Kurdî  ■  كوردی  ■  عربي
TUE, 19 MAR 2019 13:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كوردستانێكی به‌هێز، له‌ چاوه‌ڕوانیی پیاوه‌ شیاوه‌كانی ده‌وڵه‌تداریدایه
| KDP.info


د.محه‌ممه‌د خدر مه‌ولوود

پارتی دیموكراتی كوردستان، به‌حوكمی ئه‌و ئه‌زموونه‌ كارگێڕی و ئیداره‌ی حوكمڕانییه‌ی هه‌یه‌تی، هه‌ر له‌ ده‌ستنیشانكردنی  وه‌زیر و به‌رپرسه‌ باڵاكانی بۆ حكوومه‌تی عێراق له‌ به‌غدا له‌ دوای رێككه‌وتننامه ‌و به‌یاننامه‌ی 11ی ئازاری 1970، بۆ ماوه‌ی 4 ساڵ و دواتر له‌دوای هه‌ڵگیرسانه‌وه‌ی ئاگری شه‌ڕ له‌ لایه‌ن رژێمی به‌عس و حكوومه‌تی عێراقدا له‌ 1974وه‌ سه‌ركردایه‌تیی شۆڕشی ئه‌یلوول به‌ سه‌رۆكایه‌تیی مسته‌فا بارزانی، سیسته‌می كارگێڕی (ئه‌مینداریه‌تیی گشتیی حكومی یا حكومه‌تی خۆجێیی له‌ ناوچه‌ی ئازاد له‌ چۆمان و گه‌ڵاڵه‌ و...تد  له ‌سه‌رده‌می جه‌نگ و هێڕش و شه‌ڕدا) بۆ كایه‌ و بواره‌كانی په‌روه‌رده‌وه‌ و ته‌ندروستی و رۆشنبیری و ڕاگه‌یاندن و سه‌ربازی و نیشته‌جێی ئاواره‌وو كه‌سوكار و خاوخێزانی پێشمه‌رگه‌، چه‌ندین ئه‌مینداریه‌تیی گشتی – الامانه‌ العامه‌ی دیكه‌ی دامه‌زراند و كه‌سی شیاوی بۆ پۆسته‌ شیاوه‌كان – ئه‌مینداری راسپارد بۆ به‌رێوه‌بردنی كارگێڕیی حوكمیی ده‌وڵه‌تی خۆجێیی وه‌ك رووسیاییه‌كان پێی ده‌ڵێن (ده‌وڵه‌تی نێوخۆیی یا ئیداره‌ی ده‌وڵه‌ت له‌ نێو ده‌وڵه‌تدا)، تا ده‌گاته‌ گۆڕینی سیسته‌می حوكمڕانی له ‌شه‌ڕعیه‌تی شۆڕشگێڕی – به‌ره‌ی كوردستانی بۆ سیسته‌می حكومڕانیی په‌رله‌مانی به‌ پێشنیاز و داواكاری و پێداگیریی سه‌رۆك مه‌سعوود بارزانی له‌ شاری كۆیێ له‌ دوای سه‌ركه‌وتنی ڕاپه‌ڕینی ئازاری 1991، پارتی له‌ كۆی ئه‌و جۆره‌ حوكمدارییه‌ ده‌وڵه‌تییه‌، به ‌ئه‌زموونێكی ده‌وڵه‌مه‌ندی ئه‌وبواره‌ كارگێڕییه‌ ده‌وڵه‌تدارییه‌ی هه‌یه ‌و به‌ تێده‌په‌ڕینی قۆناغ و سه‌رده‌مه‌كان له‌سه‌ر ئاستی عێراق و ناوچه‌كه‌ به‌ بایه‌خ و گرینگییه‌وه‌ سه‌یر ده‌كرێ و بۆ كایه‌ی حكومڕانی و ئیداره‌كردنی ده‌وڵه‌ت به‌ هه‌ند هه‌ڵگیراوه‌ و بۆته‌ ئه‌زموونێك سوودی بۆ ئه‌وانی تریش له‌ عێراق و ناوچه‌كه‌ هه‌بووه‌.
ئێستا گه‌لی كوردستان له‌ دوای دیاریكردنی به‌ربژێره‌كانی پارتی دیموكراتی كوردستان بۆ سه‌رۆكی هه‌رێمی كوردستان و سه‌رۆكی حكوومه‌تی هه‌رێمدا له‌ چاوه‌ڕوانیی كوردستانێكی به‌هێزدایه‌، له‌ چاوه‌ڕوانیی هێنانه‌دی ئه‌و دروشمه‌یدایه‌ كه ‌به‌رنامه‌ی كاری حوكمداریی ده‌وڵه‌تی كوردستانه‌ و، پارتی بۆ هه‌ڵبژاردنی په‌رله‌مانی كوردستان له‌ 30 ی ئه‌یلوول بانگه‌شه‌ی پێكرد و تیایدا سه‌ركه‌وتنێكی مه‌زنی به ‌ده‌ست هێنا.
