Kurdî  ■  كوردی  ■  عربي
TUE, 20 NOV 2018 19:25 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پێکهاتەکانی ژێر دەسەڵاتی حەشدی شەعبی لە نەهامەتیدان
| KDP.info


دهۆک -KDP.info- پێکهاتەکانی دەشتی نەینەوا، تا دەگاتە شنگال و کەرکووک و ناوچەکانی تریش لە نەهامەتیدان، گرنگیدەرانی پێکهاتەکانیش دەڵێن، جارێک لە دەست داعش و جارێکی تریش لە دەست حەشدی شەعبی تووشی ماڵوێرانی بوون.

ژینگەی تەناهی

لە ڕووی تەناهییەوە، پێکهاتە ئایینی و نەتەوەییەکان دوای هاتنی داعش ڕووبەڕووی کارەسات و جینۆسایدێکی گەورە بوونەوە، بەڵام دواتر هەر پێکهاتەیەک هێزێکی تایبەت بە خۆیان دروست کرد و خرانە سەر وەزارەتی پێشمەرگە.

سەرۆکی ئەنجومەنی پارێزگای مووسڵ، سەیدۆ چەتۆ، بە ماڵپەڕی فەرمیی پارتی دیموکراتی کوردستان دەڵێت: "دوای هاتنی حەشدی شەعبی خەڵک لە ڕووی ئەمنییەوە تووشی بۆشاییی ئەمنی بوون و داعش دەستی بە جموجووڵ کردووەتەوە و خەریکی خۆڕێکخستبەوەن."

ناجێگیربوونی سیاسی

دوای هاتنی حەشدی شەعبی دەست بەسەر بارەگای سیاسیی هەموو حزبەکاندا گیرا و کراونەتە شوێنی سەربازی و هاتنی ئەو هیزەش بووەتە هۆی ئەوەی لە دەشتی نەینەوا و شنگال بارەگای حزبە شیعەکان بکرێنەوە و هەر کەس بێڕوڕای جیاوازی هەبیت سزای بدەن. چالاکی سیاسی، جگەرخوین سێڤۆ، بە ماڵپەڕی فەرمیی پارتی دیموکراتی کوردستان دەڵێت: "ئەو حزبە ئایینییە جیاوازانە لە ناوچەی پێکهاتەکان ستەمێکی دیکەیە دەرهەق بە پێکهاتە ئایینییەکان." جگەرخوین سێڤۆ دەڵێت: "پێکهاتەکان ئێستا پێویستیان بە هاتنی حزبە ئیسلامییەکان نییە، بەڵکو پێویستیان بە هاوکاری و ئاوەدانی و قەرەبووکردنەوەیان هەیە." ڕێکخراوە نێودەوڵەتییەکان چەندین ئاماژەیان داوە کە شنگال و دەشتی نەینەوا بەکەڵکی ژیان ناهێت و دوای هاتنی حەشد بۆ ناوچەکە تەواوی سیکتەرەکانی ژیان خەریکی لەنێوچوونن.

ئاشتەواییی کۆمەڵایەتی و جێگیربوونی ژیان

دوای هاتنی ئەو هێزە لە ١٦ ئۆکتۆبەر بۆ ناوچە پێکهاتەنشینەکان، پێکهاتەکان دەڵێن، جاریکی تر جموجووڵی داعش لەزیادبووندایە. قاسم شەشۆ، کە فەرماندەی پێشمەرگەی شنگالە، بە ماڵپەڕی فەرمیی پارتی دیموکراتی کوردستانی ڕاگەیاند: "هاتنی حەشدی شەعبی بۆ شنگال بووە هۆکاری ئەوەی سنووری سووریا لەگەل شنگال بۆشایی تێ بکەوێت و لەو سنوورەوە هاتنی داعش بۆ ناوچەکە لەزیادبووندایە."

حەشدی شەعبی جگە لە ئازاردان و بەتاڵانبردنی ماڵ و مڵکی خەڵک دەستی بە عەرەبکردن و تەشویعکردنی ناوچەی پێکهاتەکان کردووە و لە شنگالیش ئەو گوندنشینانەی کە دەستیان لە داعشدا هەبووە و هاوکاریشیان کردبوون بە بیانووی ''ئاشتبوونەی کۆمەڵایەتی'' گەڕاونەتەوە شنگاڵ و ئێزدییەکانیش ئەوە بە مەترسی دەزانن."

