Kurdî  ■  كوردی  ■  عربي
TUE, 20 AUG 2019 09:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

د. مەحموود عوسمان: ھەنگاوی پارتی بۆ پێکھێنانی حکوومەتی زۆرینە زۆر باشە و دروستە
| KDP.info


ھەولێر-KDP.info- سیاسەتمەدارێکی کورد دەڵێ، ئەوەی گرینگە کاندیدانی سەرۆکی حکوومەت و ھەرێم لە ژێر ڕێنماییی سەرۆک بارزانی دەبن و سەرۆک بارزانی سەردانی بەغدای کردووە و دەیەوێت لە ناوخۆش کێشەکان چارە بکات.

سیاسەتمەداری کورد، د. مەحموود عوسمان، بە ماڵپەڕی فەرمیی پارتی دیموکراتی کوردستانی ڕاگەیاند: "پارتی دیموکراتی کوردستان کاندیدانی خۆی بۆ پۆستی سەرۆکی ھەرێم و حکوومەت دیاری کردووە و پێویستە دانوستان لە نێوان لایەنەکاندا دەست پێ بکات بۆ ئەوەی بگەنە ڕێککەوتن، ھەم لەسەر پۆستەکان و ھەمیش لەسەر بەرنامەی حکوومەت و بە شێوەیەک بتوانن حکوومەتی نوێ دروست بکەن و پرسی سەرۆکایەتیی ھەرێمیش لە پەرلەمان بڕیاری لێ بدرێت، کە لە ناو پەرلەمان ھەڵبژێردرێت، یان لە ناو خەڵک."

د. مەحموود عوسمان گوتیشی: "ئەوەی گرینگیشە ئەوەیە کە ئەگەر مەسروور بارزانی بێت، یان نێچیرڤان بارزانی بە ڕێنماییی سەرۆک بارزانی کار دەکەن و سیاسەتی ئەویش ڕوونە و سەردانی بەغدای کردووە و دەیەوێت لە ناوخۆش کێشەکان چارەسەر بکات و خۆیشیان وەکو کەسایەتی ڕۆڵی خۆیان دەبینن."

د. مەحموود باسی لەوەش کرد: "من بە ھیچ شێوەیەک لەگەڵ حکوومەتی بنکەفراوان نیم و پێویستە حکوومەتی زۆرینە دروست بکرێت، لە ڕابردوو حکوومەتی بنکەفراوان ھەڵە بوو، چونکە ناکرێ ھەموو خەڵک لە ناو حکوومەت بێت و پێویستە خەڵکانێک ئۆپۆزیسیۆن بن بۆ ئەوەی چاودێریی حکوومەت بکەن، چونکە سیستەمی پەرلەمانی پێویستە ئۆپۆزیسیۆنی ھەبێت، بۆیە ئەو ھەنگاوەی پارتی لەوبارەیەوە دەینێت دروستە و زۆر باشە کە باس لە پێکھێنانی حکوومەتی زۆرینە دەکات."

ئەو سیاسەتمەدارەی کورد ئەوەیشی خستە ڕوو: "حکوومەتی داھاتوو یەکێتی تێیدا بەشدار دەبێت و جارێ دیار نییە کە گۆڕانیش بەشدار دەبێت، یان نا، بەڵام ئەوەی بەشداری بێت پێویستە پابەندی بەرنامەی حکوومەت بێت و نابێ لە ناو حکوومەتیشدا بن و دژایەتیشی بکەن، بۆیە پێویستە پشتگیری لە سیاسەتی حکوومەت بکەن، ئەگەرنا باببنە ئۆپۆزیسیۆن، بۆیە پێویستە پارتی ئەمە بکاتە مەرج کە ئەمجارە ئەوەی بەشدار بێت پێویستە بەرپرسیارەتی ھەڵگرێت."

بڵند ئیبراھیم

 




دوایین هەواڵەکان

راگەیەندراوێک لە حکومەتی هەرێمی کوردستانەوە

MONDAY, 19 AUGUST 2019 19:08:18

هەولێر-KDP.info-  گوتەبێژی حکومەتی هەرێمی کوردستان له‌ راگه‌یه‌ندراوێكدا، داوا لە حکومەتی تورکیا و چەکدارانی پەکەکە دەکات نەبنە هۆی زیانگەیاندن بە هاووڵاتیانی هەرێمی کوردستان.

