Kurdî  ■  كوردی  ■  عربي
SAT, 23 MAR 2019 14:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئاژگەیی: یەکێتیی ئەورووپا ستراتیژیی نوێی بۆ عێراق هەیە و لە سوودی هەرێمی کوردستانە
| KDP.info


هەولێر-KDP.info-  نوێنەری حکوومەتی هەرێمی کوردستان لە یەکێتیی ئەورووپا ڕایگەیاند، ئەورووپا دەخوازێت هەرێمی کوردستان بەهێز بێت. دەشڵێت، شاندێکی پەیوەندییەکانی یەکێتیی ئەورووپا بە مەبەستی دۆزینەوەی ڕێگەچارەیەک بۆ نەهێشتنی کێشەکان سەردانی بەغدا و هەولێر دەکات.

دلاوەر ئاژگەیی، نوێنەری حکوومەتی هەرێمی کوردستان لە یەکێتیی ئەورووپا بۆ ماڵپەڕی فەرمیی پارتی دیموکراتی کوردستانی ئاشکرا کرد کە ماوەی ١٥ ڕۆژ دەبێت چەندین گفتوگۆیان لەگەڵ باڵیۆزانی ئەندامی یەکێتیی ئەورووپا کردووە. لە بەرنامەشیاندایە لەگەڵ ئەو باڵیۆزانەی ماویشن حەفتەی داهاتوو کۆ ببنەوە.

ئاژگەیی مەبەستی ئەو کۆبوونەوانەی نوێنەرایەتیی حکوومەتی هەرێمی بۆ پێشهاتەکان و ئەنجامی هەڵبژاردنی ئەم دواییەی عێراق گەڕاندەوە و، پەیوەندییەکانی هەرێم و ناوەندیش تەوەرێکی دیکەی گفتوگۆکانیان بووە، لەو بارەیەوە گوتی: "داوامان کردووە وڵاتانی ئەندامی یەکێتیی ئەورووپا ڕۆڵێکی گرینگ بۆ چارەکردنی کێشەکانی نێوان هەرێم و بەغدا ببینن، کە فشار بخرێتە سەر بەغدا بۆ ئەوەی ئەو هەڵانەی پێشتر بەرامبەر هەرێمی کوردستان کردوونی، دووبارە نەبنەوە و دەستووری عێراق جێبەجێ بکرێت".

نوێنەرەکەی حکوومەتی هەرێم نایشارێتەوە، کە بە دیکۆمێنت تەعریبکردنی کەرکووک و ناوچەکانی دەوروبەریان داوەتە باڵیۆزی وڵاتانی ئەندامی یەکێتیی ئەورووپا، کە لە لایەن پارێزگاری داسەپێندراوی ئێستای شارەکەوە پیادە دەکرێن، هاوکات جەختیشیان لەسەر بوودجەی ساڵی ٢٠١٩ی عێراق کردووەتەوە، کە مافی تەواوی کوردی تێدا نییە."

ئاژگەیی، ستراتیژییە نوێیەکەی یەکێتیی ئەورووپا لەسەر بارودۆخی عێراق بە سوودی هەرێمی کوردستانی دەزانێت بەو پێیەی لە لایەن هەر ٢٨ وڵاتەکەی ئەندامی ئەو یەکێتییەوە داڕێژراوە، لەبەر ئەوەی سەرجەمی خاڵە ناکۆکی و دەستوورییەکانی چارەکردنی بارودۆخی عێراق و هەرێمی تێدا نووسراون، کە دەبێت بە پێی دەستوور سەرجەم کێشەکان چارەسەر بکرێن و دەڵێت: "هەر لەو ستراتیژییە نوێیەشدا هاتووە، کە دەبێ سەرجەمی خاڵە دەستوورییەکان جێبەجێ بکرێن، نەک تەنیا ئەو خاڵە و ماددەیەی کە حکوومەتی عێراق دەیەوێت جێبەجێ بکات".

ستراتیژیی نوێی یەکێتیی ئەورووپا دەست پێ دەکات

وەک نوێنەرەکەی حکوومەتی هەرێم ئاماژەی بۆ کرد، چەند مانگێکە یەکێتیی ئەورووپا ستراتیژیی نوێی خۆی سەبارەت بە عێراق ڕاگەیاندووە و دەشڵێ، پرسیاریان لە باڵیۆزانی ئەندامی ئەو یەکێتییە کردووە، سەبارەت بە وادەی دەستبەکاربوونی، لە وەڵامدا، بە نوێنەرایەتیی حکوومەتی هەرێمی کوردستانیان ڕاگەیاندراوە، کاتێ کابینەی نوێی حکوومەتی عێراق بە تەواوی پێک هات، ئەوکات، باڵیۆزەکانیان لە بەغدا پێکەوە کۆبوونەوەیەکی هاوبەش لەگەڵ حکوومەتی عێراقدا دەکەن، هاوکات بۆی هەیە کۆبوونەوەیەک لەگەڵ حکوومەتی هەرێمی کوردستانیش بکەن، ئەوەش لە پێناو ئەوەی ئەوان چۆن بتوانن ئەو ستراتیژییە نوێیەیان بۆ چارەکردنی کێشەکان باس بکەن و کاریگەرییان هەبێت.

