Kurdî  ■  كوردی  ■  عربي
MON, 27 MAY 2019 16:57 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پارتی یادی لە دایکبوونی پێغەمبەر لە موسوڵمانان پیرۆز دەکات
| KDP.info


هەولێر-KDP.info-  مەکتەبی سیاسی پارتی دیموکراتی کوردستان بەبۆنەی جەژنی لەدایكبوونی حەزرەتی محەمەد درودی خوای لەسەربێت پەیامێکی پیرۆزبایی راگەیاند کە ئەمە دەقەکەیەتی:

  بەبۆنەی هاتنەوەی جەژنی لەدایك بوونی پێغەمبەری ئیسلام، حەزرەتی محەمەد (درودی خوای لەسەربێت) گەرمترین پیرۆزبایی لە سەرجەم موسڵمانانی كوردستان و ئیراق و جیهان دەكەین، هیوادارین ئەو بۆنە پیرۆزە ببێتە مایەی خێروخۆشی بۆ هەموو لایەك و هاندەروهەوێنی زیاتری چەسپاندنی لێبووردەیی و یەكترقبووڵكردن و پێكەوەژیان بێت لەنێو پێكهاتە جیاجیاكانی كۆمەڵگەی كوردستان و جیهان و ناوچەکە.

ئومێددەخوازین لەو هەلومەرجەی ئەمڕۆماندا ئەو یادە پیرۆزە دەرفەتێك بێ بۆ بەهێزكردن و پتەوكردنی گیانی تەبایی و برایەتی و یەكڕیزی هێزولایەنە سیاسیەكان و كۆتایی هێنان بە كێشەوگیروگرفتەكان و هەنگاو نان بۆ پاراستنی دەستکەوتەکانمان و مایەی سەقامگیریی و خۆشگوزەرانی و ئاسوودەیی هاووڵاتیان بێت، هەروەها پەیامی رەتكردنەوەو نەهێشتنی نەریتی نەخوازراوی توندڕەوی و شەڕانگێزیی بێت. جارێكی دیكە یادی لەدایکبوونی حەزرەتی (محەمەد) درودی خوای لەسەر بێت، لە تەواوی موسڵمانان پیرۆز بێ..


مەكتەبی سیاسی
پارتی دیموكراتی كوردستان


12ی رەبیعولئەوەلی 1440 ی كۆچی     20/11/2018ی زایینی




دوایین هەواڵەکان

كوردستانیان بە گرنگییەوە دەڕواننە هەڵبژاردنی سەرۆكی هەرێم

MONDAY, 27 MAY 2019 15:05:07

سۆران-KDP.info-  بڕیار وایە بەیانی پەرلەمانی كوردستان كۆ ببێتەوە و لەو كۆبوونەوەیەدا سەرۆكی هەرێمی كوردستان بۆ چوار ساڵی داهاتوو هەڵبژێردرێت. نێچیرڤان بارزانی ئەندازیاری ئاوەدانكردنەوە، كاندیدی لایەنەكانە بۆ ئەو پۆستە. كوردستانیان بە گرنگییەوە دەڕواننە هەڵبژاردنی سەرۆكی هەرێم و ئۆمێدێكی گەورەیان هەیە، كە لە چوار ساڵی داهاتوودا زۆر شتی باش دەكرێ و كۆتایی بە كێشە و قەیرانەكان دێت.

 
دوو کورد بوونەتە ئەندامی پەرلەمانی ئەورووپا

MONDAY, 27 MAY 2019 15:05:27

ئەڵمانیا-KDP.info- بەرپرسی ڕاگەیاندنی لیژنەی میونشنی پارتی دیموکراتی کوردستان لە ئەڵمانیا ڕایگەیاند، بەپێی ئەنجامەکان دوو کورد بوونەتە ئەندامی پەرلەمانی ئەورووپا.

 
"یاساكانی سه‌ددام حوسێن له‌ کەرکووک جێبه‌جێ ده‌كرێن"

MONDAY, 27 MAY 2019 15:05:55

کەرکووک-KDP.info - به‌رپرسێكی بزووتنه‌وه‌ی ئیسلامی له‌ کەرکووک ده‌ڵێ، ئێستا له‌ کەرکووک حوكمڕانیی سه‌رده‌می سه‌دام حوسێن شاره‌كه ‌به‌ڕێوه ‌ده‌بات، داعش زۆر به ‌فراوانی ده‌ستی بە جووڵه‌ كردووه‌ته‌وه‌، داوای نیوه‌ی داهاتی كشتوكاڵ له‌ جووتیاران ده‌كات، یان كشتوكاڵه‌كه‌یان ده‌سووتێنێت، ئیداره‌ی شاریش ته‌نیا خه‌ریكی به‌عه‌ره‌بكردنه‌.

 
مافی مرۆڤ: تاوانەکانی دژی کوردانی ناوچە کوردستانییەکان بە تیرۆر ھەژمار دەکرێن

MONDAY, 27 MAY 2019 15:05:24

هه‌ولێر-KDP.info-  بەرپرسێکی دەستەی گشتیی مافی مرۆڤ داوای کرد ئەوانەی تاوانیان دژی خەڵکی ناوچە کوردستانییەکان کردووە، بدرێنە دادگا و بە ماددەی تیرۆر دادگایی بکرێن. دەشڵێ، لە دووای ١٦ی ئۆکتۆبەرەوە پێشێلکاریی مافی مرۆڤ لەو سنوورانە زیادی کردووە.

 
د. محەمەد: ئیدارەی كەركووك فشارێكی زۆری خستووەتە سەر ھاووڵاتییانی كورد

MONDAY, 27 MAY 2019 14:05:03

كەركووك-KDP.info- بەرپرسی لقی پارتی لە كەركووك پێی وایە، ھیچ ھەنگاوێكی كردەیی لە لایەن بەغداوە بۆ ئاساییكردنەوەی ڕەوشی ئاڵۆزی كەركووك نەنراوە و دەشڵێ، تەعریب و فشارخستنەسەر ھاووڵاتییانی كورد لە سنووری پارێزگای كەركووك بەردەوامە.

 


 
© 2018 Kurdistan Democratic Party, KDP