به‌ناوی خودای گه‌وره و میهره‌بان
خانه‌واده‌ی خوالێخۆشبوو حه‌كیم عه‌بدوڵڵا كاكه وه‌یس
دڵگران بووین به‌بیستنی هه‌واڵی كۆچی دوایی پێشمه‌رگه‌ی شۆڕشی ئه‌یلوول و نوسه‌ر و رۆماننوسی گه‌له‌كه‌مان(حه‌كیم كاكه وه‌یس).
خوالێخۆشبوو حه‌كیم كاكه‌وه‌یس وێڕای ئه‌وه‌ی سه‌رده‌مێك وه‌ك پێشمه‌رگه له ریزی شۆڕشی ئه‌یلوولی مه‌زن خزمه‌تی به دۆزی ره‌وای گه‌له‌كه‌ی كردووه، له هه‌مانكاتیشدا به پێنوس و به‌تایبه‌تی له‌بواری رۆماننوسی خزمه‌تێكی به‌رچاوی فه‌رهه‌نگ و ئه‌ده‌بی كوردی كردووه.
به‌م بۆنه خه‌مناكه‌وه، هاوبه‌شی خه‌ممان بۆ خانه‌واده به‌ڕێز و تێكۆشه‌ره‌كه‌تان راده‌گه‌یه‌نین و سه‌ره‌خۆشی له‌ئێوه و خزم و دۆست و ئاشنایانتان و نوسه‌رانی كورد و ئه‌ده‌ب دۆستانی كوردستان ده‌كه‌ین.
له خودای گه‌وره داواكارین ئارامی و دڵنه‌وایی به هه‌موو لایه‌ك ببه‌خشێت و خوالێخۆشبوو به به‌هه‌شتی به‌رینی خۆی شاد بكات.
انالله وانا الیه راجعون
باره‌گای بارزانی