  ■  كوردی  ■  عربي
MON, 17 JUN 2019 18:27 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سیوەیلی: ئەمەریكا دەستبەرداری دۆستەكانی نابێت.. پەیوەندییەكانمان بەرەو پێشتریش دەچن
| KDP.info


 

هەولێر-KDP.info- بەرپرسی پەیوەندییەكانی دەرەوەی پارتی دەڵێ، سەردانەكەی وەزیری دەرەوەی ئەمەریكا بۆ هەرێم و كۆبوونەوەی لەگەڵ سەرۆك بارزانی، مەرجەعیبوونی سەرۆك بارزانی لە عێراق و هەرێم نیشان دەدات.

ڕۆژی چوارشەممە ٩ی ١ی ٢٠١٩، لە شاری هەولێر سەرۆك مەسعوود بارزانی لەگەڵ مایك پۆمپیۆ، وەزیری دەرەوەی ئەمەریكا و بە ئامادەبوونی دۆگڵاس سیلیمان، باڵیۆزی ئەمەریكا لە عێراق و ستیڤ ڤاگین، كونسووڵی ئەمەریكا لە شاری هەولێر كۆ بووەوە. لە میانەی كۆبوونەوەكەیشیاندا بارودۆخی سیاسیی عێراق و ناوچەكە و هەروەها پەیوەندییەكانی نێوان هەرێم و بەغدا و شەڕی دژی تیرۆر تاوتوێ كران، هەردوولا هاوڕا بوون كە لە عێراقدا دەرفەتێكی نوێ بۆ چارەكردنی كێشە هەڵواسراوەكانی نێوان هەرێم و بەغدا لە ئارادایە، وەزیری دەرەوەی ئەمەریكایش جەختی لەوە كردەوە، كە وڵاتەكەی وەك هاوبەشی هەرێم و بەغدا دەمێنێتەوە.

بەرپرسی پەیوەندییەكانی دەرەوەی پارتی، پێی وایە كە سەردانی وەزیری دەرەوەی ئەمەریكا بۆ چەند وڵاتێكی رۆژهەڵاتی ناوەڕاست، بەشێكە لە بەرنامەیەكی فراوانی ئەو وڵاتە، بە تایبەت بۆ ئەو وڵاتانەی بە شێوەیەكی راستەوخۆ بەشدارن لە شەڕی دژ بە تیرۆر، لە هەمان كاتیشدا كە بە دۆست و هاوپەیمانی ئەمەریكایش هەژمار دەكرێن.

هۆشیار سیوەیلی، بۆ ماڵپەڕی فەرمیی پارتی دیموكراتی كوردستان، سەبارەت بە سەردانەكەی وەزیری دەرەوەی ئەمەریكا بۆ هەرێم، بە دڵنیاییدانی ئەو وڵاتە بە دۆستەكانی ناو دەبات، ئەویش بەو پێیەی بڕیارەكەی ترەمپ سەبارەت بە كشانەوەی هێزەكانیان لە رۆژئاوای كوردستان، جۆرێك لە نائومێدی لای دۆستەكانی بەرانبەر بەو وڵاتە دروست بوو، گوتیشی: "ئەمەریكا دەیەوێت بڵێت كە لە رۆژهەڵاتی ناوەڕاستدا دەمێنێتەوە، هاوكات دەستبەرداری دۆستەكانیشی نابێت، بە تایبەت ئەوانەی لە جەنگی دژ بە تیرۆردا بەشدار بوون".

گرینگیی سەردانەكەی وەزیری دەرەوەی ئەمەریكا بۆ هەرێمی كوردستان، بە بۆچوونی سیوەیلی لەوەدایە، چەندین خوێندنەوە و قسەی هەڵە لەبارەی لاوازیی پێگەی هەرێمی كوردستان لەسەر ئاستی نێودەوڵەتی دەكرا، ئەوەش لە لایەن ئەمەریكاوە جەختكردنەوەیە بە پابەندبوون بە هاوپەیمانێتی و دۆستایەتی لەگەڵ هەرێمی كوردستان، هەروەها ئاماژە بۆ ئەوەش دەكات، كە سەرۆك بارزانی لە هەر پێگەیەكدا بێت، پێگەیەكی تایبەتی هەیە و وەك مەرجەعێك لە عێراق و هەرێم حیسابی بۆ دەكرێت.

پێیشی وایە، هەڵوێستی ئەمەریكای بەرانبەر كورد دووپات كردەوە، كە ئەو وڵاتە دۆستە و بە هەموو شێوەیەك هاوكاریی هەرێم لە چوارچێوەی عێراقدا دەكات، ئەویش لە ژێر رۆشنایی دەستووری عێراقدا، لە كاتێكیشدا هەمیشە كورد داوای جێبەجێكردنی دەستووری كردووە.

 رۆژی هەینی ٦ی ٧ی ٢٠١٨، لە رێوڕەسمێكدا بە ئامادەبوونی نێچیرڤان بارزانی، سەرۆكوەزیرانی هەرێمی كوردستان و دۆگڵاس سیلیمان، باڵیۆزی ئەمەریكا لە عێراق و كین گرۆس كۆنسووڵی ئەو وڵاتە لە هەرێمی كوردستان و، ژمارەیەك لە بەرپرسانی ئەمەریكا و هەرێمی كوردستان، بەردی بناغەی كۆمەڵگەی كۆنسووڵخانەی وڵاتە یەكگرتووەكانی ئەمەریكا لە هەولێر داندرا. هۆشیار سیوەیلی دەڵێ، ئەمە بە گرینگی سەیركردنی هەرێمی كوردستانە لە لایەن ئەو وڵاتەوە، كە وەها كۆنسووڵخانەیەك لە پایتەختی هەرێم لە لایەن وڵاتێكی زلهێزەوە دەكرێتەوە، كە نزیكەی ٧٥٠ ملیۆن دۆلاری تێدەچێت.

سیوەیلی، تیشك دەخاتە سەر ئەوەش، كە ئەمەریكا بە كردنەوەی كۆنسووڵخانەكەی لە هەولێر، ئاماژەیەكی روونی دا، كە ئەو وڵاتە دەیەوێت لێرە بمێنێتەوە و پەرە بە پەیوەندییەكانیشی لەگەڵ هەرێم بدات، بە بێ جیاوازی كۆمارییەكان یا دیموكراتەكان، لە داهاتوویشدا پەیوەندییەكان بەرەو پێشتریش دەچن.

 

خێڵان بەختیار




دوایین هەواڵەکان

"جاری سێیەمە فەرمانی گرتن بۆ پارێزگاری سەپێندراوی کەرکووک دەردەچێت"

MONDAY, 17 JUNE 2019 17:06:22

کەرکووک -KDP.info- ئەمە بۆ جاری سێیەمە  فەرمانی گرتن بۆ پارێزگاری سەپێندراوی کەرکووک دەردەچێت، بەڵام ھێشتا دەستگیر نەکراوە. بەرپرسێکی پارتییش دەڵێ، ھەرجارێک فەرمانی گرتنی بۆ دەربچێت، دەچێتە بەغدا و چاوپۆشی لە دەستگیرکردنەکەی دەکرێت.

 

لیژنەی یاسایی: پشووی پەرلەمان کاریگەریی لەسەر دەنگدان بە کابینەی نوێی حکوومەت نابێت

MONDAY, 17 JUNE 2019 17:06:00

ھەولێر -KDP.info- سەرۆکی لیژنەی یاساییی پەرلەمانی کوردستان گوتی، بڕیارە سەرەتای مانگی داھاتوو پەرلەمان بکەوێتە پشووی ھاوینە، بەڵام کاریگەریی لەسەر  دەنگدان لەسەر حکوومەتی نوێ نابێت و ھەرکاتێک کابینە ئامادە بوو، پەرلەمان دەتوانێ کۆ بێتەوە و دەنگی لەسەر بدات و پەسەندی بکات.

 

مە‌سروور بارزانی: هاوڵاتیان له‌ چاوه‌ڕوانی پێكهێنانی حكوومه‌ت ناهێڵینه‌وه‌

MONDAY, 17 JUNE 2019 17:06:52

سلێمانی-KDP.info - دووای كۆبوونه‌وه‌ی مه‌سروور بارزانی ڕاسپێردراو بۆ پێكهێنانی حكوومه‌ت، له‌ كۆنگره‌یه‌كی ڕۆژنامه‌وانیدا ڕایگه‌یاند:"هاوڵاتییان له‌ چاوه‌ڕوانی پێكهێنانی حكوومه‌ت ناهێڵینه‌وه‌..هاوکات جه‌لال جه‌وهه‌ر ئه‌ندامی خانه‌ی ڕاپه‌ڕاندنی گۆڕان ڕایگه‌یاند، له‌كاتی خۆیدا ناوی كاندیدانمان ڕاده‌ستی مه‌سروور بارزانی ده‌كه‌ین.

سەرۆك بارزانی پێشوازی لە نەجمەدین كەریم دەكات

MONDAY, 17 JUNE 2019 16:06:29

هەولێر-KDP.info-  ڕۆژی دووشەممە 17ـی 6ـی 2019 لە سەلاحەددین سەرۆك مەسعود بارزانی پێشوازی لە كەسایەتی و سیاسەتمەداری كورد نەجمەدین كەریم كرد.

مه‌سروور بارزانی: له‌ كاتی یاساییی خۆیدا حكوومه‌ت پێك ده‌هێنین

MONDAY, 17 JUNE 2019 15:06:07

سلێمانی-KDP.info - كۆبوونه‌وه‌ی مه‌سروور بارزانی له‌گه‌ڵ حزبی سۆسیالیست كۆتایی هات و ڕایگه‌یاند، هیوایان وایه‌ له‌ پێش 30ی 6 حكوومه‌تی نوێ هه‌رێم ڕابگه‌یه‌نن.



 
© 2018 Kurdistan Democratic Party, KDP