Kurdî  ■  كوردی  ■  عربي
MON, 10 DEC 2018 21:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

به‌غدا.. 90%ی كێشەكانی ھەرێم و بەغدا تایبەت بە بودجە چارە كراون
| KDP.info


 

بەغداد -KDP.info- لە میانەی تاوتووكردنی بودجەی ساڵی 2019ـدا، د. بەشیر حەداد و د. فوئاد حوسێن كۆ بوونەوە و، جەختیان لە چەسپاندنی مافەكانی كوردستان لە پڕۆژەیاسای بودجەی عێراقدا كردەوە. پەرلەمانتارێكی پارتییش دەڵێ، شاندی ھەرێم و بەغدا، لەبارەی بودجەوە 90% گەییشتوونەتە ڕێككەوتن.

 لە ڕاگەیێندراوێكی نووسینگەی جێگری سەرۆكی پەرلەمانی عێراقدا، كە كۆپێكی بۆ ماڵپەڕی فەرمیی پارتی دیموكراتی كوردستان نێردراوە، هاتووە: "دكتۆر فوئاد حوسێن وەزیری دارایی، بە یاوەریی شاندێك سەردانی دكتۆر بەشیر حەداد، جێگری سەرۆكی پەرلەمانی عێراقیان كردووە و تاوتووی بەشەبودجەی كوردستانیان كرد".

ئاماژە بەوەش دراوە: "لە میانەی كۆبوونەوەكەدا، هەردوو لا تاوتووی پرسی پڕۆژەیاسای بودجەی ساڵی 2019ی عێراقیان كرد و جەختیان لەوە كردەوە كە پێویستە بە ھاوبەشی داكۆكی لە مافەكانی كورد بكەن بۆ ئەوەی پشكی هەرێمی كوردستان بە تەواوی لە بودجەی عێراقدا بچەسپێت".

لە لایەكی دیكەوە، شێروان دووبەردانی، ئەندامی پەرلەمانی عێراق لە فراكسیۆنی پارتی، بە ماڵپەڕی فەرمیی پارتی دیموكراتی كوردستانی ڕاگەیاند: "دوێنێ شەو پەرلەمانی عێراق بە ئامادەبوونی وەزیری دارایی حكوومەتی عێراق كۆ بووەوە و تێیدا بڕیار درا لیژنەیەك لە نێوان وەزارەتی دارایی و لیژنەی دارایی پەرلەمان دروست بكرێت و بە بودجەدا بچنەوە، سەرەتای حەفتەی داھاتوویش لیژنەكە دروست دەكرێت و تاوەكو رۆژی دووشەمەی دابێ بە بودجەدا دەچنەوە و ئامادەی دەكەن، بۆ ئەوەی بخرێتە بەردەم پەرلەمان و خوێندنەوەی یەكەمی بۆ بكرێت".

دووبەردانی گوتیشی: "ئێمە وەكوو نوێنەرانی كورد، پێداگری لەسەر  جێگیركردنی داواكاریی كورد لە بودجەدا دەكەین، وەك پشكی ھەرێم 17% و مافی پێشمەرگە و تەرخانكردنی بڕێك پارە بۆ جووتیارانی ھەرێم كە ھیی چەند ساڵی ڕابردوو خەرج نەكراوە".

دەشڵێ: "شاندی حكوومەتی ھەرێمی كوردستان لە بەغدایە و لە گفتوگۆی بەردەوامدایە لەگەڵ وەزارەتی دارایی، تاوەكوو ئێستایش تواندراوە 90%ی كێشەكانی ھەرێم و بەغدا تایبەت بە بودجە چارە بكرێن، هەروەها لەم دوو سێ رۆژەی داھاتوودا ئەو كێشانەی ماویشن چارە دەكرێن".

