Kurdî  ■  كوردی  ■  عربي
FRI, 24 MAY 2019 14:45 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

کۆبیچ: لە ئەورووپا و لە ڕۆژئاوادا بە چاوێكی بەرز سەیری پێگە و مێژوو و خەباتی سەرۆك بارزانی و خانەوادەی بارزانی دەكرێت
| KDP.info


هەولێر-KDP.info-  سەرۆك بارزانی پێشوازی لە نوێنەری تایبەتی سكرتێری گشتیی ڕێكخراوی نەتەوە یەكگرتووەكان  كرد و یان کۆبیچ لە دیدارەکەدا رایگەیاند، كە لە ئەورووپا و لە ڕۆژئاوادا بە چاوێكی بەرز سەیری پێگە و مێژوو و خەباتی سەرۆك بارزانی و خانەوادەی بارزانی دەكرێت.

 

ڕۆژی سێشەممە 4ـی 11ـی 2018 لە سەلاحەددین سەرۆك مەسعوود بارزانی پێشوازی لە یان كۆبیچ نوێنەری تایبەتی سكرتێری گشتیی ڕێكخراوی نەتەوە یەكگرتووەكان كرد.

لەو دیدارەدا كە نوێنەری تایبەتی سكرتێری گشتیی ڕێكخراوی نەتەوە یەكگرتووەكان بەبۆنەی كۆتایهاتنی ئەركەكانی لە عێراق و ماڵئاواییكردن، سەردانی سەرۆك بارزانیی كردبوو سوپاسی سەرۆك بارزانی و حكوومەتی هەرێمی كرد كە لەماوەی كاركردنیدا پشتیوان و هاوكاری بوونە و هەروەها پێزانینی بۆ ڕۆڵ و پێگەی سەرۆك بارزانی هەبوو و ڕایگەیاند كە لە ئەورووپا و لە ڕۆژئاوادا بە چاوێكی بەرز سەیری پێگە و مێژوو و خەباتی سەرۆك بارزانی و خانەوادەی بارزانی دەكرێت.

لە بەشێكی تری ئەو دیدارەدا نوێنەری تایبەتی سكرتێری گشتیی ڕێكخراوی نەتەوە یەكگرتووەكان ڕۆشنایی خستەسەر پڕۆسەی سیاسیی عێراق و سەردانی سەرۆك بارزانیی بۆ بەغدا بە گرنگ و ئیجابی وەسف كرد و ئاماژەیشی بەوەدا كە ئەو سەردانە لە لایەن عێراقییەكانەوە بە وەرچەرخانێك بۆ چارەسەركردنی كێشەكان و مایەی ئومێد لە قەڵەم دراوە و بە پێویستیشی زانی ئەو دەرفەتەی كە لەدوای سەردانی سەرۆك بارزانی بۆ بەغدا هاتووەتە ئارا بقۆزرێتەوە و بەغدایش وەڵام و هەنگاوی ئیجابی بهاوێژێت لەبارەی سنوور و نەوت و كێشەكانی تری نێوان هەرێم و بەغدا. هەروەها پیرۆزبایی بڕیارەكەی پارتی دیموكراتی كوردستانی كرد لە دیاریكردنی كاندید بۆ پۆستی سەرۆكی هەرێم و سەرۆكی حكوومەتی داهاتووی كوردستان و دووپاتیشی كردەوە كە حكوومەتی ئایندەی كوردستان حكوومەتێكی كارا و بەهێز دەبێت.

لای خۆیەوە سەرۆك بارزانی سوپاسی ئەرك و ماندووبوونەكانی نوێنەری تایبەتی سكرتێری گشتیی ڕێكخراوی نەتەوە یەكگرتووەكانی كرد و هیوای سەركەوتنی بۆ خواست. لەبارەی پەیوەندییەكانی هەرێم و بەغدا و سەردانەكەی بۆ بەغدا، سەرۆك بارزانی جەختی لەوە كردەوە كە لە گشت قۆناغەكاندا پەیامی ئێمە پەیامی ئاشتی و دیالۆگ و لێكتێگەییشتن بووە بۆ چارەسەری كێشەكان و لەدوای هەڵبژاردنەكانی عێراق و پێكهاتنی حكوومەتی تازە كەشوهەوایەكی تازە و ئومێدێكی نوێ دروست بووە و بۆ چارەسەركردنی كێشەكانیش پێویستە قەناعەت بە دیالۆگ و زمانی ئاشتی هەبێت و لە هەمانكاتیشدا نیازپاكی بۆ چارەسەر هەبێت. دیالۆگ و ئاشتیخوازیی ئێمەیەش نابێ لەسەر حسابی پڕەنسیپ و بابەتە ستراتیژییەكانی ئێمە بێت.

