Kurdî  ■  كوردی  ■  عربي
MON, 27 MAY 2019 17:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پڕۆژەکانی وەبەرھێنان لە هەولێر دەستیان بەکار کردووەتەوە
| KDP.info


 


هه‌ولێر-KDP.info- جگە لە سێ پڕۆژە ھەموو پڕۆژەکانی وەبەرھێنان لە سنووری پارێزگای ھەولێر دەستیان بە کار کردووەتەوە و بەڕێوەبەری گشتیی وەبەرھێنانیش دەڵێ، ژمارەیەک داوکاری لە لایەن وەبەرھێنانی بیانییەوە بۆ ئەنجامدانی پڕۆژە لە ھەرێمی کوردستان ھەیە.

 

سامان عارەب، بەڕێوەبەری گشتیی وەبەرھێنانی ھەولێر ئاماژەی بۆ ئەوە کرد: "ڕەوشی وەبەرھێنان بە ھۆی باشبوونی ڕەوشی سیاسی و ئابووریی ھەرێمی کوردستانەوە گەشەی کردووە، چونکە لە ھەموو وڵاتێکی جیھان ڕووداوەکان کاریگەریی ڕاستەوخۆیان لەسەر کەرتی وەبەرھێنان و بازاڕ ھەیە، لەگەڵ پەیدابوونەوەی جووڵەی بازاڕ ھاوکارمان دەبێت لە چارەسەرکردنی کێشەکانی کەرتی وەبەرھێنان لە ھەرێمی کوردستان."

 

بەڕێوەبەری گشتیی وەبەرھێنانی ھەولێر دەڵێت: "زۆربەی کێشەکانی وەبەرھێنان، ئەوانەی ساڵانی ڕابردوو، چ ئەوانەی بە ھۆی دابەزینی بازاڕ و پابەندنەبوونی وەبەرھێنەرانەوە بێت، چ ئەوانەی بە ھۆی شەڕی بەرەنگاریی داعش و قەیرانی داراییەوە کارکردن تێیاندا وەستابوو ئێستا زۆربەیان دەستیان بە کار کردووەتەوە، تەنیا دوو تا سێ پرۆژە ماوە، ئەوانیش لە ئایندەیەکی نزیکدا دەست بە کارەکانیان دەکرێت."

 

سامان عەرەب ڕوونی کردەوە: "ئێمە بەردەوامین لەسەر لێپرسینەوە لەو کەسانەی کەمتەرخەمن لە تەواوکردنی پڕۆژەکانیان، ھەر وەبەرھێنەرێک پابەندی گرێبەستەکەی نەبووبێت ئەوە داوای یاساییی لەسەر تۆمار کراوە و دراونەتە دادگا، ماوەکانی ڕابردوو بەشێک لەوانە دەستگیر کران، ئەوانەیشی ماون لێپرسینەوەی یاسایی بەرامبەریان دەگرینە بەر و دۆسیەی ژمارەیەک وەبەرھێنەر ئێستا لە دادگایە بۆ یەکلاکردنەوە."

 

لەبارەی ھاتنی وەبەرھێنەری بیانییەوە سامان عەرەب گوتی: "ژمارەیەک کۆمپانیای بیانی پڕۆپۆزەلیان پێشکەش بە وەبەرھێنان کردووە بۆ ئەنجامدانی پڕۆژەی وەبەرھێنان، بەتایبەتی کۆمپانیای ئەورووپایی نیازی وەبەرھێنانیان ھەیە لە ھەرێمی کوردستان و بڕیارە لە کەرتی وەبەرھێناندا بەشدار بن."

 

قائید میرۆ

 




دوایین هەواڵەکان

كوردستانیان بە گرنگییەوە دەڕواننە هەڵبژاردنی سەرۆكی هەرێم

MONDAY, 27 MAY 2019 15:05:07

سۆران-KDP.info-  بڕیار وایە بەیانی پەرلەمانی كوردستان كۆ ببێتەوە و لەو كۆبوونەوەیەدا سەرۆكی هەرێمی كوردستان بۆ چوار ساڵی داهاتوو هەڵبژێردرێت. نێچیرڤان بارزانی ئەندازیاری ئاوەدانكردنەوە، كاندیدی لایەنەكانە بۆ ئەو پۆستە. كوردستانیان بە گرنگییەوە دەڕواننە هەڵبژاردنی سەرۆكی هەرێم و ئۆمێدێكی گەورەیان هەیە، كە لە چوار ساڵی داهاتوودا زۆر شتی باش دەكرێ و كۆتایی بە كێشە و قەیرانەكان دێت.

 
دوو کورد بوونەتە ئەندامی پەرلەمانی ئەورووپا

MONDAY, 27 MAY 2019 15:05:27

ئەڵمانیا-KDP.info- بەرپرسی ڕاگەیاندنی لیژنەی میونشنی پارتی دیموکراتی کوردستان لە ئەڵمانیا ڕایگەیاند، بەپێی ئەنجامەکان دوو کورد بوونەتە ئەندامی پەرلەمانی ئەورووپا.

 
"یاساكانی سه‌ددام حوسێن له‌ کەرکووک جێبه‌جێ ده‌كرێن"

MONDAY, 27 MAY 2019 15:05:55

کەرکووک-KDP.info - به‌رپرسێكی بزووتنه‌وه‌ی ئیسلامی له‌ کەرکووک ده‌ڵێ، ئێستا له‌ کەرکووک حوكمڕانیی سه‌رده‌می سه‌دام حوسێن شاره‌كه ‌به‌ڕێوه ‌ده‌بات، داعش زۆر به ‌فراوانی ده‌ستی بە جووڵه‌ كردووه‌ته‌وه‌، داوای نیوه‌ی داهاتی كشتوكاڵ له‌ جووتیاران ده‌كات، یان كشتوكاڵه‌كه‌یان ده‌سووتێنێت، ئیداره‌ی شاریش ته‌نیا خه‌ریكی به‌عه‌ره‌بكردنه‌.

 
مافی مرۆڤ: تاوانەکانی دژی کوردانی ناوچە کوردستانییەکان بە تیرۆر ھەژمار دەکرێن

MONDAY, 27 MAY 2019 15:05:24

هه‌ولێر-KDP.info-  بەرپرسێکی دەستەی گشتیی مافی مرۆڤ داوای کرد ئەوانەی تاوانیان دژی خەڵکی ناوچە کوردستانییەکان کردووە، بدرێنە دادگا و بە ماددەی تیرۆر دادگایی بکرێن. دەشڵێ، لە دووای ١٦ی ئۆکتۆبەرەوە پێشێلکاریی مافی مرۆڤ لەو سنوورانە زیادی کردووە.

 
د. محەمەد: ئیدارەی كەركووك فشارێكی زۆری خستووەتە سەر ھاووڵاتییانی كورد

MONDAY, 27 MAY 2019 14:05:03

كەركووك-KDP.info- بەرپرسی لقی پارتی لە كەركووك پێی وایە، ھیچ ھەنگاوێكی كردەیی لە لایەن بەغداوە بۆ ئاساییكردنەوەی ڕەوشی ئاڵۆزی كەركووك نەنراوە و دەشڵێ، تەعریب و فشارخستنەسەر ھاووڵاتییانی كورد لە سنووری پارێزگای كەركووك بەردەوامە.

 


 
© 2018 Kurdistan Democratic Party, KDP