كوردستانێكی به‌هێز پاكێجی كاری ده‌وڵه‌داریی ئاینده‌ی ئه‌و كوردستانه‌یه‌ كه‌ پرۆسه‌ی ریفراندۆمی سه‌ربه‌خۆییی كوردستانی ئه‌نجام داوه‌ و، كاره‌ساتی 16ی ئۆكتۆبه‌ری داگیركردنی كه‌ركووكی بینیوه‌ و به‌ سه‌ركه‌وتنی پێشمه‌رگه‌ قاره‌مانه‌كانی پارتی و بارزانی له‌ داستانه‌كانی پردێ و سحێلا و مه‌حموودییه ‌و مه‌خموور شاد بۆته‌وه‌ و حكوومه‌تی هه‌رێمی كوردستان و ئه‌زموونی حوكمڕانیی ده‌وڵه‌تداری له‌ داگیركردن و  پرۆسه‌ی سیاسیی كوردستانی له‌ پاشكۆیه‌تی و توانه‌وه‌ له‌ نێو حوكم و هه‌ژموونی به‌غدا و نه‌جه‌ف و كوفه‌ رزگار كرد و وه‌ستانێكی به‌هێزیشی به‌ هه‌ژموون و ده‌ستی ده‌ره‌كی و ناوخۆییش كرد.  
ئێستا كوردستان پێ ده‌نێته‌ ساڵی تازه‌ی 2019، ساڵی ده‌وڵه‌ت و حكوومه‌تی به‌هێزی كوردی له‌ باشووری هه‌میشه‌ گڕگرتووی ته‌نراو به‌ چه‌ندین ئه‌گه‌ر و گریمانه‌ و نه‌خشه‌ و هاوكێشه‌ و به‌رنامه‌ی نه‌گۆڕ و گۆڕاوی ئه‌م و ئه‌وی ده‌ره‌كی و ناوخۆ، به‌ڵام له‌ دیدگا و نه‌خشه ‌و به‌رنامه‌ی و ئاینده‌ی سه‌رۆك بارزانی، ستراتیژیه‌تی باڵای نیشتیمانی و ناسیۆنالیستی كورد و كوردستانی له‌ پرنسیپه‌ نه‌گۆڕ و چه‌سپاوه‌كانن  ئه‌گه‌ر و گریمانه‌و  هاوكێشه‌ له‌ناكاوه‌كانی ئه‌م و ئه‌و و ئه‌وانیتریش نه ‌كاری سلبییان لێ ده‌كا نه‌ پێیان به‌رزه‌فت ده‌كرێ، مه‌گه‌ر كارت وه‌ك فاكته‌رێ سه‌رهه‌ڵبدا. له‌ ئه‌گه‌ری سه‌رهه‌ڵدانی ئه‌م فاكته‌ره‌ش براوه‌ی هه‌ر به‌هێز هه‌ر جه‌ماوه‌ر و گه‌لی كوردستان ده‌بێ.
ئێستا پارتی دیموكراتی كوردستان و سه‌رۆك بارزانی به ‌د‌یسپلین و پره‌نسیپه‌وه‌، هه‌ردوو پیاوه‌ شیاو و ئه‌زموونداره‌كانی نیچیرڤان بارزانی و مه‌سروور بارزانی بۆ جومگه‌ هه‌ره‌ باڵا و هه‌ستیاره‌كانی ده‌و‌ڵه‌تداری و حكومڕانی بۆ ئه‌و كوردستانه‌ی كه‌ كوردستانیان ده‌یانه‌وێت، به‌ربژێر و ده‌ستنیشان كردووه‌ و وا هه‌نگاو به ‌هه‌نگاو به‌ به‌رنامه‌ و نه‌خشه‌ی تۆكمه‌ی نه‌گوتراو و نه‌بینراوی میدیایی ده‌چێته‌ پێش.
له‌ كاتێكدا به‌رێزان نێچیرڤان بارزانی و مه‌سروور بارزانی سه‌رباری تایبه‌تمه‌ندیه‌تی كار و پێگه‌ی باڵایان له‌ نێو حوكمڕانیی حكوومه‌تی هه‌رێمی كوردستاندا، پشتگیریی ته‌واوی سه‌رۆك بارزانییان هه‌یه‌ و پشتئه‌ستووری ئه‌زموونی پارتی دیموكراتی كوردستانیشن له‌ پڕۆسه‌ی حوكمڕانیی ده‌وڵه‌تداری و سوود له‌ ئه‌زموونی گه‌لان و وڵاتانی پێشكه‌وتووی وه‌ك مالیزیای مه‌هاتێر محه‌مه‌د و، رووسیای سه‌رده‌می پووتین و مه‌دیڤێد وه‌رده‌گرن بۆ كوردستانێكی به‌هێز و حوكمه‌تێكی تۆكمه‌ی پته‌و  پیاوه‌ شیاوه‌كانی ده‌وڵه‌تداری ده‌بنه‌ ناونیشان و ناسنامه‌ی تازه‌ كوردستانێكی به‌هێزی تازه‌.





دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP