Kurdî  ■  كوردی  ■  عربي
MON, 10 DEC 2018 21:15 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەزارەتی پێشمەرگە دەیەوێ ژمارەی لیواکانی کەم بکاتەوە
| KDP.info


 

ھەولێر-KDP.info- وەزارەتی پێشمەرگە لە ھەوڵی کەمکردنەوەی لیواکانی وەزارەتدایە، بەڕێوەبەری گشتیی ڕاگەیاندنی وەزارەتی پێشمەرگەش دەڵێ، وەزارەتی پێشمەرگە لە بەرنامەیدایە لیواکانی لە چوار لیواوە بکاتە سێ لیوا.

 

وەزارەتی پێشمەرگە چوار لیوای ھەیە، ھەر لیوایەک نزیکەی ٢٥٠٠ پێشمەرگە دەبن، ئەو لیوایەش ٤ فەوجی ھەیە و ھەر فەوجێک ٥٥٠ پێشمەرگە دەبن.

لیوا بابەکر فەقێ ئەحمەد، بەڕێوەبەری گشتیی ڕاگەیاندن و ھۆشیاریی نیشتمانیی وەزارەتی پێشمەرگە، بە ماڵپەری فەرمیی پارتی دیموکراتی کوردستانی ڕاگەیاند: "بەرنامەیەک ھەیە بۆ کەمکردنەوەی لیوای وەزارەت بۆ ئەم مەبەستە، ئەنجومەنی باڵای وەزارەتی پێشمەرگە کۆبوونەوەی فەرمیی لەو بارەیەوە کردووە، بۆ ئەوەی بە شێوەیەکی ئەکادیمی و بە شێوەی لیوا ڕێکخستنەوەیەکی تازە بۆ زێرەڤانی و یەکەکانی ٧٠ و ٨٠ بکرێت، بەڵام ئەوە کارێکی زۆری دەوێ و تا ئێستا نەکەوتووەتە بواری جێبەجێ کردنەوە."

لیوا بابەکر ئاماژەی دا: "لە ئەگەری کەم کردنەوەی لیواکان ئەوا لە چوار لیواوە دەکرێنە سێ، کەمکردنەوەکە لەسەر میلاکاتی ئەو لیوایانەدەبێ، نەوەکو ھەیبەتی لیواکە،‌ ئەوکات بە شێوەیەکی ئەکادیمی و نیزامی ڕێک دەخرێن و ھەموو پێداویستییەکانی ئەو لیوایە بە شێوەیەکی ڕێک جێبەجێ دەکرێت و چەک و تەقەمەنی و پێداویستییەکانی تر ھاوپەیمانان دابینی دەکەن."

لیوا بابەکر ڕاشیگەیاند: "کەمکردنەوەی لیواکان و ڕێکخستنەوەکەیان بە شێوەی سیستەمی لیوای نێودەوڵەتی دەبێت."

ھەڵکەوت محەممەد




دوایین هەواڵەکان

ئەم مانگە کارەکانی نەخۆشخانەی پێشمەرگە کۆتاییان دێت

MONDAY, 10 DECEMBER 2018 18:12:51

ھەولێر-KDP.info- جێگری سوپاسالاری ھێزی پێشمەرگە لە وەزارەتی پێشمەرگەی حکوومەتی ھەرێمی کوردستان گوتی، بڕیارە لە وادەی دیاریکراوی خۆیدا نەخۆشخانەی پێشمەرگە تەواو بێت و دواتریش دەست بە دانانی پێداویستیی ناو نەخۆشخانەکە دەکرێت و تاوەکو سەرەتای مانگی چوار، ھێزی پێشمەرگە لەو نەخۆشخانەیە چارەسەری وەردەگرن.

 
پارتی ٦٦ ساڵەی دامەزراندنی یەکێتیی ئافرەتانی کوردستان پیرۆز دەکات

MONDAY, 10 DECEMBER 2018 18:12:33

هەولێر-KDP.info-  مەکتەبی سیاسی پارتی دیموکراتی کوردستان لە پەیامێکدا ٦٦ ساڵەی دامەزراندنی یەکێتیی ئافرەتانی کوردستانی پیرۆزدەکات و لە پەیامەکەدا هاتووە، توێژی ئافرەتان بەپێی ئەو پێگەوسەنگ و پانتاییەی هەیانە لە نێو كۆمەڵگەدا ئەرك و كارێكی چارەنووسسازیان لەئەستۆیە لەبواری پەروەردەوپێشكەوتنی كۆمەڵگە، بۆیە رۆڵی بەرپرسانەی ئێوەویەكێتیەكەتان هەمیشە گرنگ و كاریگەرە بەتایبەتیش لەو هەلومەرجەی ئەمڕۆماندا لەو جێگەوپێگەو بوارانەی بۆتان رەخساوە كاری تیابكەن بۆ داكۆكیكردن لە دەسكەوتەكانمان و پاراستنی ئەو ئەزموونەو كۆتاییهێنان بە كێشەوگیروگرفت و مەینەتیەكان.

 
فراکسیۆنی پارتی لەگەڵ کۆمەڵەی دۆستایەتیی ژاپۆن. کوردستان و کونسووڵی ئەڵمانیا کۆ بووەوە

MONDAY, 10 DECEMBER 2018 17:12:45

هەولێر -KDP.info- سەرۆکی فراکسیۆنی پارتی لە پەرلەمانی کوردستان لە دوو دیداری جودادا لەگەڵ کونسووڵی ئەڵمانیا و کۆمەڵەی دۆستایەتیی ژاپۆن- کوردستان کۆ بووەوە.

 
ئەمەریکا ھۆشداری دەدات لە مەترسیی ڕەوشی عێراق

MONDAY, 10 DECEMBER 2018 16:12:25

هەولێر-KDP.info- باڵیۆزخانەی ئەمەریکا لە عێراق ھۆشداری دەدات لەبارەی تێکچوونی ڕەوشی ئەمنیی عێراق و مامۆستایەکی زانکۆش پێی وایە، مەترسی ھەیە ڕەوشەکە ئاڵۆزیی زیاتر بە خۆیەوە ببینێت و پەیامەکەی ئەمەریکاش ھەڕەشەیە لە ھەندێ لایەنی عێراقی.

 

شارەزایان: بەغدا و هەولێر دەیانەوێ لەسەر نەوت ڕێک بکەون

MONDAY, 10 DECEMBER 2018 15:12:00

هەولێر-KDP.info- هەنگاوەكانی هەرێمی كوردستان بۆ پەرەپێدانی بواری نەوت بەردەوامە و شارەزایان ئاماژە بە گرنگیی داهاتووی هەناردەكردنی نەوت لە كوردستانەوە بۆ دەرەوەی وڵات دەدەن و پێشیان وایە كە كوردستان دەتوانێت بەرێككەوتن لەگەڵ بەغدا گرفتەكان چارە بكات، بە تایبەت پرسی هەناردەی نەوتی كەركووك لە ڕێگای كوردستانەوە.

 



 
© 2018 Kurdistan Democratic Party, KDP