شەشۆ هۆشداریش لە هێنانەوەی ئەنجامدەرانی کۆمەڵکوژیی ئێزدییان بۆ شنگال دەدات و دەڵێت: "هاتنی ئەو کەسانە بە ناوی "ئاشتبوونەی کۆمەڵایەتی"یەوە مەترسییەکی دیکەیە بۆ سەر ئێزدییان و دوور نییە جارێکی تر ئێزدی ڕووبەڕووی کۆمەڵکوژییەکی تر ببنەوە."

کــاروان بــاعەدری 

 




دوایین هەواڵەکان

حەشد و ھێزە عێراقییەكان سەرقاڵی بازرگانیكردنن.. ئاگایان لە دۆخی ئەمنیی مووسڵ نەماوە

TUESDAY, 20 NOVEMBER 2018 10:11:52

مووسڵ-KDP.info- بەرپرسێكی پارتی دەڵێ، دۆخی ئەمنیی مووسڵ زۆر خراپە و خەڵكی ھەست بە مەترسییەكی زۆر دەكەن، چونكە داعش جارێكی دیكە سەری ھەڵداوەتەوە و حەشدی شەعبی و ھێزە عێراقییەكانیش لەبەر كاری بازرگانی، ئاگایان لە دۆخی ئەمنیی شارەكە نەماوە.

 
هەولێر و بەغدا ڕێككەوتنێكی ٢٨خاڵییان واژۆ كرد

TUESDAY, 20 NOVEMBER 2018 10:11:36

ھەولێر-KDP.info- بەڕێوەبەری گشتیی وەزارەتی بازرگانیی حكوومەتی ھەرێمی كوردستان گوتی، لە دوای سەردانی شاندی بەغدا بۆ ھەرێمی كوردستان، سەبارەت بە خاڵە گومرگییەكان رێككەوتنێكی ٢٨خاڵییان واژۆ كردووە، كە گرینگترینیان لادانی خاڵە گومرگییە نایاساییەكانن.

 
نێچیرڤان بارزانی: وێڕاى سه‌ختییه‌كان، ئامانجه‌كانى پلانی‌ ستراتیژیی حكوومه‌تى هه‌رێم‌ دێنه‌ دى

MONDAY, 19 NOVEMBER 2018 23:11:32

هه‌ولێر-KDP.info-  نێچیرڤان بارزانی سەرۆکوەزیرانی هەرێمی کوردستان ده‌ڵێ، سەرەڕای گوشارەکانی حکوومەتی عێراق، بەربەستە دەرەکییەکان و هەروەها بارودۆخی شەڕی داعش، پلانە بەردەوامەکەی حکوومەت سەرکەوتوو بوو و ڕۆڵی بەرچاوی هەبوو لە بەرەوپێشبردنی کوردستان لە سەرجەم كه‌رته‌كان، هاوكات ‏وه‌به‌رهێنانی له‌ بوارى وزه‌ و سه‌رچاوه‌ سروشتییه‌كانى بە ڕێگەپێدراو و مافێکی دەستووری دانا.

 
سه‌رۆک بارزانی یادی له‌دایکبوونی پێغه‌مبه‌ری موسڵمانان پیرۆز ده‌کات

MONDAY, 19 NOVEMBER 2018 22:11:31

بسم الله الرحمن الرحیم

به‌بۆنه‌ی یادی له‌ دایکبوونی پێغه‌مبه‌ری مه‌زنمان محه‌مه‌دولمسته‌فا ( سڵاوی خوای له‌سه‌ر بێت) پیرۆزبایی له‌ سه‌رجه‌م موسڵمانانی جیهان و عێراق و موسڵمانانی کوردستان به‌تایبه‌تی ده‌که‌م.
هیوادارین ئه‌م بۆنه‌ پیرۆزه‌ هۆکارێکی دیکه‌ی پته‌وبوونی په‌یامی ئاشتی و برایه‌تی و پێکه‌وه‌ژیان و لێبورده‌یی بێت.

بروسكەی سەرەخۆشیی سەرۆك بارزانی بۆ دكتۆر ڕۆژ نوری شاوەیس

MONDAY, 19 NOVEMBER 2018 22:11:35

برای بەڕێزم كاك د. ڕۆژ نووری شاوەیس

بە داخێكی زۆرەوە هەواڵی كۆچی دوایی مامی بەڕێزتان خوالێخۆشبوو كاك جەوهەر شاوەیسم بیست. بەم بۆنە خەمناكەوە سەرەخۆشی لە ئێوە و خانەوادە شۆڕشگێر و تێكۆشەرەكەتان و تەواوی دۆست و كەسوكار و ئاشنایانتان دەكەم و خۆم بە هاوبەشی خەمتان دەزانم و خۆتان خۆش بن.



 
© 2018 Kurdistan Democratic Party, KDP