Kurdî  ■  كوردی  ■  عربي
WED, 16 JAN 2019 18:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هێمن هەورامی: لەسەر بنەمای حکوومەتێکی بەهێز و خزمەتگوزار ڕێککەوتن دەکەین
| KDP.info


 

هەولێر-KDP.info-  فراکسیۆنی پارتی دیموکراتی کوردستان لە پرێسکۆنفرانسێک بۆ مێدیاکان، رایگەیاند، ئەوان لەگەڵ ئەوەدان حکوومەتێکی بەهێز و خزمەتگوزار لەگەڵ ئەو لایەنانەی لەگەڵیان رێک‌دەکەون، پێک‌بهێنن.


هێمن هەورامی ئەندامی پەرلەمانی کوردستان، بۆ مێدیاکان، گوتیشی: "ئێمە وەکو پارتی دیموکراتی کوردستان دەمانەوێت لەسەر بنەمای حکوومەتێکی بەهێز و خزمەتگوزار لەگەڵ ئەو لایەنانە بۆ حکوومەتی داهاتوو رێککەوین، نەک حکوومەتێکی لاواز".

هەورامی جەختیشی لە بێزاریی هاووڵاتیان کردەوە، کە لە ژاوەژاوی راگەیاندن هەراسان بوون و خواستیانە، حکوومەتێکی خزمەتگوزار بێتە ئاراوە.

سەبارەت بە لایەنە کوردستانییەکان و بەشدارپێکردنیان، ئاماژەی بەوەدا، هەر یەکە لە پارتی و یەکێتی و گۆڕان سێ هێزی یەکەم و دووەم و سێیەمن و ئەو ئەرکە زیاتر لەسەر شانی ئەوان دەبێت، نەیشاردەوە، کە وەکو پارتییش ڤیتۆیان لەسەر هیچ لایەنێک نییە، گوتیشی: "بەشێک لە لایەنەکان خۆیان رایانگەیاندووە، کە ئۆپۆزسیۆن دەبن".

هێمن هه‌ورامى سه‌رۆكى فراكسیۆنى پارتى دیموكراتى كوردستان له‌ په‌رله‌مانى كوردستان له‌و كۆنفڕناسە رۆژنامه‌وانییەدا بڕیارى دانانى به‌شى ڤى ئاى پى له‌ به‌ڕێوبه‌رایه‌تیى هاتوچۆى هه‌ولێر هێنایە بەر باس و گوتی، تا لێكۆڵینه‌وه‌یه‌كى ورد له‌و باره‌یه‌وه‌ ده‌كرێت و شێوازێكى دیكه‌ى بۆ ده‌دۆزرێته‌وه بڕیارەکە ڕاگیراوە‌.

 

گوتیشى: وه‌زیرى ناوخۆى حكوومه‌تى هه‌رێمى كوردستان روونكردنه‌وه‌ى له‌و باره‌یه‌وه‌ پێداون و ئاماژه‌ى بۆ ئه‌وه‌ كردووه‌، رۆژانه‌ 800 ئۆتۆمبێلى نوێ تۆمار ده‌كرێن و مامه‌ڵه‌ى 1500 هاووڵاتى جێبه‌جێ ده‌كرێت.

 

له‌ به‌شێكى دیكه‌ى كۆنفڕانسه‌ رۆژنامه‌وانییه‌كه‌یدا هێمن هه‌ورامى رایگه‌یاند، ئه‌مڕۆ سه‌رجه‌م په‌رله‌مانتارانى پارتى فۆرمى ده‌سته‌ى ده‌ستپاكییان پڕ كردووه‌ته‌وه‌ و راده‌ستى سه‌رۆكایه‌تىی په‌رله‌مان ده‌كرێت. 

 

خێڵان بەختیار
 




دوایین هەواڵەکان

دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 
دیندار زێباری: بە گوێرەی یاسا مامەڵە لەگەڵ دەستگیرکراوان کراوە

WEDNESDAY, 16 JANUARY 2019 15:01:59

هەولێر-KDP.info-   لە دوای هێرشی تیرۆریستانی داعش بۆ سەر چەند ناوچەیەکی کوردستان، بەردەوام لە چەند سەرچاوەیەکی نێودەوڵەتی و ناوخۆییەوە تۆمەتی مامەڵەی نەشیاو لەگەڵ دەستگیرکراوان دەخرێتە پاڵ دامودەزگاکانی حکوومەتی هەرێمی کوردستان؛ وەک هێشتنەوەی ڕاگیراوان بۆ ماوەیەکی زۆر بێ ئەوەی دادگایی بکرێن  و کەیسەکانیان یەکلا بکرێتەوە. د. دیندار زێباری، ڕێکخەری ڕاسپاردە نێودەوڵەتییەکانی حکوومەتی هەرێمی کوردستان سەبارەت بەم پرسە دەڵێ، بە گوێرەی یاسا مامەڵە لەگەڵ دەستگیرکراوان کراوە.

 
سه‌رۆک بارزانی به‌شداری له‌ پرسه‌ی مامۆستا محه‌مه‌د مه‌لا قادر کرد

WEDNESDAY, 16 JANUARY 2019 14:01:27

هەولێر-KDP.info-  سەرۆک بارزانی ئەمڕۆ لە هەولێری پایتەخت بەشداری لە مەراسیمی پرسەی مامۆستا محەمەد مەلا قادر کرد.



 
© 2018 Kurdistan Democratic Party, KDP