ڕێکخەری ڕاسپاردە نێودەوڵەتییەکان: لە هەرێم چەندین هاووڵاتیی بیانی بە تۆمەتی پەیوەندیکردنیان بە تیرۆرەوە دەستگیر کراون

MONDAY, 19 AUGUST 2019 16:08:11

هه‌ولێر-KDP.info- لە ئەنجامی هێرشی تیرۆریستانی داعش بۆ سەر چەند ناوچەیەکی کوردستان سەدان هەزار کەس لەو ناوچانە کە کەوتبوونە ژێردەسەڵاتی داعش ڕوویان لە هەرێمی کوردستان کرد، لەو کاتەدا جیاکردنەوەی هاووڵاتیانی ئاسایی و ئەوانەی پەیوەندییان بە داعشەوە هەیە کارێکی ئاسان نەبوو و ئاستەنگی زۆری بۆ لایەنە ئەمنییەکان دروست دەکرد. بۆیە ڕێوشوێنی ئەمنی گیراوەتە بەر بۆ پاراستنی سەلامەتیی هاووڵاتیان و خودی ئاوارەکان و ڕێگانەدان بە دزەکردنی تیرۆریستان بۆ نێو هاووڵاتیان بۆ پاراستنی سەروماڵی هاووڵاتیانی هەرێم بە ئاوارەکانیشەوە، لە میانەی ئەم ڕێوشوێنانەدا لە لایەن دەزگا ئەمنییەکانی حکوومەتی هەرێمی کوردستانەوە چەندین کەس بە تۆمەتی پەیوەندییان بە داعشەوە دەستگیر کران.

 

مەیادە نەجاڕ: بەبێ جێگیرکردنی داخوازییەکانی ھەرێم ڕێگە نادەین بودجە تێپەڕێت

MONDAY, 19 AUGUST 2019 16:08:14

بەغدا -KDP.info- پەرلەمانتارێکی پارتی لە بەغدا پێی وایە دەنگدان لەسەر پڕۆژەیاسای بودجە پێویستی بە ڕێککەوتن لە نێوان ھەرێم و بەغدادا ھەیە. دەشڵێ، بەبێ جێگیرکردنی داخوازییەکانی ھەرێمی کوردستان ڕێگە نادەن پڕۆژەیاسای بودجەی عێراق تێپەڕێت.

 

تۆماركردنی سكاڵا له‌ هه‌رێمی كوردستان ده‌كرێته‌ ئه‌لكترۆنی

MONDAY, 19 AUGUST 2019 13:08:25

هه‌ولێر-KDP.info-  گوته‌بێژی ده‌سته‌ی سه‌ربه‌خۆی مافی مرۆڤ له‌ هه‌رێمی كوردستان دەڵێ، له‌مه‌ودوا هاووڵاتیانی هه‌رێمی كوردستان له‌ هه‌ر شوێنێك بن، ده‌توانن له ‌رێگه‌ی ئه‌لكترۆنی و ‌سایتی ده‌سته‌ی سه‌ربه‌خۆی مافی مرۆڤ سكاڵا تۆمار بكه‌ن، دواتریش هه‌ر له‌رێگه‌ی ئه‌لكترۆنی ئه‌نجامی سكاڵاكه‌یان بۆ ره‌وانه‌ ده‌كرێتە‌وه. 

 
پەرلەمانتارێکی پارتی"سبەی پەرلەمانی کوردستان لەبارەی پڕۆژە یاسای خانووی زێدەڕۆ کۆدەبێتەوە"

MONDAY, 19 AUGUST 2019 12:08:46

ھەولێر-KDP.info-بڕیارە سبەی لیژنەی شارەوانییەکان لە پەرلەمانی کوردستان سەبارەت بە پڕۆژە یاسای خانووە زێدەڕۆکان کۆببێتەوە و پەرلەمانتارێکی پارتیش دەڵێ، پێداچوونەوە بە نرخی تاپۆکردنی خانووەکان دەکەین بەشێوەیەک رەوشی ئابووری خەڵکی ھەژار لەبەربەرچاو بگیرێت.

 



 
© 2018 Kurdistan Democratic Party, KDP