Kurdî  ■  كوردی  ■  عربي
THU, 17 JAN 2019 10:44 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

حاڵ و داهاتووی کوردستان چۆن بخەمڵێنین؟
| KDP.info


سەرۆ قادر
ڕۆژهەڵاتی ناوەڕاست هەروا لە قەیرانی بنەڕەتیی خۆیدا دەکوڵێت. ئەنجامی شەڕەکانی ئەم ناوچەیەی جیهان گۆڕانکاریی زۆر نەوعی و ڕادیکالن.
عەرەب و ئیسڕائیل وا وردە وردە بەبێ میانجی ئاشت دەبنەوە و بەرەیەکی ئابووری، سوپایی فراوان پێک دێنن. لەلایەکی تر جەمسەربەندی هێزەکانی ناوچەکە لە دژی ئێران بەرەو زیادییە. ئەمریکا زۆر بە جیددی بەرەنگاری ئێران بووەتەوە. بە کردەوە سووریا لە نێوان دەوڵەتە عەسکەرییە پەیوەنددارەکاندا دابەش بووە. تورکیا نەیتوانی بەرەیەکی سەر بە خۆی دروست بکات و پێگەیەکی لەرزۆکی هەیە. دروشمی چاکسازیی دینی لە سەرزەمینی پیرۆز(سعوودیە) دەستیپێکردووە و پەل بۆ هەموو دەوڵەتە ئیسلامییەکان داوێژێ. ئەوەی پەیوەندی بە ئێمەوە هەبێ، هەر چوار پارچەی کوردستان لە جۆش و خڕۆشدایە. ڕەوایە لە خۆمان بپرسین ئەرێ چیمان بەسەر دێ؟
لە پرۆسەی بەرەنگاربوونەوەی توندڕۆییی ئیسلامیدا، کورد رۆڵێکی یەکلاییکارەوەی هەیە و لە مەیدانیشدا سەلماندوویەتی کە هاوپەیمانێکی سیاسی ـ کۆمەڵایەتی باوەڕپێکراوی ڕۆژئاوایە. جا ئەو هاوپەیمانییە لە دژی داعش بووبێ یان بۆ بەرپێگرتنی نفوزی کۆماری ئیسلامیی ئێران بووبێ یان بۆ سنووردارکردنی تەماعی تورکیای نیوعوسمانی بە تامی ئیخوان. ئەمە ڕاستییەکە لە سەر ئەرز و بە کردەوە ڕوویداوە. لەمەودوایش هەر گۆڕانکارییەکی سوپایی بێت، کوردستان پێگەی سەرەکی دەبێ کە ئەمریکا پشتی پێ دەبەستێ. پێموایە ترامپ هەر لە خۆیەوە ناڵێ کورد قارەمانن و دەبێ شتێکیان بۆ بکەین و قەت پشتیان تێناکەین. ئەوە لە کاتێکدا دەڵێ کە هەموو تواناکانی دەوڵەتەکەی خۆی بۆ بەرەنگاربوونەوەی ئێران یەک‌خستوە و لە سووریا لە ناو کوردستانەوە بەر بە پڕۆژەکانی دەوڵەتانی نەیاری خۆی دەگرێ.
دوای ڕیفڕاندۆم ئەمریکا و ئەورووپا بۆ کوردستان گەڕانەوە و هاوکاریی هەرێمی کوردستانیان کرد تا نەخشەی تێکدەرانەی عێڕاق و ئێران و تورکیا بە ئاودا بدات. ئەمە حەقیقەتە. قارەمانیەتیی پێشمەرگە پەسندی وەرگرت و وردە وردە بەهێزتر کرا. ئێمە نابێ تاسانی خیانەتی ١٦ی ئۆکتۆبەر واقیعبینیمان دابپۆشێت. دروشمی کوردستانی بەهێز جاری یەکەم بە زمانی ئەمریکادا هات و بووە بناغەی سیاسەتی نوێی حکوومەتی هەرێمی کوردستان. سەرۆکی حکوومەت بەڕێز نێچیرڤان بارزانی زۆر داهێنەرانە ئەو سیاسەتەی سەرکردایەتی کرد و ئێستا سەرکەوتنەکە لە هەمووان ئاشکرایە.
تەجرەبەی ١٦ی ئۆکتۆبەر سەلماندی کە لێکدابڕانی هێزە کوردستانییەکان چەندە کوشندەیە. هەروەها جارێکی دیکە سەلماندی کە پیلانگێڕان دژی حکوومەتی خۆت و پەنابردن بۆ دوژمن هیچ ئایندەیەک بۆ هیچ حزب و کەسێک دابین ناکات. لەوانەیە لە داهاتووی نزیکدا هەندێک ئەنجامی تر ببینین.
سەرکردە سیاسییەکان پێویستە بەسەر ناکۆکییەکاندا پاز بدەن و توانایی کوردستان بۆ ئەو گۆڕانکارییە بپارێزن کە لە داهاتوویەکی نزیکدا وێدەچێ ڕوو بدات. هەروەها وا دەخوازێ یەکگرتووییی سیاسیی ناوخۆیی(مەبەستم حزبەکانە) پارچەکانی دیکەی کوردستانیش بگرێتەوە.
ئەگەر پڕۆسەی ئاشتی و یەکگرتنی ئیسڕائیل و عەرەب تەواو ببێ، ئەگەر ئێران بۆ ئەمریکا دانەشکێنێ، ئەگەر چاکسازیی دینی لە سعوودیەوە بۆ دەوڵەتانی دیکە بپەڕێتەوە، ئەوسا دەرفەت بۆ هەر چوار پارچەی کوردستان زۆر فراوانتر دەبێت، هاوپەیمانی لەگەڵ بەرەی ئەمریکا و ئیسڕائیل دێتە ناو ماڵمان و ناتوانین خۆمانی لێ بپارێزین. بەرەی عەرەب بە سەرۆکایەتیی سعوودیە دژی ئێران و عێڕاق و تورکیا گەرمتر دەبێت و دەرفەت بۆ ئەو باسەی کە سعوودییەکان لە ناوەندە فکرییەکاندا باسی دەکەن فراوانتر دەیێت کە دەڵێن شەڕ و نیوەشەڕ هەر یەکە و بۆ خەلاسبوون لە بەڵای ئێران و تورکیا تەنیا دەوڵەتی کوردستانی گەورە عیلاجە. ئەوە قسەی سعوودییەکانە نەک من. جا ئەگەر بشزانین کە لە هەندێک ناوەندی فکری زۆر جیدیدا جۆن بۆڵتۆن و پۆمپیۆ باسی نەک تەنیا ڕووخاندن بەڵکو لێکهەڵوەشاندنی ئێران دەکەن. ئەوانە سەناریۆن و گەڵاڵە کراون، ئەویش لەسەر زمانی وەزیری دەرەوەی ئەمریکا و ڕاوێژکاری ئاسایشی نەتەوەیی.
من ناڵێم زۆر سادە بین و پێمانوابێ ئەو سەناریۆیانە هەموویان سەردەگرن. بەڵام گۆڕانێکی جیددی بەڕێوەیە و یەکگرتوویی و بەشداریی نەترسانەی کوردان قزگەی یەکلاییکەرەوە دەبێ.

