Kurdî  ■  كوردی  ■  عربي
SUN, 21 APR 2019 20:07 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سەرۆك بارزانی پێشوازی لە وەزیری دەرەوەی لوبنان و شاندی یاوەری کرد
| KDP.info


هەولێر-KDP.info-  سەرۆك بارزانی پێشوازی لە وەزیری دەرەوەی لوبنان و شاندی یاوەری كرد و لە دیدارەکەدا وەزیری دەرەوەی لوبنان سوپاسی هەرێمی كوردستانی كرد كە ئاسانكاریی تەواویان بۆ كۆمپانیا و هاووڵاتیانی لوبنانی فەراهەم كردووە و ئامادەیی وڵاتەكەیشی ڕاگەیاند بۆ پەرەپێدانی پەیوەندییە سیاسی و ئابووری و فەرهەنگییەكانی نێوان هەردوولا و هەروەها هاوكاری و لەیەكنزیكبوونەوەی زانكۆ و ناوەندە زانستییەكانی لوبنان و هەرێمی كوردستان.


ڕۆژی سێشەممە 4ـی 12ـی 2018 لە سەلاحەددین سەرۆك مەسعوود بارزانی پێشوازی لە شاندێكی باڵای حكوومەتی لوبنان بە سەرۆكایەتیی جوبران باسیل وەزیری دەرەوەی لوبنان كرد.
یاوەرانی وەزیری دەرەوەی لوبنان، وەزیری ڕووبەڕووبوونەوەی گەندەڵی و ژمارەیەك گەورە ڕاوێژكاری حكوومەتی لوبنانی بوون.
لە دیدارەكەدا وەزیری دەرەوەی لوبنان پیرۆزبایی سەركەوتنەكانی هێزی پێشمەرگەی لەدژی تیرۆریستانی داعش لە سەرۆك بارزانی كرد و پێزانینی هەبوو بۆ قوربانیدانی خەڵكی كوردستان لە شەڕی تیرۆریستان. هەروەها سوپاسی هەرێمی كوردستانی كرد كە ئاسانكاریی تەواویان بۆ كۆمپانیا و هاووڵاتیانی لوبنانی فەراهەم كردووە و ئامادەیی وڵاتەكەیشی ڕاگەیاند بۆ پەرەپێدانی پەیوەندییە سیاسی و ئابووری و فەرهەنگییەكانی نێوان هەردوولا و هەروەها هاوكاری و لەیەكنزیكبوونەوەی زانكۆ و ناوەندە زانستییەكانی لوبنان و هەرێمی كوردستان.
لای خۆیەوە سەرۆك بارزانی بە گەرمی بەخێرهاتنی شاندی میوانی كرد و خۆشحاڵیی خۆیشی بۆ فراوانكردنی پەیوەندییەكان لە بوارە جیاجیاكانی نێوان هەردوولا نیشاندا.
هەر لەو كۆبوونەوەیەدا ڕووبەڕووبوونەوەی هزری تیرۆر و هەروەها قووڵكردنەوەی فەرهەنگی پێكەوەژیان و یەكترقبوڵكردن تاوتوێ كرا و سەرۆك بارزانی ڕۆشنایی خستەسەر فەرهەنگی دێرینی گەلی كوردستان كە بە هیچ شێوەیەك حەساسیەتی ئایینی ومەزهەبی و نەتەوەیی لە بەرانبەر پێكهاتەكان نییە و ڕایگەیاند كۆمەڵگەی كوردستانی هزری تیرۆر و ئینكار ڕەت دەكاتەوە.
لەبارەی بارودۆخی ئاوارەكان و ئاوەدانكردنەوەی ناوچە زیانلێكەوتووەكانی شەڕی داعش سەرۆك بارزانی ڕایگەیاند كە كۆمەڵگەی نێودەوڵەتی لە یارمەتیدانی ئاوارە و پەنابەران لە هەرێمی كوردستان كەمتەرخەم بووە.
بارودۆخی سیاسیی عێراق و پەیوەندییەكانی نێوان هەرێم و بەغدا تەوەرێكی تری ئەو دانیشتنە بوو.




دوایین هەواڵەکان

گۆڕان: لە ماوەیەکی نزیکدا حکوومەت پێک دەهێنرێت..پابەندی رێککەوتنەکەمانین لەگەڵ پارتی

SUNDAY, 21 APRIL 2019 18:04:52

هەولێر-KDP.info-  ئەندامێکی شاندی دانوستانکاری پێکهێنانی حکوومەت لە بزووتنەوەی گۆڕان ڕایگەیاند، ئەوان لەگەڵ پارتی لە گفتوگۆدان بۆ گەیشتن بە قۆناغی دواییی پێکهێنانی حکوومەتی نوێی هەرێمی کوردستان.

 
راگەیاندنی پارتی پەیامێکی پیرۆزبایی بەبۆنەی ساڵیادی رۆژنامەگەری کوردی راگەیاند

SUNDAY, 21 APRIL 2019 18:04:02

هەولێر-KDP.info-   دەزگای رۆشنبیریی و راگەیاندنی پارتی دیموكراتی كوردستان بەبۆنەی (121)یەمین ساڵیادی رۆژنامەگەریی كوردی پەیامێکی پیرۆزبایی راگەیاند کە ئەمە دەقەکەیەتی:

"کۆمەڵێک بازرگانی کورد یاوەری عادل عەبدولمەهدی بوون بۆ سعوودیە"

SUNDAY, 21 APRIL 2019 17:04:44

بەغدا-KDP.info-  ئەندامێکی ئەنجوومەنی نوێنەرانی عێراق لە فراکسیۆنی پارتی دەڵێ، کۆمەڵێک بازرگانی کوردیش لەگەڵ سەرۆکوەزیرانی عێراقی فیدراڵ سەردانی سعوودیایان کردبوو.

 
"ژاپۆن دەیەوێ ئەزموونی خۆی بگوازێتەوە ھەرێمی کوردستان"

SUNDAY, 21 APRIL 2019 17:04:00

هەولێر-KDP.info-  سەرۆکی ڕێکخراوی کوردی_ژاپۆنی، ئاماژەی بۆ ئەوە کرد، بڕیارە ژمارەیەک کۆمپانیای ژاپۆنی بۆ کارکردن بێنە ھەرێمی کوردستان و دەشڵێت، ژاپۆن دەیەوێ ھەرێمی کوردستان سوود لە ئەزموونە پێشکەوتووەکەیان وەربگرێت.

 
شاندێکی پەرلەمانی کوردستان لە بەغدا لەگەڵ نوێنەری پەرلەمانی وڵاتانی دراوسێ کۆوونەوە

SUNDAY, 21 APRIL 2019 17:04:40

هەولێر-KDP.info-  سه‌رۆكی لێژنه‌ی په‌یوه‌ندییه‌كانی ده‌ره‌وه‌ و ڕه‌وه‌ندی كورد له‌ په‌رله‌مانی كوردستان ئاماژه‌ به‌وه‌ ده‌كات كه‌ شاندێكی په‌رله‌مانی كوردستان له‌ به‌غدا به‌شداریی له‌ كۆڕبه‌ندێكی گه‌وره‌ی ناوچه‌كەدا‌ كردووه‌ و له‌وێش دیداری گرنگ ئه‌نجام دراوه‌.

 


 
© 2018 Kurdistan Democratic Party, KDP