Kurdî  ■  كوردی  ■  عربي
MON, 27 MAY 2019 17:03 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

باڵیۆزی فەرەنسا پیرۆزبایی لە فوئاد حوسێن کرد
| KDP.info


بەغدا-KDP.info-  باڵیۆزی فەڕەنسا لە بەغدا لەگەڵ د.فوئاد حوسێن جێگری سەرۆکوەزیران و وەزیری دارایی عێراق، کۆبوویەوە و پیرۆزبایی دەستبەکاربوونی لێ کرد.

ئەمڕۆ د.فوئاد حوسین جێگری سەرۆكوەزیران – وەزیری دارایی لە نووسینگەی تایبەتی خۆی لە بەغدا پێشوازی لە بەڕێز بڕۆنۆ ئۆبێرت باڵێوزی كۆماری فەڕەنسا لە بەغدا كرد .

لەم دیدارەدا باس لە پەیوەندی هەمیشە پێشكەوتووی نێوان عیراق وفەڕەنسا كرا وتیشكیش خرایە سەر دوایین پێشهاتەكان لەسەر ئاستی نێوخۆیی وئیقلیمی ونێودەوڵەتی دا.
ئۆبێرت بەناوی حكوومەتی فەڕەنسا پیرۆزبایی لە د.فوئاد كرد بەبۆنەی پێكهێنانی حكومەتی عیراق وئامادەیی وڵاتەكەی نیشان دا بۆ پاڵپشتیكردنی حكوومەتی عیراق لەبواری ئابووری ودابینكردنی خزمەتگوزاری بۆ هاوڵاتیانی عیراق. باڵیۆزی فەڕەنسا دووپاتی كردەوە حكومەتی وڵاتەكەی كار بۆ هەبوونی رۆڵێكی گرنگ دەكات بۆ پێشخستنی دامەزراوەكانی حكوومەتی عیراق وكاریش بۆ دووبارە كردنەوەی ئاژانسی چەشەپێدانی فەڕەنسا دەكات بۆ پاڵپشتیكردنی ڕاستەوخۆی حكومەتی عیراق.

هاوكات ئەوەشی خستەڕوو كە خودی سەرۆكی فەڕەنسا گرنگیەكی تەواو بە بارودۆخی عیراق دەدات بەتایبەتی دوای دەرچوونی رێكخراوی تیرۆریستی داعش لەو شار وناوچانەی داگیری كردبوون وئەو زیانانەی بەسەر رۆڵە وپێكهاتەكانی گەلی عیراق هێنا وئەو ئاسەوارانەی ئەو رێكخراوە تیرۆریستیە جێی هێشت .

لەلای خۆشیەوە د.فوئاد حوسێن لەڕێگەی باڵیۆزی فەڕەنسا سوپاسی حكومەتی ئەو وڵاتە كرد بۆ پاڵپشتی بەردەوامی لە حكوومەتی عیراق وئەوەشی خستەڕوو كە عیراق لەم قۆناغەدا پێویستی بە دۆستانی خۆی هەیە بەتایبەتی فەڕەنسا بە پێشخستنی توانا وشارەزاییەكانی عیراق بەتابیەتی لە بواری دووبارە داڕشتنەوەی دام ودەزگا حكومیەكان وسیستەمی بانكی و بەرەنگاربوونەوەی گەندەڵی.

 




دوایین هەواڵەکان

كوردستانیان بە گرنگییەوە دەڕواننە هەڵبژاردنی سەرۆكی هەرێم

MONDAY, 27 MAY 2019 15:05:07

سۆران-KDP.info-  بڕیار وایە بەیانی پەرلەمانی كوردستان كۆ ببێتەوە و لەو كۆبوونەوەیەدا سەرۆكی هەرێمی كوردستان بۆ چوار ساڵی داهاتوو هەڵبژێردرێت. نێچیرڤان بارزانی ئەندازیاری ئاوەدانكردنەوە، كاندیدی لایەنەكانە بۆ ئەو پۆستە. كوردستانیان بە گرنگییەوە دەڕواننە هەڵبژاردنی سەرۆكی هەرێم و ئۆمێدێكی گەورەیان هەیە، كە لە چوار ساڵی داهاتوودا زۆر شتی باش دەكرێ و كۆتایی بە كێشە و قەیرانەكان دێت.

 
دوو کورد بوونەتە ئەندامی پەرلەمانی ئەورووپا

MONDAY, 27 MAY 2019 15:05:27

ئەڵمانیا-KDP.info- بەرپرسی ڕاگەیاندنی لیژنەی میونشنی پارتی دیموکراتی کوردستان لە ئەڵمانیا ڕایگەیاند، بەپێی ئەنجامەکان دوو کورد بوونەتە ئەندامی پەرلەمانی ئەورووپا.

 
"یاساكانی سه‌ددام حوسێن له‌ کەرکووک جێبه‌جێ ده‌كرێن"

MONDAY, 27 MAY 2019 15:05:55

کەرکووک-KDP.info - به‌رپرسێكی بزووتنه‌وه‌ی ئیسلامی له‌ کەرکووک ده‌ڵێ، ئێستا له‌ کەرکووک حوكمڕانیی سه‌رده‌می سه‌دام حوسێن شاره‌كه ‌به‌ڕێوه ‌ده‌بات، داعش زۆر به ‌فراوانی ده‌ستی بە جووڵه‌ كردووه‌ته‌وه‌، داوای نیوه‌ی داهاتی كشتوكاڵ له‌ جووتیاران ده‌كات، یان كشتوكاڵه‌كه‌یان ده‌سووتێنێت، ئیداره‌ی شاریش ته‌نیا خه‌ریكی به‌عه‌ره‌بكردنه‌.

 
مافی مرۆڤ: تاوانەکانی دژی کوردانی ناوچە کوردستانییەکان بە تیرۆر ھەژمار دەکرێن

MONDAY, 27 MAY 2019 15:05:24

هه‌ولێر-KDP.info-  بەرپرسێکی دەستەی گشتیی مافی مرۆڤ داوای کرد ئەوانەی تاوانیان دژی خەڵکی ناوچە کوردستانییەکان کردووە، بدرێنە دادگا و بە ماددەی تیرۆر دادگایی بکرێن. دەشڵێ، لە دووای ١٦ی ئۆکتۆبەرەوە پێشێلکاریی مافی مرۆڤ لەو سنوورانە زیادی کردووە.

 
د. محەمەد: ئیدارەی كەركووك فشارێكی زۆری خستووەتە سەر ھاووڵاتییانی كورد

MONDAY, 27 MAY 2019 14:05:03

كەركووك-KDP.info- بەرپرسی لقی پارتی لە كەركووك پێی وایە، ھیچ ھەنگاوێكی كردەیی لە لایەن بەغداوە بۆ ئاساییكردنەوەی ڕەوشی ئاڵۆزی كەركووك نەنراوە و دەشڵێ، تەعریب و فشارخستنەسەر ھاووڵاتییانی كورد لە سنووری پارێزگای كەركووك بەردەوامە.

 


 
© 2018 Kurdistan Democratic Party, KDP