Kurdî  ■  كوردی  ■  عربي
THU, 22 AUG 2019 15:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جوان: بە واژۆی تاڵەبانی مووچە خەرج كرا.. ئەوانەی واژۆیان كردووە پەشیمان بوونەتەوە
| KDP.info


 

كەركووك-KDP.info- ئەندامێكی ئەنجوومەنی پارێزگای كەركووك ڕایدەگەیەنێت، ھەر لە ئێستاوە ھەوڵی لابردنی ڕێبوار تاڵەبانی، شكستی بردووە، چونكە ئەوانەی واژۆیان كردووە، پەشیمان بوونەتەوە. دەشڵێ، سەرەڕای بڕیاری دەستگیركردن بۆ سەرۆكی ئەنجوومەن، پێش دوو رۆژ بە واژۆی ئەو مووچەی ئەندامانی ئەنجوومەن و فەرمانبەرانی شارۆچكەی داقووق خەرج كراوە.

جوان حەسەن، بە ماڵپەڕی فەرمیی پارتی دیموكراتی كوردستانی ڕاگەیاند: "حەفتەی ڕابردوو لیستی یەكێتیی نیشتیمانیی كوردستان لە ئەنجوومەنی پارێزگای كەركووك، كۆبوونەوەیەكی لەگەڵ لیستی عەرەبی و توركمانی ئەنجام دا، كە توركمانیش تەنیا چوار ئەندامی ئامادە بوون تێیدا واژۆیان كۆ كردەوە بۆ ئەوەی سەرۆكی ئەنجوومەن لابدەن و كەسێكی ئەوان ببێتە سەرۆكی ئەنجوومەن، بەڵام پێویستە نیسابی یاسایی تەواو بكەن و لە كۆی ٤١ئەندام، پێویستە ٢١ئەندام ئامادە بن، بۆیە پێویستە نۆ ئەندامی توركمانی و شەش ئەندامی عەرەبی و شەش ئەندامی یەكێتییش ئامادە بن تاوەكو نیسابی یاسایی تەواو بێت و بتوانن كۆبوونەوە ئەنجام بدەن، چونكە ئەندامانی پارتی و یەكگرتوو و بێلایەنەكان ئامادە نین بەشداری بكەن، بۆیە قورسە نیسابی یاسایی تەواو بێت، لەبەر ئەوەی ھەر لە ئێستاوە ئەندامێكی عەرەب لە واژۆكەی پەشیمان بووەتەوە و توركمانیش ھەمووی ئامادە نین، بەمەیش نیسابی یاسایی تێك چووە".

حەسەن گوتیشی: "ھەر لەئێستاوە ھەوڵی لابدرنی سەرۆكی ئەنجوومەن و تەواوكردنی نیسابی یاسایی كۆبوونەوەی ئەنجوومەن، شكستی بردووە، لەبەر ئەوەی عەرەب و توركمان كۆبوونەوە لەگەڵ ئەوان ناكەن بۆ ئەوەی دەستەڵاتیان كەم ببێتەوە، بۆیە بەرژەوەندیی خۆیان بۆ كەس تێك نادەن".

دەشڵێ: "ئێمە داوامان كردووە كە ئەگەر ناتواندرێت نیسابی یاسایی ئەندامان تەواو بێت، با كۆبوونەوەیەكی راوێژكاری ئەنجام بدرێت و سەبارەت بە كێشەكانی كەركووك قسە بكەین، بەڵام توركمان و عەرەب ئامادە نین بێنە ئەو جۆرە كۆبوونەوە راوێژكاریانە، جا چۆن ئامادە دەبن دەستەڵاتیان كەم ببێتەوە، بۆیە زۆر ئەستەمە ئەو كارە بكرێت".

ئەو هەروەها ئاماژەیشی دا: "دوای بڕیاری دەستگیركردنی رێبوار تاڵەبانی، سەرۆكی ئەنجوومەنی پارێزگای كەركووك، ھەر رۆژی پێنجشەممەی ڕابردوو، بە واژۆی تاڵەبانی مووچەی ئەندامانی ئەنجوومەنی قەزا و فەرمانبەرانی داقووق خەرج كراوە، بۆیە بڕیاری دەستگیركردنی شكستی بردووە و تا ئێستا واژۆی ئەو كاری پێ دەكرێت و سەرۆكی ئەنجوومەنە".

