Kurdî  ■  كوردی  ■  عربي
TUE, 19 MAR 2019 13:46 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

واز لە كەركووكییەكان بێنن
| KDP.info


ئاریان فەرەج

سایتی خەبەریی (بۆڵتن نیوز)ی ئێرانی نووسیویەتی: میدیای پارتی وەك (میدیایەكی دوژمنكار) هەوڵ دەدات پێكەوەژیانی پێكهاتەكانی كەركووك تێك بدات. سایتی نێوبراو كە بە عەقڵیەتی دەستوەردان لە كاروباری وڵاتێكی دیكە، بێ پاساو خۆ لە كێشەی كەركووك هەڵدەقورتێنێ و داكۆكی لە داگیركاری و وەزعی بەزۆر سەپێندراوی سەر شارەكە دەكات، بەو لۆژیكە نامەشروعە، سوكایەتیی بە ئیرادەی خەڵكی عێراق و بەو چارەسەرە  دەستووریە دەكات كە نەك هەر كورد بەڵكو كۆی عێراقییەكان بۆ چارەسەری گرفتی كەركووك لە دەستووردا پەسەندیان كردووە. 

(بۆڵتن نیوز) دەبوا بزانێ كەركووك كێشەیەكی مێژووییە و زادەی ئەمڕۆ نییە، شارێكە بە سەنەدی مێژوویی و جوگرافی، بەشێكە لە كوردستان و سەدەیەكە رژێم دوای رژێم هەوڵی تەعریب و دابڕاندنی دەدەن و كوردیش كە شۆڕشی ئەیلوولی لەسەر دانا، مەحاڵە دەستی لێهەڵگرێ و بەو زوڵم و ناهەقییە قایل بێت. پێكەوەژیان و ئیستقڕاڕ لەو شارەدا تەنیا بە لابردنی ئەو زوڵمە و گێڕانەوەی حەق بۆ خاوەن حەق دێتەدی، خودا و دین و یاسایش پشتیوانی حەقن نەك ناهەقی.

ئەوەی پێكەوەژیان لە كەركووك دەشێوێنێ، دروشم و سیاسەتی پارتی نییە كە هەمیشە بە گوفتار و كردار تەئكیدی كردۆتەوە كە شاری هەموو نەتەوە و پێكهاتەكانە بەڵام بە ناسنامەیەكی كوردستانی، ئەوەی تەفرەقە دەنێتەوە داگیركاری و تەعریب و سەپاندنی ناسنامەیەكی نامۆ و نادیدەگرتنی ئیرادەی خەڵكەكەیەتی، ئەو ئیرادەیەی لە ریفرانۆمدا زۆر بە روونی تەعبیری لەخۆی كرد.

تا پێشمەرگە لە كەركووك بوون و دەیانپاراست، كۆی پێكهاتەكان دڵتەئمین بوون و هەم تەبایی بەرقەرار بوو، هەم دەستی داعشی لێ دوور بوو، ئێستا كە ژێردەستەی دۆخێكی داسەپاوی میلیشیایی و مەزهەبی و عەسكەرتارییە، هەم تەعریب و تەفرەقە و جیاكاریی مەزهەبی لە ئارادان و هەم مەترسیی داعشیش زیندوو بۆتەوە.

میدیای پارتی تەفرەقە نانێتەوە، بەڵكو داوای ئاساییكردنەوە و كۆتاییهێنان بەو رەوشە  نارەوا و داسەپاو و نادەستوورییە دەكات، كە گەر بەردەوام بێت، جگە لە تەفرەقە ئاكامێكی دیكەی نابێ. ئەوەی تەفرەقە دەنێتەوە و بێویژدانییە ناوهێنانی میدیای پارتییە بە دوژمنكار.