 

بڵند ئیبراھیم - هێڤیار هەڵەبجەیی




دوایین هەواڵەکان

ئەم مانگە کارەکانی نەخۆشخانەی پێشمەرگە کۆتاییان دێت

MONDAY, 10 DECEMBER 2018 18:12:51

ھەولێر-KDP.info- جێگری سوپاسالاری ھێزی پێشمەرگە لە وەزارەتی پێشمەرگەی حکوومەتی ھەرێمی کوردستان گوتی، بڕیارە لە وادەی دیاریکراوی خۆیدا نەخۆشخانەی پێشمەرگە تەواو بێت و دواتریش دەست بە دانانی پێداویستیی ناو نەخۆشخانەکە دەکرێت و تاوەکو سەرەتای مانگی چوار، ھێزی پێشمەرگە لەو نەخۆشخانەیە چارەسەری وەردەگرن.

 
پارتی ٦٦ ساڵەی دامەزراندنی یەکێتیی ئافرەتانی کوردستان پیرۆز دەکات

MONDAY, 10 DECEMBER 2018 18:12:33

هەولێر-KDP.info-  مەکتەبی سیاسی پارتی دیموکراتی کوردستان لە پەیامێکدا ٦٦ ساڵەی دامەزراندنی یەکێتیی ئافرەتانی کوردستانی پیرۆزدەکات و لە پەیامەکەدا هاتووە، توێژی ئافرەتان بەپێی ئەو پێگەوسەنگ و پانتاییەی هەیانە لە نێو كۆمەڵگەدا ئەرك و كارێكی چارەنووسسازیان لەئەستۆیە لەبواری پەروەردەوپێشكەوتنی كۆمەڵگە، بۆیە رۆڵی بەرپرسانەی ئێوەویەكێتیەكەتان هەمیشە گرنگ و كاریگەرە بەتایبەتیش لەو هەلومەرجەی ئەمڕۆماندا لەو جێگەوپێگەو بوارانەی بۆتان رەخساوە كاری تیابكەن بۆ داكۆكیكردن لە دەسكەوتەكانمان و پاراستنی ئەو ئەزموونەو كۆتاییهێنان بە كێشەوگیروگرفت و مەینەتیەكان.

 
فراکسیۆنی پارتی لەگەڵ کۆمەڵەی دۆستایەتیی ژاپۆن. کوردستان و کونسووڵی ئەڵمانیا کۆ بووەوە

MONDAY, 10 DECEMBER 2018 17:12:45

هەولێر -KDP.info- سەرۆکی فراکسیۆنی پارتی لە پەرلەمانی کوردستان لە دوو دیداری جودادا لەگەڵ کونسووڵی ئەڵمانیا و کۆمەڵەی دۆستایەتیی ژاپۆن- کوردستان کۆ بووەوە.

 
ئەمەریکا ھۆشداری دەدات لە مەترسیی ڕەوشی عێراق

MONDAY, 10 DECEMBER 2018 16:12:25

هەولێر-KDP.info- باڵیۆزخانەی ئەمەریکا لە عێراق ھۆشداری دەدات لەبارەی تێکچوونی ڕەوشی ئەمنیی عێراق و مامۆستایەکی زانکۆش پێی وایە، مەترسی ھەیە ڕەوشەکە ئاڵۆزیی زیاتر بە خۆیەوە ببینێت و پەیامەکەی ئەمەریکاش ھەڕەشەیە لە ھەندێ لایەنی عێراقی.

 

شارەزایان: بەغدا و هەولێر دەیانەوێ لەسەر نەوت ڕێک بکەون

MONDAY, 10 DECEMBER 2018 15:12:00

هەولێر-KDP.info- هەنگاوەكانی هەرێمی كوردستان بۆ پەرەپێدانی بواری نەوت بەردەوامە و شارەزایان ئاماژە بە گرنگیی داهاتووی هەناردەكردنی نەوت لە كوردستانەوە بۆ دەرەوەی وڵات دەدەن و پێشیان وایە كە كوردستان دەتوانێت بەرێككەوتن لەگەڵ بەغدا گرفتەكان چارە بكات، بە تایبەت پرسی هەناردەی نەوتی كەركووك لە ڕێگای كوردستانەوە.

 



 
© 2018 Kurdistan Democratic Party, KDP