 

بڵند ئیبراھیم 

 

 




دوایین هەواڵەکان

دارا جه‌لیل خه‌یات: ئومێدمان هەیە کۆمپانیا گەورەکانی جیهان لە بواری پیشەسازی و کشتوکاڵدا بێنە کوردستانەوە

THURSDAY, 22 AUGUST 2019 15:08:55

هەولێر-KDP.info-  سه‌رۆكی یه‌كێتیی ژووره‌ بازرگانی و پیشه‌سازییه‌كانی كوردستان باس له‌وه‌ ده‌كات جووڵه‌یه‌كی به‌هێز له‌ كوردستانه‌وه‌ هه‌یه‌ بۆ ڕاكێشان و پته‌وكردنی په‌یوه‌ندیی كوردستان و بازاڕی وڵاتانی جیهان. ده‌شڵێت، گرنگترین پرس ڕێخۆشكردنه‌ بۆ هاتنی كۆمپانیاكان بۆ ناو هه‌رێمی كوردستان.

 

عەزیز وەیسی: به‌رده‌وام مه‌شق و ڕاهێنان بە هێزی پێشمه‌رگه‌ ده‌كرێت

THURSDAY, 22 AUGUST 2019 15:08:08

هه‌ولێر-KDP.info- فه‌رمانده‌ی فه‌رمانده‌ییی پێشمه‌رگه‌ی زێره‌ڤانی گوتی، مه‌شق و ڕاهێنان به‌ هێزی پێشمه‌رگه‌ به‌رده‌وامه‌ و به‌هۆی مه‌شق و ڕاهێنانەوە هێزی پێشمه‌رگه‌ له‌ سه‌رده‌می شه‌ڕی داعش ماندووتره‌ و هیچ هێزێك بێ مه‌شقكردن نابێت. ئه‌ڵمانیاش یه‌كێكه‌ له‌و وڵاتانه‌ی به‌رده‌وامه‌ له‌ مه‌شق و ڕاهێنان به‌ هێزی پێشمه‌رگه‌ و به‌رده‌وامیش ده‌بێت.

 

قایمقامی كۆیە: ڕێگای كۆیە - دێگەڵە ١٥ ڕۆژی دیكە تەواو دەبێت

THURSDAY, 22 AUGUST 2019 13:08:09

كۆیە-KDP.info- پڕۆژەی چاككردنەوەی ڕێگای كۆیە - ھەولێر دەستی پێكردووە و لە ئێستادا قۆناغێكی باشی بڕیوە، قایمقامی شارۆچكەی كۆیەش دەڵێت، نزیكەی پانزە ڕۆژی دیكە رێگای كۆیە - دێگەڵە تەواو دەبێت و رێگای دێگەڵەش بۆ ھەولێر دەستی پێكردووە.

 
هەفتەی داهاتوو مووچەی كەمئەندامان دابه‌ش دەكرێت

THURSDAY, 22 AUGUST 2019 12:08:33

هەولێر-KDP.info- بەڕێوەبەری گشتیی وەزارەتی كاروباری كۆمەڵایەتیی حكوومەتی هەرێمی كوردستان گوتی، هەموو رێكارەكانی خەرجكردنی مووچەی كەمئەندامان تەواو بووە و هەفتەی داهاتوو مووچەیان بۆ خەرج دەكرێت.

 
هێڤیدار ئەحمەد: هەفتەی داهاتوو وەزیری دارایی بانگهێشتی پەرلەمان دەكەین

THURSDAY, 22 AUGUST 2019 12:08:30

هەولێر-KDP.info- جێگرى سەرۆكی لیژنەی دارایی پەرلەمانی كوردستان ئاشكرای دەكات، كە رۆژی دوو شەممەی هەفتەی دابێت، وەزیری دارایی بانگهێشت دەكەن، ئەمەش لە پێناو ئەوەی پێش ئەوەی پڕۆژەیاسای بودجەی گشتیی هەرێم رەوانەی پەرلەمان بكرێت، ئەوان زانیارییان هەبێت و گفتوگۆی بكەن.

 


 
© 2018 Kurdistan Democratic Party, KDP