Kurdî  ■  كوردی  ■  عربي
MON, 10 DEC 2018 21:17 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی کاندیدانی بۆ پۆستەکانی سەرۆکایەتیی هەرێم و حکوومەت یەکلا کردەوە
| KDP.info



هەولێر-KDP.info-  پارتی دیموکراتی کوردستان، کاندیدانی خۆی بۆ پۆستەکانی سەرۆکایەتیی هەرێم و حکوومەت یەکلا کردەوە.

ئەمڕۆ دووشەممە، بە سەرپەرشتیی سەرۆک مەسعوود بارزانی کۆبوونەوەی ئەنجوومەنی سەرکردایەتیی پارتی دیموکراتی کوردستان بەڕێوە چوو؛ لە کۆبوونەوەکەدا بڕیار درا، بە دیاریکردنی نێچیرڤان بارزانی بۆ پۆستی سەرۆکی هەرێمی کوردستان  مەسروور بارزانی بۆ سەرۆکایەتیی کابینەی نوێی حکوومەتی هەرێم.

مەحموود محەممەد، گوتەبێژی فەرمیی پارتی دیموکراتی کوردستان، لە پرێسکۆنفرانسێکدا بۆ مێدیاکان، ناوەرۆکی کۆبوونەوەی ئەنجوومەنی سەرکردایەتیی پارتی باس کرد، کە تێیدا چەند تەوەرێکی گرینگ باس کراون، وەک پێکهێنانی لیژنە و دەستپێکردنەوەی گفتوگۆ لەگەڵ لایەنەکان بە مەبەستی پێکهێنانی کابینەی نوێی حکوومەتی هەرێمی کوردستان.
محەممەد جەختی لەوە کردەوە، کە لە کاتی بانگەشەی هەڵبژاردندا پارتی بەڵێنی بە خەڵکی داوە، لە چوار ساڵی داهاتوودا کار بۆ وەدیهێنانی بەڵێنەکانی دەکات، بە سەقامگیریی سیاسی ئەویش لەگەڵ ئەو لایەنانەی کە خواستی سەقامگیرییان لە کوردستاندا هەیە.

 

گوتەبێژی پارتی دیموکراتی کوردستان گوتی: "پێویستمان بە ئاڵوگۆڕ ھەیە، کە چاککردنی بژێوی خەڵک لە ئاست ئەم قۆناغەدا بێت. رووداوی گەورە روویان داوە و یا روو دەدەن."

 محەممەد گوتیشی، کە لە چەند رۆژی داهاتوودا گفتوگۆ دەکەن لەگەڵ لایەنەکان و لیژنەش پێک‌ھێنراوە، ئازاد بەرواری، مەحموود محەممەد، هۆشیار زێباری، جەعفەر ئێمنکی، ھێمن ھەورامی، دڵشاد شه‌هاب و فەرسەت سۆفی ئەنامانی لیژنەکەن. 

وەک مەحموود محەممەد ئاماژەی دا، قسەی لەسەر ئەوە نەکراوە کە سەرۆکوەزیران چەند جێگری دەبێت و، "ئێمە لەگەڵ ھەموو لایەنەکان بە یەک پاکێج قسە دەکەین، تەسەور دەکەم پپێکھێنانی حکوومەت ھێندە ئەستەم نەبێت، ھەر لایەنێک ئامادەیی بووبێ یا ئەو لایەنانەش مەرجیان ھەبووبێ، ئەوا پێداچووەنەوە و ھەڵسەنگاندنی بۆ دەکەین."

 




دوایین هەواڵەکان

ئەم مانگە کارەکانی نەخۆشخانەی پێشمەرگە کۆتاییان دێت

MONDAY, 10 DECEMBER 2018 18:12:51

ھەولێر-KDP.info- جێگری سوپاسالاری ھێزی پێشمەرگە لە وەزارەتی پێشمەرگەی حکوومەتی ھەرێمی کوردستان گوتی، بڕیارە لە وادەی دیاریکراوی خۆیدا نەخۆشخانەی پێشمەرگە تەواو بێت و دواتریش دەست بە دانانی پێداویستیی ناو نەخۆشخانەکە دەکرێت و تاوەکو سەرەتای مانگی چوار، ھێزی پێشمەرگە لەو نەخۆشخانەیە چارەسەری وەردەگرن.

 
پارتی ٦٦ ساڵەی دامەزراندنی یەکێتیی ئافرەتانی کوردستان پیرۆز دەکات

MONDAY, 10 DECEMBER 2018 18:12:33

هەولێر-KDP.info-  مەکتەبی سیاسی پارتی دیموکراتی کوردستان لە پەیامێکدا ٦٦ ساڵەی دامەزراندنی یەکێتیی ئافرەتانی کوردستانی پیرۆزدەکات و لە پەیامەکەدا هاتووە، توێژی ئافرەتان بەپێی ئەو پێگەوسەنگ و پانتاییەی هەیانە لە نێو كۆمەڵگەدا ئەرك و كارێكی چارەنووسسازیان لەئەستۆیە لەبواری پەروەردەوپێشكەوتنی كۆمەڵگە، بۆیە رۆڵی بەرپرسانەی ئێوەویەكێتیەكەتان هەمیشە گرنگ و كاریگەرە بەتایبەتیش لەو هەلومەرجەی ئەمڕۆماندا لەو جێگەوپێگەو بوارانەی بۆتان رەخساوە كاری تیابكەن بۆ داكۆكیكردن لە دەسكەوتەكانمان و پاراستنی ئەو ئەزموونەو كۆتاییهێنان بە كێشەوگیروگرفت و مەینەتیەكان.

 
فراکسیۆنی پارتی لەگەڵ کۆمەڵەی دۆستایەتیی ژاپۆن. کوردستان و کونسووڵی ئەڵمانیا کۆ بووەوە

MONDAY, 10 DECEMBER 2018 17:12:45

هەولێر -KDP.info- سەرۆکی فراکسیۆنی پارتی لە پەرلەمانی کوردستان لە دوو دیداری جودادا لەگەڵ کونسووڵی ئەڵمانیا و کۆمەڵەی دۆستایەتیی ژاپۆن- کوردستان کۆ بووەوە.

 
ئەمەریکا ھۆشداری دەدات لە مەترسیی ڕەوشی عێراق

MONDAY, 10 DECEMBER 2018 16:12:25

هەولێر-KDP.info- باڵیۆزخانەی ئەمەریکا لە عێراق ھۆشداری دەدات لەبارەی تێکچوونی ڕەوشی ئەمنیی عێراق و مامۆستایەکی زانکۆش پێی وایە، مەترسی ھەیە ڕەوشەکە ئاڵۆزیی زیاتر بە خۆیەوە ببینێت و پەیامەکەی ئەمەریکاش ھەڕەشەیە لە ھەندێ لایەنی عێراقی.

 

شارەزایان: بەغدا و هەولێر دەیانەوێ لەسەر نەوت ڕێک بکەون

MONDAY, 10 DECEMBER 2018 15:12:00

هەولێر-KDP.info- هەنگاوەكانی هەرێمی كوردستان بۆ پەرەپێدانی بواری نەوت بەردەوامە و شارەزایان ئاماژە بە گرنگیی داهاتووی هەناردەكردنی نەوت لە كوردستانەوە بۆ دەرەوەی وڵات دەدەن و پێشیان وایە كە كوردستان دەتوانێت بەرێككەوتن لەگەڵ بەغدا گرفتەكان چارە بكات، بە تایبەت پرسی هەناردەی نەوتی كەركووك لە ڕێگای كوردستانەوە.

 



 
© 2018 Kurdistan Democratic Party, KDP