یەکێتیی ئەورووپا دەیەوێت هەرێمی کوردستان لە ناو عێراقی فیدراڵدا بەهێز بێت و مافەکانی بەغدا و هەرێمیش لە دەستووردا چۆن هاتوون، بەو شێوەیە جێبەجێ بکرێن،  هەروەها ئەو خاڵانەیشی کە لە لایەن نوێنەرایەتیی هەرێمەوە دراونەتە باڵیۆزی وڵاتانی ئەندامی یەکێتیی ئەورووپا. دلاوەر وای گوت.

ئاژگەیی ئەوەیشی ئاشکرا کرد: "بۆ دەستپێکردنی ستراتیژییە نوێیەکەی یەکێتیی ئەورووپا، لەمەڕ بارودۆخی عێراق و هەرێمی کوردستانەوە، شاندێکی پەیوەندییەکانی یەکێتیی ئەورووپا لە کۆتایی مانگی ١٢دا سەردانی بەغدا و هەولێر دەکەن، بە مەبەستی چارەکردنی کێشە هەڵپەسێردراوەکان.

خێڵان بەختیار




دوایین هەواڵەکان

خۆشناو: پرۆژەیاسای سەرۆکایەتی هەرێمی کوردستانمان داوەتە سەرۆکایەتی پەرلەمان

SATURDAY, 23 MARCH 2019 13:03:33
هەولێر-KDP.info- پارتی پرۆژەیاسایەکی بۆ هەمواری یاسای سەرۆکایەتی هەرێمی کوردستان داوەتە سەرۆکایەتی پەرلەمان. سەرۆكی فراكسیۆنی پارتی لە پەرلەمانی كوردستان رایگەیاند، هەموو هەوڵێك دەدەن بەبێ‌ یەكێتی یاسای سەرۆكایەتی هەرێم هەموار نەكەنەوە. لەهەمانکاتدا گوتیشی، ئەگەر هەر نەهاتن، هەمواری یاساكە راناگرن.
 
شەقامی ١٢٠ مەتری دەکرێتەوە و دەست بە شەقامی ١٥٠ مەتری دەکرێت

SATURDAY, 23 MARCH 2019 12:03:31
هەولێر-KDP.info- شارەوانی ھەولێر لەبارەی دواکەوتنی کردنەوەی شەقامی ١٢٠ مەتری شاری ھەولێر ده‌ڵێ، لە ئایندەیەکی نزیکدا شەقامەکە دەکرێتەوە و گوتەبێژی شارەوانیش دەڵێ، رەوشی دارایی باشبێت دەست بە شەقامی ١٥٠ مەتری دەکەین.
 
مەكتەبی سیاسی پارتی، سەرەخۆشیی لە خانه‌واده‌ی حەمید ئاغای كاكە زیادی کۆیە دەکات

SATURDAY, 23 MARCH 2019 12:03:00
پرسەنامەی مەكتەبی سیاسی پارتی دیموكراتی كوردستان
بۆ كۆچی دوایی كەسایەتی نیشتیمانپەروەر(حەمید ئاغای كاكە زیادی کۆیە)
 
بەڕێزان خانەوادەی كەسایەتی نیشتیمانپەروەر (حەمید ئاغای كاكە زیادی کۆیە) 
گەورەترین پێشانگای کتێب لەھەولێر دەکرێتەوە

SATURDAY, 23 MARCH 2019 12:03:23
هەولێر-KDP.info-  بڕیارە لە مانگی نیسانی دابێ چواردەمین پێشانگای نێودەوڵەتی بۆ کتێب لە شاری ھەولێر بکرێتەوە و ھەزاران ناونیشان لەبوارە جیاوازەکان نمایش بکرێن و چەندین وڵاتیش بەشداری دەکەن.
 
پەیامی پیرۆزبایی دەزگای رۆشنبیریی و راگەیاندنی پارتی بۆ رادیۆی زاگرۆس

SATURDAY, 23 MARCH 2019 10:03:53
هەولێر-KDP.info- دەزگای رۆشنبیریی و راگەیاندنی پارتی دیموكراتی كوردستان، بەبۆنەی (13)هەمین ساڵیادی دامەزراندنی (رادیۆی زاگرۆس) په‌یامێكی پیرۆزبایی ئاراسته‌ی بەڕێوەبەر و  ستافی بەڕێوەبردن و تێكڕای كارمەندانی رادیۆی زاگرۆس كرد.
 


 
© 2018 Kurdistan Democratic Party, KDP