 

لە فەسبووکی نووسەر وەرگیراوە
 




دوایین هەواڵەکان

پرسەنامەیەك لە د.فۆاد حسێن جێگری سەرۆك وەزیران و وەزیری دارایی عێراقی فیدراڵ

THURSDAY, 17 JANUARY 2019 10:01:00
بەداخ و پەژارەیەكی زۆرەوە هەواڵی كۆچی دوایی كەسایەتی خەباتگێڕ و ناسراوی كوردستان و ئەندامی پێشووی مەكتەبی سیاسی پارتی دیموكراتی كوردستان مامۆستا محەمەد مەلا قادرمان پێگەیشت
بە سەرۆکایەتی د.فوئاد حوسێن چەند بڕیارێک دەربارەی هەولێر و بەغدا دران

WEDNESDAY, 16 JANUARY 2019 19:01:12

بەغدا-KDP.info-  ئەمڕۆ بە سەرۆکایەتیی د. فوئاد حوسێن، جێگری سەرۆکوەزیران-وەزیری داراییی حکوومەتی عێراقی فیدراڵ، چەند بڕیارێک دەرکران کە پێوەندییان بە هەولێر و بەغداوە هەبوو.

 
رێبوار هادی: بە ماددەیەكی یاسایی، بەغدا ناچار بە ناردنی مافە داراییەكانی هەرێم دەكرێ

WEDNESDAY, 16 JANUARY 2019 18:01:32

بەغدا-KDP.info- ئەندامێكی لیژنەی یاساییی ئەنجومەنی نوێنەران دەڵێ، لە هەوڵی زیادكردنی ماددەیەكدان لە نێو پرۆژەیاسای بودجەی 2019ی عێراقدا، کە لەو ماددەیەدا حكوومەتی عێراق پابەند دەكەن بەوەی كە یاری بە مووچە و مافە داراییەكانی هاووڵاتیانی هەرێم نەكات.

 
دیاری حوسێن: پارتی بەبێ ئاسایکردنەوەی رەوشی کەرکووک شەرعیەت بە هیچ هەڵبژاردنێک نادات

WEDNESDAY, 16 JANUARY 2019 17:01:49

كەركووك-KDP.info- دوای ئەوەی ڕۆژی یەکشەممەی ڕابردوو کۆمسیۆنی باڵای ھەڵبژاردنەکانی عێراق بڕیاری دا ھەڵبژاردنی ئەنجومەنی پارێزگاکانی عێراق لە کۆتاییی ئەمساڵ بەڕێوە بچێت و پارێزگای کەرکووکیش دەگرێتەوە، بەرپرسێکی پارتی دەڵێ، لای ئێمە ھەڵبژاردنەکەی کەرکووک ھیچ شەرعیەتی نییە و لەگەڵ لایەنە کوردەکانی کەرکووکیش ئەو بابەتە یەکلا دەکەینەوە.

 
داوا دەکرێ سێ بەنداوی سنووری قەزای مێرگەسۆر تەواو بکرێن

WEDNESDAY, 16 JANUARY 2019 15:01:55

هەولێر-KDP.info- ساڵی ڕابردوو ھەرێمی کوردستان و تورکیا ڕێک کەوتوون لەسەر دروستکردنی سێ بەنداو، ئەندامێکی لیژنەی سەرچاوەکانی ئاوی پەرلەمانی عێراقیش دەڵێ، داوایان کردووە حکوومەتی بەغدا ھاوکار بێت بۆ دەستپێکردنی ئەو پڕۆژانە و سوودی بۆ ھەرێم و عێراقیش دەبێت.

 


 
© 2018 Kurdistan Democratic Party, KDP