ئەوان گەر بە راستی لە خەمی پێكەوەژیانی پێكهاتەكانی كەركووك و عێراقدان، تەنیا ئەوەندە بەسە دەستتێوەردان و خۆهەڵقورتاندن لە كاروباری عێراق و كوردستان كۆتایی پێ بێنن، ئەوكات عێراقییەكان و كەركووكییەكان باش دەزانن چۆن پێكەوە بژین.

 




دوایین هەواڵەکان

لایەكی شەقامی 100 مەتریی هەولێر نۆژەن كرایەوە

TUESDAY, 19 MARCH 2019 11:03:16

ھەولێر-KDP.info- بە گوژمەی ٥٥٢ ملیۆن دینار و لەسەر ئەركی شارەوانیی ھەولێر، قیرتاوكردنی شەقامی ١٠٠ مەتریی شاری ھەولێر دەستی پێكرد، نۆژەنكردنەوەی شەقامەكەش بە سێ قۆناغ دەبێت و قۆناغی یەكەم لە شەقامی سەرەكیی شەقڵاوە تاوەكو شەقامی سەرەكیی كۆیە دەبێت.

 
چاوی بازرگانانی جیھان لەسەر ھەرێمی كوردستانە

TUESDAY, 19 MARCH 2019 11:03:00

ھەولێر-KDP.info- بەرپرسی راگەیاندنی ژووری بازرگانی گوتی، ئێستا دۆخی بازرگانی لە كوردستان گەیشتووەتە ئاستێكی زۆر بەرز و تەنیا لە ماوەی چوار مانگی ڕابردوودا ١٣ شاندی بیانی سەردانی ھەرێمی كوردستانیان كردووە و چەندین شاندی دیكەی بازرگانییش بەنیازن بێنە ھەرێمی كوردستان.

 
هەولێر ھەموو ئامادەكاریەكی كردووە بۆ جه‌ژنی نه‌ورۆز

TUESDAY, 19 MARCH 2019 10:03:27

ھەولێر-KDP.info- بەرپرسی راگەیاندنی پارێزگای ھەولێر دەڵێ، بڕیارە سبەی لە ھەولێر لە دوو شوێن ئاگری نەورۆز بكرێتەوە و بەرپرسانی حیزبی و حكوومی و نوێنەرانی وڵاتانیش، بۆ مەراسیمی ئاگركردنەوەكە بانگھێشت كراون.

 
ماڵپه‌ڕی KDP ئەو لیژنانەی سەرۆكایەتییەكەیان بەر پارتی دەكەوێت ئاشكرا دەكات

TUESDAY, 19 MARCH 2019 10:03:42

هەولێر-KDP.info- گوتەبێژی فراكسیۆنی پارتی لە پەرلەمانی كوردستان، ناوی ئەو لیژنانەی سەرۆكایەتییەكەیان بەر فراكسیۆنی پارتی دەكەوێت، بۆ ماڵپەری فەرمیی پارتی دیموكراتی كوردستان ئاشكرا دەكات و ڕایدەگەیەنێت، ئەمڕۆ دەستەی سەرۆكایەتیی سەرجەم لیژنەكان یەكلا دەكرێنەوە و رێككەوتنیشیان لەبارەوە كراوە.

 
شوانی بۆ KDP: هەرێم و بەغدا لەسەر بابەتی نەوت و دارایی كۆ ده‌بنەوە

TUESDAY, 19 MARCH 2019 10:03:24

هەولێر-KDP.info- سكرتێری ئەنجوومەنی باڵای ئابووری لە ئەنجوومەنی وەزیرانی هەرێم دەڵێ، ئابووریی هەرێم بەرەو باشتر دەچێ و تۆكمەتر دەبێت، بەم زووانەش شاندی هەرێم و بەغدا لەسەر بابەتی نەوت و دارایی كۆ دەبنەوە و گفتوگۆ لەگەڵ وەزارەتی نەوتی عێراق دەكرێت بۆ گەیشتن بە ڕێككەوتنێكی تازە.

 


 
© 2018 Kurdistan Democratic Party, KDP