Kurdî  ■  كوردی  ■  عربي
MON, 10 DEC 2018 21:19 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كۆمەڵەی قوربانیان: قەرەبوو نەكرێینەوە، سكاڵا دژی بەغدا تۆمار دەكەین
| KDP.info


 

هەڵەبجە-KDP.info-  كۆمەڵەی قوربانیانی كیمیابارانی هەڵەبجە، نامەیەكی ئاڕاستەی فڕاكسیۆنە كوردییەكان لە ئەنجوومەنی نوێنەرانی عێراق كردووە و داوا دەكات، گوشار بخەنە ‌سەر حكوومەتی عێراق تا قەرەبووی كەسوكاری شەهید و بەركەوتووانی چەكی كیمیایی لە هەڵەبجە بكاتەوە، ئەگەرنا سکاڵا تۆمار دەکات. 

لە نامەكەی كۆمەڵەی قوربانیانی كیمیابارانی هەڵەبجەدا بۆ فڕاكسیۆنە كوردستانییەكان، كە وێنەیەكی بۆ ماڵپەڕی فەرمیی پارتی دیموكراتی كوردستان نێردراوە، هاتووە: "30 ساڵ بەسەر تاوانی كیمیابارانی هەڵەبجەدا تێپەڕ دەبێت كە (5000) شەهید و دەیان هەزار هاووڵاتی  بریندار بوون، هەریەكەیش لە شارەكانی هەڵەبجە و سیروان، خورماڵ و بیارە خاپوور كران، كە تا ئێستایش شوێنەواری چەكی كیمیایی بە ناوچەكەوە دیارە، لە هەڵمەتە دڕندانەكانی حكوومەتی ئەوكاتی عێراقدا، هاووڵاتییەكی زۆر بەدەم ئازار و كاریگەریی چەكی كیمیاییەوە دەناڵێنن، 13 ساڵیش تێپەڕ دەبێت بەسەر دادگاییكردنی تاوانباراندا، بەڵام هیچ قەرەبوویەكی  قوربانییەكان نەكراوەتەوە".

هەر لە نامەكەی كۆمەڵەی قوربانیانی كیمیابارانی هەڵەبجەدا، ڕوون كراوەتەوە: "ئەنجوومەنی نوێنەرانی عێراق لە ساڵی 2009 یاسای ژمارە 20 و، ساڵی 2016 یاسای ژمارە 16ی تایبەت بە قەرەبووكردنەوەی قوربانیانی جەنگ دەركرد، بەڵام نوێنەرانی كورد نەیانتوانی بەپێی ئەم یاسایە زیانلێكەوتووانی كوردستان قەرەبوو بكەنەوە، كەچی حكوومەتی عێراق قەرەبووی  قوربانیانی (دووجەیل) و ڕاپەڕینی (شەعبانییە)ی كردەوە".

كۆمەڵەی قەربانیان، لە نامەكەیدا بۆ نوێنەرانی كورد لە بەغدا دەڵێ: "داوا لە نوێنەرانی كورد لە بەغدا دەكەین گوشار بخەنە سەر حكوومەتی عێراق تاوەكو قەرەبووی زیانلێكەوتووانی هەڵەبجە بكاتەوە".

كۆمەڵەی قوربانیان هەڕەشەی تۆماركردنی سكاڵا دژ بە حكوومەتی عێراق دەكات و لە نامەكەدا هاتووە: "ئەگەر حكوومەتی عێراق قەرەبووی قوربانیانی كوردستان و هەڵەبجە نەكاتەوە، لە دادگای فیدڕاڵی سكاڵا دژی حكوومەتی عێراق تۆمار دەكەین".‌

هێڤیار هەڵەبجەیی




دوایین هەواڵەکان

ئەم مانگە کارەکانی نەخۆشخانەی پێشمەرگە کۆتاییان دێت

MONDAY, 10 DECEMBER 2018 18:12:51

ھەولێر-KDP.info- جێگری سوپاسالاری ھێزی پێشمەرگە لە وەزارەتی پێشمەرگەی حکوومەتی ھەرێمی کوردستان گوتی، بڕیارە لە وادەی دیاریکراوی خۆیدا نەخۆشخانەی پێشمەرگە تەواو بێت و دواتریش دەست بە دانانی پێداویستیی ناو نەخۆشخانەکە دەکرێت و تاوەکو سەرەتای مانگی چوار، ھێزی پێشمەرگە لەو نەخۆشخانەیە چارەسەری وەردەگرن.

