Kurdî  ■  كوردی  ■  عربي
MON, 27 MAY 2019 17:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە
| KDP.info


 

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

محیەددین مزووری، بەرپرسی پەیوەندییەكانی لقی ١٤ی پارتی، بە ماڵپەڕی فەرمیی پارتی دیموكراتی كوردستانی ڕاگەیاند: "دۆخی ئەمنیی شاری مووسڵ زۆر خراپە و داعش جارێكی دیكە سەری ھەڵداوەتەوە، چەند رۆژی ڕابردوویش چەندین چەكداری داعش لە سنووری وانكێ و بادۆش و ناوچەكانی دیكەی مووسڵ دەستگیر كراون، ئەمەیش بووەتە ھۆی ئەوەی ترس و دڵەڕاوكێیەكی زۆر لە دڵی خەڵكی مووسڵدا دروست ببێت، بەوەی جارێكی دیكە داعش بەھێز بێتەوە و ھێرش بكاتەوە سەر مووسڵ، بۆیە رۆژانە چه‌ندخێزانێك لە مووسڵ ئاوارەی ھەرێمی كوردستان دەبنەوە".

مزووری گوتیشی: "لە ناوخۆی مووسڵ دامودەزگا حكوومییەكان بزانن ھەر خێزانێك دۆخی ئابووریی باشە و سەرمایەدارە، بانگی دەكەن و یەكێك لە ئەندامەكانیان دەستگیر دەكەن و تۆمەتی داعشبوونی دەدەنە پاڵ، كە بۆ ئازادكردنیشیان داوای پارەیەكی زۆر دەكەن، ئەمەیش وای كردووە خەڵكی مووسڵ زۆر لەو ھێزە ئەمنیانە بێزار بن".

بەرپرسی پەیوەندییەكانی لقی ١٤، دەشڵێ: "حەشدی شەعبی و ھێزە ئەمنییەكان لە مووسڵ ئاگایان لە ئەمنییەتی شار نەماوە و سەرقاڵی بازرگانیكردنن، بە تایبەت حەشدی شەعبی كۆنتاكتیان لەگەڵ فەرمانگە خزمەتگوزارییەكان كردووە و زەویی شارەوانی بۆ خۆیان دەبەن و بازرگانیی پێوە دەكەن".

ئاماژەیشی دا: "چارەكردنی ئەم كێشەیە زۆر زەحمەتە و تەنیا بەوە دەكرێت لەسەر ئاستی باڵادا رێككەوتنێكی سیاسی بكرێت و ئەو كێشەیە چارە بكرێت، ئەگەر نا زۆر زەحمەتە دۆخەكە كۆنتڕۆڵ بكرێت و داعش وەك پێشوو دەبێتەوە مەترسییەكی جیددی بۆ سەر مووسڵ".

 

بڵند ئیبراھیم




دوایین هەواڵەکان

كوردستانیان بە گرنگییەوە دەڕواننە هەڵبژاردنی سەرۆكی هەرێم

MONDAY, 27 MAY 2019 15:05:07

سۆران-KDP.info-  بڕیار وایە بەیانی پەرلەمانی كوردستان كۆ ببێتەوە و لەو كۆبوونەوەیەدا سەرۆكی هەرێمی كوردستان بۆ چوار ساڵی داهاتوو هەڵبژێردرێت. نێچیرڤان بارزانی ئەندازیاری ئاوەدانكردنەوە، كاندیدی لایەنەكانە بۆ ئەو پۆستە. كوردستانیان بە گرنگییەوە دەڕواننە هەڵبژاردنی سەرۆكی هەرێم و ئۆمێدێكی گەورەیان هەیە، كە لە چوار ساڵی داهاتوودا زۆر شتی باش دەكرێ و كۆتایی بە كێشە و قەیرانەكان دێت.

 
دوو کورد بوونەتە ئەندامی پەرلەمانی ئەورووپا

MONDAY, 27 MAY 2019 15:05:27

ئەڵمانیا-KDP.info- بەرپرسی ڕاگەیاندنی لیژنەی میونشنی پارتی دیموکراتی کوردستان لە ئەڵمانیا ڕایگەیاند، بەپێی ئەنجامەکان دوو کورد بوونەتە ئەندامی پەرلەمانی ئەورووپا.

 
"یاساكانی سه‌ددام حوسێن له‌ کەرکووک جێبه‌جێ ده‌كرێن"

MONDAY, 27 MAY 2019 15:05:55

کەرکووک-KDP.info - به‌رپرسێكی بزووتنه‌وه‌ی ئیسلامی له‌ کەرکووک ده‌ڵێ، ئێستا له‌ کەرکووک حوكمڕانیی سه‌رده‌می سه‌دام حوسێن شاره‌كه ‌به‌ڕێوه ‌ده‌بات، داعش زۆر به ‌فراوانی ده‌ستی بە جووڵه‌ كردووه‌ته‌وه‌، داوای نیوه‌ی داهاتی كشتوكاڵ له‌ جووتیاران ده‌كات، یان كشتوكاڵه‌كه‌یان ده‌سووتێنێت، ئیداره‌ی شاریش ته‌نیا خه‌ریكی به‌عه‌ره‌بكردنه‌.

 
مافی مرۆڤ: تاوانەکانی دژی کوردانی ناوچە کوردستانییەکان بە تیرۆر ھەژمار دەکرێن

MONDAY, 27 MAY 2019 15:05:24

هه‌ولێر-KDP.info-  بەرپرسێکی دەستەی گشتیی مافی مرۆڤ داوای کرد ئەوانەی تاوانیان دژی خەڵکی ناوچە کوردستانییەکان کردووە، بدرێنە دادگا و بە ماددەی تیرۆر دادگایی بکرێن. دەشڵێ، لە دووای ١٦ی ئۆکتۆبەرەوە پێشێلکاریی مافی مرۆڤ لەو سنوورانە زیادی کردووە.

 
د. محەمەد: ئیدارەی كەركووك فشارێكی زۆری خستووەتە سەر ھاووڵاتییانی كورد

MONDAY, 27 MAY 2019 14:05:03

كەركووك-KDP.info- بەرپرسی لقی پارتی لە كەركووك پێی وایە، ھیچ ھەنگاوێكی كردەیی لە لایەن بەغداوە بۆ ئاساییكردنەوەی ڕەوشی ئاڵۆزی كەركووك نەنراوە و دەشڵێ، تەعریب و فشارخستنەسەر ھاووڵاتییانی كورد لە سنووری پارێزگای كەركووك بەردەوامە.

 


 
© 2018 Kurdistan Democratic Party, KDP