سەرۆك بارزانی لە درێژەی وتەكانیدا پاڵپشتیی خۆی بۆ حكوومەتی عادل عەبدولمەهدی دووپات كردەوە و هیوای ئەوەی خواست كە ئەو حكوومەتە بتوانی كێشەكان چارەسەر بكات و خزمەتگوزاری پێشكەشی خەڵك بكات. لەبارەی حكوومەتی ئایندەی هەرێمیش سەرۆك بارزانی ئەوەی دووپات كردەوە كە دروشمی ئێمە كوردستانێكی بەهێزە و لەوە دڵنیاین كە حكوومەتی ئایندە حكوومەتێكی بەهێز دەبێ و لە خزمەتی خەڵك دەبێت و خەڵكی كوردستانیش پێشوازی لە بڕیارەكانی پارتی كردووە بۆ دیاریكردنی هەردوو كاندیدی سەرۆكی هەرێم و سەرۆكی حكوومەت.


 




دوایین هەواڵەکان

نووسینگەی ڕاگەیاندنی بارەگای بارزانی ڕوونکردنەوەیەک بڵاوده‌كات

THURSDAY, 23 MAY 2019 23:05:13
ڕوونکردنەوەیەک لە نووسینگەی ڕاگەیاندنی بارەگای بارزانی
 
حه‌فته‌ى داهاتوو په‌رله‌مان ده‌نگ بۆ سه‌رۆكى هه‌رێمى كوردستان ده‌دات

THURSDAY, 23 MAY 2019 17:05:15

هه‌ولێر-KDP.info- سه‌رۆكى فراكسیۆنى زه‌رد له‌ په‌رله‌مانى كوردستان ده‌ڵێ، هه‌موو ئاماده‌كارییه‌ك بۆ هەڵبژاردنى سه‌رۆكى هه‌رێمى كوردستان كراوه‌ و ناوه‌ڕاستى حه‌فته‌ى داهاتوو دانیشتنى په‌رله‌مان بۆ ئه‌م پرۆسه‌یه‌ به‌ڕێوه‌ ده‌چێت و په‌رله‌مان ده‌نگ بۆ سه‌رۆكى هه‌رێمى كوردستان ده‌دات.

"بە نه‌بوونی پێشمه‌رگه‌ له‌ ناوچه‌ کوردستانییەکاندا داعش سه‌ری هه‌ڵداوه‌ته‌وه‌"

THURSDAY, 23 MAY 2019 16:05:22

ناوچە کوردستانییەکان -KDP.info- تیرۆریستانی داعش له‌ ناوچه‌ کوردستانییەکانی ده‌ره‌وه‌ی ئیداره‌ی هه‌رێمی كوردستان دەستیان بە جووڵه‌ی تیرۆریستی و سووتاندنی كشتوكاڵی جووتیاران و وه‌رگرتنی سه‌رانه‌ی له ‌هاووڵاتییان كردووه‌ته‌وه. شاره‌زایه‌كی گرووپه‌ ئیسلامییه‌ تونده‌ڕۆ‌كانیش ده‌ڵێ، موخابه‌راتی وڵاتان به‌ مه‌به‌ستی خۆیان داعش بەكار ده‌هێنن، نه‌بوونی پێشمه‌رگه‌ش له ‌ناوچه‌ كوردستانییه‌كان ڕێگه‌خۆشكه‌ر بووه‌ بۆ سه‌رهه‌ڵدانه‌وه‌ی داعش.

لیوا بابەکر: ئەو شوێنانە لە ناوچە کوردستانییەکان دیاری کراون کە پێشمەرگە تێیدا جێگیر دەکرێت

THURSDAY, 23 MAY 2019 16:05:14

هەولێر-KDP.info- دانوستان لە نێوان ھەردوو وەزارەتی پێشمەرگە و بەرگریی عێراقدا لەبارەی ڕەوشی ئەمنییەوە بەردەوامە و، بەرپرسێکی وەزارەتی پێشمەرگەش ئاشکرای کرد، بەردەوام زانیاریگۆڕینەوە لەسەر داعش ھەیە و شوێنیش بۆ گەڕانەوەی پێشمەرگە دیاری کراوە، بەڵام بڕیاری کۆتایی ماوە.

عەبدوڵڵا گەدۆ: بەهۆی ناکۆکییەکانەوە ناوچەی ئارام دیاری نەکراوە

THURSDAY, 23 MAY 2019 16:05:38

ڕۆژئاوای کوردستان -KDP.info- ئەمەریکا چەندین جارە دووپاتی دەکاتەوە کە دەبێ ناوچەیەکی ''ئارام'' لە سووریا دیاری بکرێت، بەڵام شێواز و چۆنیەتیی بەڕێوەبردنی ئەو ناوچەیەی دیار نەکردووە. سیاسەتمەدارێکی دیاری ڕۆژئاوای کوردستانیش دەڵێت، ئەمەریکا دەیەوێ هاوسەنگیی سیاسیی خۆی لە ڕۆژئاوا بپارێزرێت، بۆیە هەنگاوەکانی دیاریکردنی ناوچەی ئارام هەڵناگیرێن.



 
© 2018 Kurdistan Democratic Party, KDP