 
پارتی ٦٦ ساڵەی دامەزراندنی یەکێتیی ئافرەتانی کوردستان پیرۆز دەکات

MONDAY, 10 DECEMBER 2018 18:12:33

هەولێر-KDP.info-  مەکتەبی سیاسی پارتی دیموکراتی کوردستان لە پەیامێکدا ٦٦ ساڵەی دامەزراندنی یەکێتیی ئافرەتانی کوردستانی پیرۆزدەکات و لە پەیامەکەدا هاتووە، توێژی ئافرەتان بەپێی ئەو پێگەوسەنگ و پانتاییەی هەیانە لە نێو كۆمەڵگەدا ئەرك و كارێكی چارەنووسسازیان لەئەستۆیە لەبواری پەروەردەوپێشكەوتنی كۆمەڵگە، بۆیە رۆڵی بەرپرسانەی ئێوەویەكێتیەكەتان هەمیشە گرنگ و كاریگەرە بەتایبەتیش لەو هەلومەرجەی ئەمڕۆماندا لەو جێگەوپێگەو بوارانەی بۆتان رەخساوە كاری تیابكەن بۆ داكۆكیكردن لە دەسكەوتەكانمان و پاراستنی ئەو ئەزموونەو كۆتاییهێنان بە كێشەوگیروگرفت و مەینەتیەكان.

 
فراکسیۆنی پارتی لەگەڵ کۆمەڵەی دۆستایەتیی ژاپۆن. کوردستان و کونسووڵی ئەڵمانیا کۆ بووەوە

MONDAY, 10 DECEMBER 2018 17:12:45

هەولێر -KDP.info- سەرۆکی فراکسیۆنی پارتی لە پەرلەمانی کوردستان لە دوو دیداری جودادا لەگەڵ کونسووڵی ئەڵمانیا و کۆمەڵەی دۆستایەتیی ژاپۆن- کوردستان کۆ بووەوە.

 
ئەمەریکا ھۆشداری دەدات لە مەترسیی ڕەوشی عێراق

MONDAY, 10 DECEMBER 2018 16:12:25

هەولێر-KDP.info- باڵیۆزخانەی ئەمەریکا لە عێراق ھۆشداری دەدات لەبارەی تێکچوونی ڕەوشی ئەمنیی عێراق و مامۆستایەکی زانکۆش پێی وایە، مەترسی ھەیە ڕەوشەکە ئاڵۆزیی زیاتر بە خۆیەوە ببینێت و پەیامەکەی ئەمەریکاش ھەڕەشەیە لە ھەندێ لایەنی عێراقی.

 

شارەزایان: بەغدا و هەولێر دەیانەوێ لەسەر نەوت ڕێک بکەون

MONDAY, 10 DECEMBER 2018 15:12:00

هەولێر-KDP.info- هەنگاوەكانی هەرێمی كوردستان بۆ پەرەپێدانی بواری نەوت بەردەوامە و شارەزایان ئاماژە بە گرنگیی داهاتووی هەناردەكردنی نەوت لە كوردستانەوە بۆ دەرەوەی وڵات دەدەن و پێشیان وایە كە كوردستان دەتوانێت بەرێككەوتن لەگەڵ بەغدا گرفتەكان چارە بكات، بە تایبەت پرسی هەناردەی نەوتی كەركووك لە ڕێگای كوردستانەوە.

 



 
© 2018 Kurdistan Democratic Party, KDP