Kurdî  ■  كوردی  ■  عربي
MON, 27 MAY 2019 17:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەرلەمان ژماره‌یه‌ك بڕیارى كابینه‌ى پێشووى حكوومه‌تى به‌غداى سڕكرد
| KDP.info


بەغدا-KDP.info-  ئه‌مڕۆ ئه‌نجوومه‌نى نوێنه‌ران بۆ تاوتوێكردنى چه‌ند پرسێك كۆبوویه‌وه‌ و ژماره‌یه‌ك بڕیارى كابینه‌ى پێشووى حكوومه‌تى به‌غداى سڕكرد.

له‌ كۆبوونه‌وه‌كه‌دا بڕیار درا، سه‌رجه‌م ئه‌و بڕیارانه‌ى حكوومه‌تى حه‌یده‌ر عه‌بادى له‌ ماوه‌ى كاربه‌ڕێكردندا ده‌رى كردبوون، سڕ بكرێن. به‌و پێیه‌ى ئه‌و بڕیارانه‌ پێچه‌وانه‌ى ده‌ستوورن.

به‌ گوێره‌ى بڕیاره‌كه‌، هه‌موو ئه‌و بڕیارانه‌ى له‌ 1ى ته‌مموز/ یۆلیۆى 2018ه‌وه تا 24ى تشرینى یه‌كه‌م/ ئۆكتۆبه‌رى 2018 له‌ لایه‌ن عه‌بادییه‌وه‌ ده‌ركراوون، رابگیرێن.

له‌ گرنگترین ئه‌و بڕیارانه‌ى هه‌ڵده‌وه‌شێته‌وه‌، بڕیارى دانانی خاڵە گومرگییەکانی نێوان کەرکووک و شارەکانی هەرێمى كوردستانه‌.

له‌ دانیشتنى ئه‌مڕۆى ئه‌نجوومه‌نى نوێنه‌راندا، بۆ تاوتوێكردنى پرسى خاڵه‌ گومرگییه‌كان، سه‌رۆكى ئه‌نجوومه‌نه‌كه‌، محه‌ممه‌د حه‌لبووسى بانگهێشتى هه‌ریه‌ك له‌ سه‌رۆكى ده‌سته‌ى ده‌روازه‌ سنوورییه‌كان كازم ئه‌لعقابى و سه‌رۆكى ده‌سته‌ى گومرگ، مونزیر ئه‌سه‌دى كرد.

 




دوایین هەواڵەکان

كوردستانیان بە گرنگییەوە دەڕواننە هەڵبژاردنی سەرۆكی هەرێم

MONDAY, 27 MAY 2019 15:05:07

سۆران-KDP.info-  بڕیار وایە بەیانی پەرلەمانی كوردستان كۆ ببێتەوە و لەو كۆبوونەوەیەدا سەرۆكی هەرێمی كوردستان بۆ چوار ساڵی داهاتوو هەڵبژێردرێت. نێچیرڤان بارزانی ئەندازیاری ئاوەدانكردنەوە، كاندیدی لایەنەكانە بۆ ئەو پۆستە. كوردستانیان بە گرنگییەوە دەڕواننە هەڵبژاردنی سەرۆكی هەرێم و ئۆمێدێكی گەورەیان هەیە، كە لە چوار ساڵی داهاتوودا زۆر شتی باش دەكرێ و كۆتایی بە كێشە و قەیرانەكان دێت.

 
دوو کورد بوونەتە ئەندامی پەرلەمانی ئەورووپا

MONDAY, 27 MAY 2019 15:05:27

ئەڵمانیا-KDP.info- بەرپرسی ڕاگەیاندنی لیژنەی میونشنی پارتی دیموکراتی کوردستان لە ئەڵمانیا ڕایگەیاند، بەپێی ئەنجامەکان دوو کورد بوونەتە ئەندامی پەرلەمانی ئەورووپا.

 
"یاساكانی سه‌ددام حوسێن له‌ کەرکووک جێبه‌جێ ده‌كرێن"

MONDAY, 27 MAY 2019 15:05:55

کەرکووک-KDP.info - به‌رپرسێكی بزووتنه‌وه‌ی ئیسلامی له‌ کەرکووک ده‌ڵێ، ئێستا له‌ کەرکووک حوكمڕانیی سه‌رده‌می سه‌دام حوسێن شاره‌كه ‌به‌ڕێوه ‌ده‌بات، داعش زۆر به ‌فراوانی ده‌ستی بە جووڵه‌ كردووه‌ته‌وه‌، داوای نیوه‌ی داهاتی كشتوكاڵ له‌ جووتیاران ده‌كات، یان كشتوكاڵه‌كه‌یان ده‌سووتێنێت، ئیداره‌ی شاریش ته‌نیا خه‌ریكی به‌عه‌ره‌بكردنه‌.

 
مافی مرۆڤ: تاوانەکانی دژی کوردانی ناوچە کوردستانییەکان بە تیرۆر ھەژمار دەکرێن

MONDAY, 27 MAY 2019 15:05:24

هه‌ولێر-KDP.info-  بەرپرسێکی دەستەی گشتیی مافی مرۆڤ داوای کرد ئەوانەی تاوانیان دژی خەڵکی ناوچە کوردستانییەکان کردووە، بدرێنە دادگا و بە ماددەی تیرۆر دادگایی بکرێن. دەشڵێ، لە دووای ١٦ی ئۆکتۆبەرەوە پێشێلکاریی مافی مرۆڤ لەو سنوورانە زیادی کردووە.

 
د. محەمەد: ئیدارەی كەركووك فشارێكی زۆری خستووەتە سەر ھاووڵاتییانی كورد

MONDAY, 27 MAY 2019 14:05:03

كەركووك-KDP.info- بەرپرسی لقی پارتی لە كەركووك پێی وایە، ھیچ ھەنگاوێكی كردەیی لە لایەن بەغداوە بۆ ئاساییكردنەوەی ڕەوشی ئاڵۆزی كەركووك نەنراوە و دەشڵێ، تەعریب و فشارخستنەسەر ھاووڵاتییانی كورد لە سنووری پارێزگای كەركووك بەردەوامە.

 


 
© 2018 Kurdistan Democratic Party, KDP