Kurdî  ■  كوردی  ■  عربي
TUE, 20 NOV 2018 19:20 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

یەكێتیی لاوان، بووە ئەندامی رێكخراوی لاوانی پارتی گەلانی ئەورووپا
| KDP.info


 

ئەسینا-KDP.info- لە میانی كاركردن و بەشداریی بەردەوامی رێكخراوی یەكێتیی لاوانی دیموكراتی كوردستان، لە كۆتاییدا بە رێژەی دەنگدانی ٩٤٪‏ لە كۆنگرەی ١٢ی رێكخراوەكە لە ئەسینای پایتەختی یۆنان، بە ئەندامی رێكخراوی لاوانی پارتی گەلانی ئەورووپا، كە گەورەترین پارتی نێو پەرلەمانی ئەورووپایە، ھەڵبژێردرا.

فەلاح حەسەن، ئەو گەنجە كوردەی كە پۆستی جێگری سەرۆكی لاوانی سیاسیی جیھانی ھەیە، ھاوكات نوێنەری دەرەوەی لاوانی پارتی دیموكراتی كوردستانە و سەرپەرشتیی ئەم كارەی كردووە، ڕاگەیاند: "دوای پیرۆزباییم لە گەكەمان لە ھەرێمی كوردستان و ھێزی پێشمەرگەی كوردستان، دەمەوێت بڵێم ئەم دەستكەوتە مەزنە ڕاستە لە ڕێگە و ھەوڵدانی بەردەوامی ئێمە وەكو لاوانی پارتی دیموكراتی كوردستاندا بووە، بەڵام بەرھەمی دەستكەوتەكە بۆ گەلی ھەرێمی كوردستانە بە گشتی، چونكە ئاڵای كوردستان لەنێو رێكخراوەكەدا دادەنرێت، نەوەك ئاڵای پارتی دیموكراتی كوردستان، بۆیە ئەمە مینبەرێكی گرینگە بۆ سەرجەم لاوان و گەنجانی سیاسیی كوردستان تا بتوانن لەرێگەی لاوانی پارتییەوە بەشێك لە پەیامەكانیان بگەیەننە نێو ئەم رێكخراوە مەزنە و ببێتە پردێكی تازە لە نێوان لاوانی كوردستان و ئەندامانی پارتی گەلانی ئەورووپا و ئەندامانی پەرلەمانی ئەورووپایش".

فەلاح حەسەن، هەروەها دەڵێت: "ئەم سەركەوتنە مێژووییە، بە گرینگترین ھەنگاوی ژیانی خۆمی دادەنێم بۆ گەلەكەمان، چونكە ئەم ٦ ساڵەی رابردوو، پاش ھەوڵ و كۆششێكی بێوچان توانیمان مێژوو بۆ گەلەكەمان تۆمار بكەین".

لە بەشێكی دیكەی قسەكانیدا، حەسەن ئاماژەی دا: "لە ماوەی ئەم شەش ساڵەی كاركردنم بۆ ئەم ھەنگاوە تا گەییشتینە ئامانجەكە، ھیچ ھاریكارییەك نەكراوین، بەڵام چونكە دەمانزانی ئەمە بۆ گەل و بۆ كوردستانە، بۆیە سارد نەبووینەوە و بەردەوام بووین تا سەركەوتین و شانازییەكەیشی بۆ ھەموو كوردستانە نەوەك تەنھا بۆ پارتی و لاوانی پارتی دیموكراتی كوردستان".

شایەنی باسە، لاوانی پارتی دیموكراتی كوردستان لە دوای ئەندامبوونیان لە لاوانی سیاسیی جیھان و ئەورووپا بۆ چەند ساڵی ڕابردوو، ئێستا بوونە ئەندامی لاوانی پارتی گەلانی ئەورووپایش كە گەورەترین پارتی نێو پەرلەمانی ئەورووپایە و خاوەن ٢١٩ ئەندامی پەرلەمانی ئەورووپایە، كە ناسراوە بە EPP.

 




دوایین هەواڵەکان

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.

بروسكەی سەرەخۆشیی سەرۆك بارزانی بۆ دكتۆر ڕۆژ نوری شاوەیس

MONDAY, 19 NOVEMBER 2018 22:11:35

برای بەڕێزم كاك د. ڕۆژ نووری شاوەیس

بە داخێكی زۆرەوە هەواڵی كۆچی دوایی مامی بەڕێزتان خوالێخۆشبوو كاك جەوهەر شاوەیسم بیست. بەم بۆنە خەمناكەوە سەرەخۆشی لە ئێوە و خانەوادە شۆڕشگێر و تێكۆشەرەكەتان و تەواوی دۆست و كەسوكار و ئاشنایانتان دەكەم و خۆم بە هاوبەشی خەمتان دەزانم و خۆتان خۆش بن.



 
© 2018 Kurdistan Democratic Party, KDP