Kurdî  ■  كوردی  ■  عربي
THU, 17 JAN 2019 10:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی و باڵیۆزی بەلجیكا، دۆخی سیاسیی عێراق و كوردستانیان تاوتوو كرد
| KDP.info


 

هەولێر-KDP.info- نێچیرڤان بارزانی، سەرۆكوەزیرانی هەرێمی كوردستان، سەرلەبەیانیی ئەمڕۆ 8/11/2018 پێشوازی لە هنریك ڤان دیفێڵد، باڵیۆزی بەلجیكا لە عێراق و ئوردن و شاندێكی یاوەری كرد.

لە دیدارێكدا، دیفێڵد باسی لە پرۆسەی هەڵبژاردن و یەكەم دانیشتنی پەرلەمانی كوردستان و ئامادەكاری بۆ پێكهێنانی كابینەی نوێی حكوومەتی هەرێم كرد و، پێشكەوتنەكانی هەرێمی كوردستانی لە بوارە جیاوازەكاندا بە تایبەتی لە بواری ئابووریدا بەرز نرخاند، هەروەها باسی لە پێكهێنانی حكوومەتی عێراقی فیدراڵ كرد و بە ‌پێویستی زانی بەشدارییەكی بەهێزی لایەنی كوردی لەو حكوومەتەدا هەبێت، بە ‌شێوەیەك لە هەموو ڕوویەكەوە خزمەتگوزاری بۆ پێكهاتەكانی عێراق دابین بكات و كێشەكانی هەولێر ـ بەغدا چارە بكات.

لای خۆیەوە، سەرۆكوەزیرانی هەرێمی كوردستان پوختەیەكی دەربارەی چۆنیەتیی دەستپێكردنی كۆبوونەوە و دیدارەكان بۆ پێكهێنانی كابینەی نوێی حكوومەتی هەرێمی كوردستان پێشكەش كرد و، ئاماژەی بە بەرەوپێشچوونەكانی هەرێمی كوردستان بە تایبەتی لە بواری ئابووری و باشتركردنی ژیانی هاووڵاتیان كرد و ئامادەییی هەرێمی كوردستانی بۆ دەستپێكردنی گفتوگۆكانی هەولێر ـ بەغدا بە ‌مەبەستی چارەكردنی تەواوی كێشەكان دەربڕی.

تاوتووكردنی ڕەوشی ئاوارەكان و گەڕانەوەیان بۆ زێدی خۆیان، دابینكردنی خزمەتگوزارییە پێویستەكانیان و پرۆسەی سیاسیی عێراق و هەرێمی كوردستان، لایەنێكی دیكەی دیدارەكە بوو.




دوایین هەواڵەکان

بە سەرۆکایەتی د.فوئاد حوسێن چەند بڕیارێک دەربارەی هەولێر و بەغدا دران

WEDNESDAY, 16 JANUARY 2019 19:01:12

بەغدا-KDP.info-  ئەمڕۆ بە سەرۆکایەتیی د. فوئاد حوسێن، جێگری سەرۆکوەزیران-وەزیری داراییی حکوومەتی عێراقی فیدراڵ، چەند بڕیارێک دەرکران کە پێوەندییان بە هەولێر و بەغداوە هەبوو.

 
رێبوار هادی: بە ماددەیەكی یاسایی، بەغدا ناچار بە ناردنی مافە داراییەكانی هەرێم دەكرێ

WEDNESDAY, 16 JANUARY 2019 18:01:32

بەغدا-KDP.info- ئەندامێكی لیژنەی یاساییی ئەنجومەنی نوێنەران دەڵێ، لە هەوڵی زیادكردنی ماددەیەكدان لە نێو پرۆژەیاسای بودجەی 2019ی عێراقدا، کە لەو ماددەیەدا حكوومەتی عێراق پابەند دەكەن بەوەی كە یاری بە مووچە و مافە داراییەكانی هاووڵاتیانی هەرێم نەكات.

 
دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 
"ساڵی ڕابردوو زیاتر لە پێنج ھەزار ڕووداوی ئەمنی لە کەرکووک تۆمار کراون"

WEDNESDAY, 16 JANUARY 2019 15:01:30

کەرکووک-KDP.info- تێکچوونی ڕەوشی ئەمنیی شاری کەرکووک دانیشتووانەکەی دڵگران کردووە و سەرچاوەیەکی ئەمنیش ڕوونی کردەوە، تەنیا لەساڵی ڕابردوودا زیاتر لە پێنج ھەزار ڕووداوی ئەمنی لە کەرکووک تۆمار کراون.

 


 
© 2018 Kurdistan Democratic Party, KDP